ပြဿနာသစ်ပင်

ဖေဖေါ်ဝါရီ ၁၈ ရက် ၂၀၁၄

ကျွန်တော်အိမ်ပြန်တဲ့လမ်းမှာ လယ်ကွင်းတွေရှိပါတယ်။ လယ်ယာစိုက်ပျိုးနေကြတာပေါ့။ အဲဒီက လယ်သမားတွေနဲ့လဲ ရင်းနှီးပြီး မျက်မှန်းတမ်းမိနေပါပြီ။ တစ်နေ့တော့ ကျွန်တော်ရုံးကနေ အိမ်ပြန်လာခဲ့တယ်။ ညနေစောင်းအချိန်လေးပေါ့။ လယ်သမားတစ်ယောက်ဟာ ကားပျက်နေတယ်။ ကျွန်တော့်အိမ်နဲ့ လမ်းကြုံတာကြောင့် သူ့ကို ကျွန်တော်ကားပေါ်ခေါ်တင်သွားတယ်။

ကားပေါ်မှာ သူနဲ့ကျွန်တော်စကားပြောဖြစ်တယ်။ လယ်သမားဟာ ညည်းညူတယ်။ သူဒီနေ့ ပြဿနာတွေ တော်တော်ဖြစ်တယ်။ လယ်ထွန်စက်ကလဲ မနက်ကတည်းကပျက်နေတယ်။ ပြင်လို့လဲပြီးရော လယ်ထွန်တယ် သိပ်မကြာသေးဘူး ထယ်သွားကျိုးသွားတယ်။ သယ်လာတယ့် ထမင်းဘူးလဲ ခွေးတွေဝိုင်းဆွဲသွားတယ်။ အိမ်ပြန်တော့ ကားကပျက်ပြန်ရော။ ကျွန်တော်လဲ သူ့ကို ဖြစ်မှဖြစ်ရလေလို့ ပြောရုံကလွဲပြီး ဘာမှမပြောနိုင်ဘူး။

သူ့အိမ်မရောက်ခင် လယ်ကွင်းတွေအဆုံးက သစ်ပင်လေးနားမှာ ကားခဏရပ်ခိုင်းတယ်။ပြီးတော့ သစ်ပင်လေးမှာ လက်နှစ်ဖက်နဲ့ တစ်စုံတစ်ရာကို ချိတ်နေတဲ့ပုံလုပ်နေတယ်။ လက်ထဲမှာလဲ ဘာမှမရှိဘူး။ ကျွန်တော်ထင်တာက ဒီလူဂေါက်နေလားပေါ့။

လယ်သမားအိမ်ရှေ့ကျွန်တော်လိုက်ပို့ပေးတယ်။ အိမ်ရှေ့ရောက်တော့ လယ်သမားက အိမ်ထဲခဏ၀င်ဖို့ခေါ်လို့ အိမ်ထဲ ကျွန်တောလိုက်သွားတယ်။ အိမ်ထဲရောက်တော့ သုန်မှုန်နေတဲ့ လယ်သမားမျက်နှာ ချက်ခြင်းပြောင်းလဲသွားတယ်။ကလေးတွေက သူ့ကိုလာပွေ့ဖက်တယ်။ သူ့မိန်းမက သူ့ပါးကိုလာနမ်းတယ်။ သူ့မျက်နှာကလဲ ပြုံးပျော်နေတာပေါ့။

ခဏနေတော့ ကျွန်တော်ကားဆီပြန်ခဲ့တယ်။ လယ်သမားလဲ လိုက်လာတယ်။ ကျွန်တော်မနေနိုင်တော့ဘူး သူ့ကို ဘာလို့အိမ်ထဲရောက်တော့ မျက်နှာပြုံးသွားတာလဲပေါ့။

သူကပြောတယ် " ခင်ဗျားကျွန်တော်သစ်ပင်လေးနားကို သွားတာမှတ်မိလား တကယ်တော့ အဲဒါကျွန်တော့်ရဲ့ ပြဿနာသစ်ပင်လေးဗျ ကျွန်တော်အလုပ်အဆင်မပြေတာတွေ ပြဿနာတွေ ကြုံခဲ့ပြီး အိမ်ပြန်တော့မယ်ဆိုရင် အဲဒီသစ်ပင်လေးမှာ ကျွန်တော့်ပြဿနာတွေကို ချိတ်ခဲ့လိုက်တယ်။ အိမ်ကို ကျွန်တော့် ပြဿနာတွေ သယ်မသွားတော့ဘူး။ တကယ်လို့ ပြဿနာတွေ အိမ်ကိုပါသွားပြီး ကျွန်တော့်မျက်နှာ သုန်မှုန်နေရင် အိမ်ကလူတွေရော စိတ်ပျော်ရွင်နိုင်ပါ့မလား မနက်ရောက်လို့ ကျွန်တော် အလုပ်ပြန်သွားတော့မှ အပင်က ပြဿနာတွေ ပြန်သယ်သွားတယ်။အဲဒီပြဿနာတွေကို ပြန်ရှင်းတယ်။ ပြဿနာအသစ်တွေပါလာရင်လဲ ပြန်ချိတ်ခဲ့တယ်။"

ကျွန်တော်အိမ်ကိုကားမောင်းလာတယ်။ ကျွန်တော်အလုပ်မှာ အဆင်မပြေတာတွေ ဖြစ်ပြီဆိုရင် အိမ်ကိုသယ်လာမိတယ်။ တစ်ခါတစ်လေ အလုပ်က မကျေနပ်မှုတွေကြောင့် အိမ်က ဘာမှမဆိုင်တဲ့လူတွေအပေါ် ဒေါသဖြစ်တတ်တယ်။ မိန်းမနဲ့လဲ ခဏခဏပဲ။ ကျွန်တော့် အိမ်နားရောက်လာတော့ ကျွန်တော်ဟိုဟိုဒီဒီလိုက်ရှာတယ်။ သစ်ပင်တစ်ပင်ပေါ့။ ကျွန်တော့်ပြဿနာတွေကို ချိတ်ဖို့အပင်လေ။


မောင်စိုင်း
www.kanaung.net

နည်းစနစ်ကျကျအတွေးအခေါ်
www.facebook.com/kokomyanmarpyitharlay?ref=hl