"မိသားစု"

(၁) ပြောဆိုဆက်ဆံခြင်း

ခြင်္သေ့တစ်ကောင်နဲ့ ကျားတစ်ကောင်ဟာ တစ်ကောင်နဲ့တစ်ကောင် ပြင်းပြင်းထန်ထန် သတ်ဖြတ်ကြတယ်။ နောက်ဆုံးမှာ နှစ်ကောင်စလုံး ဒဏ်ရာအနာတရ ရခဲ့ကြတယ်။

ခြင်္သေ့က သေလုမြောမြောဖြစ်နေချိန်မှာ ကျားကိုမေးတယ်။

“ငါ့နေရာကိုသာ မင်းဝင်မလုရင် ငါတို့နှစ်ကောင်လုံး ဒီလိုထိခိုက်ဒဏ်ရာရကြမှာမဟုတ်ဘူး”

“မင်းနေရာကိုလုဖို့ ငါတစ်ခါမှ မတွေးခဲ့မိဘူး။ မင်းသာ ငါ့နေရာကို ကျူးကျော်မယ်လို့ ငါထင်ခဲ့တာ” ကျားက အသက်ငင်ရာကနေ တအံ့တသြပြန်ပြောတယ်။

အချင်းချင်းပြောဆိုဆက်ဆံခြင်းက မိသားစုပျော်ရွှင်မှုရဲ့ အဓိကသော့ချက်ဖြစ်တယ်။ ပြောချင်တဲ့စကား၊ ပြောသင့်တဲ့စကားကို ရင်ထဲသိမ်းဆည်းမထားပါနဲ့။ မိသားစုနဲ့ ပိုဆက်ဆံပြောဆိုခြင်းအားဖြင့် ကိုယ့်ကိုသူတို့နားလည်နိုင်ပါစေ။ အချင်းချင်းဆက်ဆံပြောဆိုခြင်းက အထင်မှား အမြင်မှားခြင်း၊ သဘောထားကွဲလွဲခြင်းကို ကာကွယ်ပေးနိုင်ပါတယ်။

(၂) ယုံကြည်မှု

ငှက်နှစ်ကောင် အတူနေကြတယ်။ ငှက်ဖိုက သစ်စေ့တွေ ငှက်သိုက်တစ်သိုက်စာလောက်ရှာပြီး ငှက်မကိုစောင့်ရှောက်ခိုင်းတယ်။ ရာသီဥတုပူတော့ သစ်စေ့တွေခြောက်ပြီး ကျုံ့ကုန်လို့ နဂိုထက် တစ်ဝက်လောက်လျော့သွားတယ်။ ဒါကို ငှက်မ ခိုးစားလိုက်တယ်လို့ ငှက်ဖိုကထင်ပြီး ငှက်မကို ထိုးစိုက်မောင်းထုတ်ပစ်လိုက်တယ်။ ရက်အနည်းငယ်အကြာ မိုးတွေရွာပြီးတဲ့နောက် ရာသီဥတုစိုထိုင်းလာတော့ သစ်စေ့တွေက ရေဓာတ်တွေပြည့်ပြီး ငှက်သိုက်တစ်ခုလုံးပြည့်သွားခဲ့တယ်။ ဒီအချိန်ကျမှ ငှက်ဖိုကနောင်တရပြီး “ငှက်မကို ငါအထင်မှားခဲ့ပြီ”လို့ဆိုတယ်။

မိသားစုအချင်းချင်းကြားမှာ ယုံကြည်မှုဆိုတာ ရှိရတယ်။ ပျော်ရွှင်တဲ့မိသားစုတွေ အိမ်ထောင်ပျက်ရတာက သံသယနဲ့ မသင်္ကာမှုတွေကြောင့်ပါ။ မိသားစုအပေါ် ယုံကြည်မှုရှိပါစေ။ သံသယကြောင့် မိသားစုပျော်ရွှင်ချမ်းမြေ့ခြင်းတွေ မပျက်စီးပါစေနဲ့။

(၃) သတိရှိခြင်း

ကျီးကန်းနှစ်ကောင်ဟာ တစ်ကောင်ကိုတစ်ကောင် ဆဲဆိုနေကြတယ်။ ဆဲလေ ရန်ပွဲကကြီးလေ၊ စိတ်ပိုလှုပ်ရှားလေ ဒေါသပိုထွက်လေဖြစ်နေတယ်။ နောက်ဆုံးမှာ ကျီးတစ်ကောင်က အရာတစ်ခုကိုကောက်ပြီး နောက်ကျီးတစ်ကောက်ကို ပေါက်ထည့်လိုက်တယ်။ သူပစ်လိုက်တဲ့အရာက ကျီးကိုထိပြီး ကွဲသွားခဲ့တယ်။

အဲဒီအချိန်ကျမှ သူပစ်လိုက်တဲ့အရာဟာ သူ့အသိုက်ထဲက ပေါက်ခါနီးဥတစ်လုံးဖြစ်နေတယ်ဆိုတာကို သူသတိထားလိုက်မိတယ်။

မိသားစုအချင်းချင်းကြားမှာ မကျေနပ်မှု၊ ပြဿနာဆိုတာ ရှိတတ်ကြတယ်။ မကျေနပ်မှုနဲ့ကြုံတဲ့အခါ စိတ်အေးအေးထားပြီး ဆက်ဆံပါ။ အထူးသဖြင့် သဘောထားကွဲလွဲမှုနဲ့ကြုံတဲ့အခါ ပိုပြီးတော့တောင် အသိဉာဏ်ရှိရပါတယ်။ တဇွတ်ထိုးလုပ်လို့မရပါဘူး။ တဇွတ်ထိုးလုပ်တာဟာ ပြဿနာကို မဖြေရှင်းနိုင်တဲ့အပြင် ပိုလို့တောင်ဆိုးဝါးသွားစေပါတယ်။ ပြီးတော့ မိသားစုပျော်ရွှင်ခြင်းကိုပါ ထိခိုက်သွားစေနိုင်ပါတယ်။

(၄) နေရာပြောင်းကြည့်ခြင်း

ဆိတ်တစ်ကောင်က ခွေးတစ်ကောင်ကို ထမင်းစားဖိတ်တယ်။ သူ့အတွက် စားကောင်းသောက်ဖွယ်ဖြစ်တဲ့ မြက်နုကို ဆိတ်က တစ်စားပွဲလုံးကောင်းကောင်းပြင်ဆင်ပြီး ခွေးကိုကျွေးခဲ့တယ်။ ခွေးက မြက်တွေကို တစ်လုတ်နှစ်လုတ်ပဲစားပြီး မစားနိုင်ခဲ့တော့ဘူး။

ရက်အတန်ကြာတော့ ခွေးက ဆိတ်ကိုထမင်းဖိတ်ကျွေးတယ်။ စိတ်ထဲမှာလည်း “ဆိတ်လို ငါကပ်စီးမနည်းသင့်ဘူး။ သူ့ကို အစားကောင်း အသောက်ကောင်းနဲ့ ငါဧည့်ခံမယ်”ဆိုပြီး အသားတစ်ပွဲကို ကောင်းကောင်းပြင်ဆင်ပြီး ဆိတ်ကိုကျွေးခဲ့တယ်။ နောက်ဆုံးမှာ ဆိတ် စားတောင်မစားဘဲ ထွက်သွားခဲ့တယ်။

တစ်ခါတလေမှာ ကိုယ့်ဆန္ဒအတိုင်း တခြားသူကိုအကျပ်မကိုင်သင့်ဘူး။ ကိုယ့်အတွေးကို မိသားစုပေါ် အတင်းအကြပ် ဖြည့်မပေးသင့်ဘူး။ ပြဿနာနဲ့ကြုံတဲ့အခါ နေရာလဲ ရှုထောင့်ပြောင်းပြီး တွေးတောကြည့်ပါ။ တစ်ဘက်လူရဲ့နေရာကနေ ဝင်စဉ်းစားပေးကြည့်ပါ။ ဒီလိုဆိုရင် မိသားစုဝင်တွေအပေါ် သင်ပိုနားလည်လာပါလိမ့်မယ်။

(၅) ပျော်ရွှင်ခြင်း

ဝက်ကလေးတစ်ကောင်က ကိတ်မုန့်ဖုတ်သင်တယ်။ ဒါပေမယ့် သူလုပ်လိုက်တဲ့ကိတ်မုန့်တိုင်းက စားမကောင်းဖြစ်နေတယ်။ သူ့ဆရာကြက်ဖကို ဝက်ကလေးက ဘာကြောင့်လဲလို့မေးတယ်။ ကြက်ဖက စဉ်းစားပြီး ကိတ်မုန့်ဖုတ်ဖို့ ဘာတွေထည့်သလဲလို့ မေးတယ်။ ဝက်ကလေးက မဖြုန်းတီးချင်၊ နှမြောလို့ ဒိတ်လွန်တဲ့ကြက်ဥတွေကို သုံးပါတယ်လို့ ဖြေတယ်။

ဝက်ကလေးရဲ့အဖြေကို ကြက်ဖက “သေချာမှတ်ထား.. ကောင်းတဲ့အစာပလာတွေကိုသုံးမှ ကိတ်မုန့်ကောင်းကိုရလိမ့်မယ်”လို့ ပြောတယ်။

ဟုတ်ပါတယ်.. ကောင်းတဲ့အစာပလာတွေကိုသုံးမှ ကောင်းတဲ့ကိတ်မုန့်ကိုရမှာဖြစ်တယ်။ ထိုနည်းတူ ကောင်းမွန်ပျော်ရွှင်တဲ့စိတ်ထားနဲ့မှ သာယာချမ်းမြေ့တဲ့မိသားစုဘဝကို တည်ဆောက်နိုင်မှာဖြစ်တယ်။ ဒါကြောင့် အပြင်ကပြန်လာချိန် အိမ်ထဲမဝင်ခင် စိတ်ညစ်စိတ်ရှုပ်စရာတွေကို အိမ်အပြင်ဖက်မှာ ပစ်ထားခဲ့လိုက်ပါ။ အပြုံးတစ်ခုကိုပဲ အိမ်ပြန်ယူခဲ့ပါ။ တကယ်လို့ မိသားစုဝင်တိုင်းသာ ဒီလိုလုပ်နိုင်ခဲ့ရင် ဒီမိသားစုဟာ အပျော်ရွှင်ဆုံးမိသားစုတစ်စုဖြစ်သွားပါလိမ့်မယ်။


မူရင်း-- http://www.duwenzhang.com/wenzhang/renshengzheli/ganwu/20131016/272119.html

နိုင်းနိုင်းစနေ