အခြားစင်္ကြာဝဠာများမှာ လူသားများရှိပါသလား ?

နေ-လ-ကမ္ဘာ-နတ္ခက်တာရာအစုံ တစ်စုံကို စင်္ကြာ
ဝဠာတစ်ခု(သို့) စူဠလောကဓာတ်တစ်ခုဟု သတ်
မှတ်ပါသည်။

ဖြစ်တူ-တည်တူ-ပျက်တူဖြင့် အတူတူဖြစ် အတူတူ
တည် အတူတူပျက်ကြတဲ့ စင်္ကြာဝဠာအရေအတွက်
ကား ကုဋေပေါင်း တစ်သိန်းတိတိရှိပါတယ်။ အဲဒီ
အတူတူဖြစ် အတူတူတည် အတူတူပျက်တဲ့ စင်္ကြာ
ဝဠာ ကုဋေတစ်သိန်းကို မဟာလောကဓါတ်တစ်ခု
လို့ သတ်မှတ်ပါတယ်။

ကုဋေပေါင်းတစ်သိန်းရှိတဲ့ မဟာလောကဓါတ်ကြီး
ကို တစ်သောင်းအုပ်စုကလေးတွေ စုပြီးတော့ အုပ်
စုထပ်ခွဲပါတယ်။ အဲဒီတစ်သောင်းအုပ်စုကလေး
တွေကိုတော့ မဇ္ဈိမလောကဓါတ်ဟုခေါ်ပါတယ်။

မဇ္ဈိမလောကဓါတ်ကို စင်္ကြာဝဠာ(သို့)စူဠလောက
ဓါတ် တစ်သောင်းနဲ့ ဖွဲ့စည်းထားပါတယ်။ အဲဒီ
တစ်သောင်းထဲက တစ်ခုက လည်ရင်(သို့)တုန်
လှုပ်ရင် တွဲဖက်ဖြစ်တဲ့ အခြားစင်္ကြာဝဠာ ကိုး
ထောင်ကိုးရာကိုးဆယ့်ကိုးခုကလဲ လိုက်ပြီးတော့
လည်(သို့)တုန်လှုပ်ပါတယ်။

(စူဠလောကဓါတ် ၁၀၀၀၀=မဇ္ဖိုမလောကဓါတ် ,
မဇ္စိုမလောကဓါတ်၁၀ ကုဋေ=မဟာလောကဓါတ်,
မဟာလောကဓါတ်=ဖြစ်တူတည်တူပျက်တူ စင်္ကြာ
ဝဠာ)

ဦးဇင်းတို့ရဲ့ ဘုရားအလောင်းတော် သုမေဓာရှင်
ရသေ့ဟာ ဒီပင်္ကရာဘုရားရှင် အထံမှ နိယတ
ဗျာဒိတ်တော် ခံယူပြီးတော့ ဘုရားဖြစ်ဖို့အတွက်
ငါဘာတွေကို လုပ်ရမှာပါလဲလို့ ထိုင်ပြီးတော့
စဉ်းစားပါတယ်။ ဘုရားဖြစ်ဖို့အတွက် ပါရမီဆယ်
ပါးကို ဖြည့်ကျင့်ရမယ်လို့ (ဘယ်သူကမှ လာမပြော
ပဲနဲ့) မိမိဘာသာ သိမြင်သောအခါမှာ ဦးဇင်းတို့ရဲ့
စင်္ကြာဝဠာဟာ အိုးထိန်းစက်ကဲ့သို့ လည်(သို့)တုန်
လှုပ်ခဲ့ပါတယ်။

အဲဒီအခါမှာ ဦးဇင်းတို့ရဲ့ စင်္ကြာဝဠာနဲ့တွဲဘက်ဖြစ်
တဲ့ စင်္ကြာဝဠာ ကိုးထောင်ကိုးရာကိုးဆယ့်ကိုးခုက
ပါ ဦးဇင်းတို့ရဲ့ စင်္ကြာဝဠာနဲ့အတူ လိုက်ပြီးတော့
လည်(သို့)တုန်လှုပ်ခဲ့ပါတယ်။ ဒါကို မဇ္ဈိမလောက
ဓါတ်တစ်ခုလုံး လည်(သို့)တုန်လှုပ်တယ်လို့ ခေါ်ပါ
တယ်။

ဒီအကြောင်းကို ဘုရားရှင်ကိုယ်တော်တိုင်......

ဣမေ ဓမ္မေ သမ္မသတော-သဘာဝရသလက္ခဏေ

ဓမ္မတေဇေန ၀သုဓာ-ဒသ သဟဿီ ကမ္ပထ။

စလတိ ရ၀တိ ပထ၀ီ-ဥစ္ဆုယန္တံဝ ပီဠိတံ

တေလယန္တံ ယထာစက္ကံ-မေဒနီ သမ္ပကမ္ပထ။

လို့ ဗုဒ၀င်ပါဠိတော်မှာ ဟောကြားတော်မူခဲ့ပါတယ်။
(စာရှည်နေမှာမို့ ဂါထာနက်တွေကို မဖော်ပြတော့ပါ
ဘူး။ လိုအပ်သူများ ဗုဒ၀င်ပါဠိတော်နိဿယမှာသာ
ရှာကြည့်လိုက်ကြပါ)

ဒီလောက်ဆိုရင် မဟာလောကဓါတ်ဖွဲ့စည်းပုံရယ်
မဇ္ဈိမလောကဓာတ်ဖွဲ့စည်းပုံရယ် စင်္ကြာဝဠာတွေရဲ့
သဘောတရားတွေရယ်ကို ဦးဇင်းတို့ရဲ့ စာဖတ်ပရိ
သတ်များ အနည်းအကျဉ်းလောက်တော့ နားလည်
သွားပြီလို့ ယူဆပါတယ်။ ကဲ ရှေ့ဆက်ပြီးတော့ လေ့
လာကြည့်ကြရအောင်ပါ။

အထက်မှာ မဟာလောကဓါတ်အကြောင်းကို ဦးဇင်း
ရှင်းပြပေးခဲ့ပြီးပါပြီ။ အဲဒီ မဟာလောကဓါတ်ရဲ့
အလယ်ဗဟိုတည့်တည့်မှာ မဇ္ဈိမလောကဓါတ်။
အဲဒီမဇ္ဈိမလောကဓါတ်ရဲ့ အလယ်ဗဟိုတည့်တည့်မှာ
စင်္ကြာဝဠာ(သို့)စူဠလောကဓါတ်။ အဲဒီစူဠလောကဓါတ်
(စင်္ကြာဝူဠာ)ထဲမှာ အရှေ့ကျွန်း အနောက်ကျွန်း တောင်
ကျွန်း မြောက်ကျွန်းဆိုပြီးတော့ ကျွန်းကြီးလေးကျွန်း
ပြန်ခွဲပါတယ်။

အဲဒီကျွန်းကြီးလေးကျွန်းထဲက တောင်ကျွန်းမှာ မဇ္ဈိမ
ဒေသအရပ်ဆိုတာရှိပါတယ်။ အဲဒီ မဇ္ဈိမအရပ်ဒေသမှာ
ပဲ သဗ္ဗညုဘုရားရှင်များ ပွင့်တော်မူကြပါတယ်။ အခြား
သော နောက်ကျွန်း အရှေ့ကျွန်း မြောက်ကျွန်းများမှာ
လုံးဝမပွင့်ကြပါဘူး။ ပစ္စေကဗုဒ္ဓါနှင့် စင်္ကြာဝတေးမင်း
များလဲ တောင်ကျွန်းမှာပဲ ပေါ်ပေါက်ကြပါတယ်။
အနောက်ကျွန်း အရှေ့ကျွန်း မြောက်ကျွန်းများမှာ မပေါ်
ပေါက်ကြပါဘူး။

အခြားသော စူဠလောကဓါတ်များမှာတော့ တောင်ကျွန်း
မှာတောင်မှ သဗ္ဗညုဘုရားရှင်၊ ပစ္စေကဗုဒ္ဓါ၊ လူအရိယာ
များ မရှိကြပါဘူး။ မပွင့်ကြပါဘူး။ စကြာဝတေးမင်းနှင့်
နတ်ဗြဟ္မာအရိယာ များသာရှိကြပါတယ်၊၊

သေချာနားလည်အောင် နောက်တစ်ခေါက်ထပ်ပြောပါမယ်။

မဟာလောကဓါတ်ရဲ့ အလယ်ဗဟိုတည့်တည့်မှာဖြစ်တဲ့ မဇ္ဈိမ
လောကဓါတ်၊ အဲဒီမဇ္ဈိမလောကဓါတ်ရဲ့ အလယ်ဗဟိုတည့်
တည့်မှာဖြစ်တဲ့ စင်္ကြာဝဠာ(သို့)စူဠလောကဓါတ်၊ အဲဒိ စင်္ကြာ
ဝဠာ(သို့)စူဠလောကဓါတ်မှာရှိတဲ့ ကျွန်းကြီးလေးကျွန်းထဲက
တောင်ကျွန်းမှာပဲ သဗ္ဗညုဘုရား၇ှင်များ ပွင့်တော်မူကြပါတယ်။

မဟာလောကဓါတ်ကြီးထဲက သဗ္ဗညုဘုရားရှင် ပွင့်တော်မူတဲ့
စင်္ကြာဝဠာ(သို့)စူဠလောကဓါတ်တစ်ခုကို ဖယ်ထားလိုက်ရင်
အခြား စင်္ကြာဝဠာ(သို့)စူဠလောကဓါတ်ပေါင်း ကုဋေကိုးသောင်း
ကိုးထောင် ကိုးရာ ကိုးဆယ့် ကိုးကုဋေကျန်ပါသေးတယ်။

အဲဒီကျန်တဲ့ စင်္ကြာဝဠာ(သို့) စူဠလောကဓါတ်တိုင်းမှာ သုံးဆယ့်
တစ်ဘုံရှိကြပါတယ်။ သုံးဆယ့်တစ်ဘုံ ဖွဲ့စည်းတည်ဆောက်ပုံ
ကတော့ ဦးဇင်းတို့ရဲ့ စင်္ကြာဝဠာ(သို့)စူဠလောကဓါတ်နဲ့ အတူတူ
ပါပဲ။

ကွာခြားသွားတာက ဦးဇင်းတို့ရဲ့ စင်္ကြာဝဠာ(သို့)စူဠလောကဓါတ်
မှအပ ကျန်တဲ့ စင်္ကြာဝဠာ(သို့) စူဠလောကဓါတ် ကုဋေပေါင်း ကိုး
သောင်း ကိုးထောင် ကိုးရာ ကိုးဆယ့် ကိုးကုဋေမှာ သဗ္ဗညုဘုရား
ရှင် လုံးဝလုံးဝ မပွင့်ပါဘူး။ ဒါက ပဌမကွာခြားချက်တစ်ခုပါ။

ဒုတိယကွားခြားချက်ကတော့ ဦးဇင်းတို့ရဲ့ စင်္ကြာဝဠာ(သို့)စူဠလော
ကဓါတ်မှအပ ကျန်တဲ့ ကုဋေပေါင်း ကိုးသောင်း ကိုးထောင့် ကိုးရာ
ကိုးဆယ့် ကိုးကုဋေသော စင်္ကြာဝဠာ(သို့)စူဠလောကဓါတ်များမှာ
လူအရိယာ ရဟန်းအရိယာ ပစ္စေကဗုဒ္ဓါများလည်း လုံးဝ(လုံးဝ)မရှိ
ပါဘူး။

နတ်အ၇ိယာ ဗြဟ္မာအ၇ိယာနဲ့ စင်္ကြာဝတေးမင်းများကတော့ အခြား
သော စင်္ကြာဝဠာ(သို့)စူဠလောက်ဓါတ်တိုင်းမှာ ရှိကြပါတယ်။

နတ်အရိယာ ဗြဟ္မာအရိယာများကြတော့ ရှိနေပြီးတော့ ဘာဖြစ်လို့
လူအရိယာ ရဟန်းအရိယာ ပစ္စေကဗုဒ္ဓါများကြတော့ မရှိရတာလဲ
လို့ မေးစရာဖြစ်လာပါတယ်။

လူအရိယာ ရဟန်းအရိယာမရှိတာက သူတို့ဆီမှာ သဗ္ဗညုဘုရားရှင်
များ မပွင့်ကြလို့ပါ။ ပစ္စေကဗုဒ္ဓါများ မရှိကြတာကတော့ ပစ္စေကဗုဒ္ဓါ
များဟာ သာသနာပများဖြစ်ကြသော်လဲ အလေ့အလာ ထုံးတမ်းစဉ်
လာအားဖြင့် သဗ္ဗညုဘုရားမပွင့်တဲ့ စင်္ကြာဝဠာများမှာ ပစ္စေကဗုဒ္ဓ
များလဲ မပွင့်ကြလို့ မရှိကြတာပါ။

နတ်အရိယာ ဗြဟ္မာအရိယာများရှိကြတာကတော့ နတ်တွေ ဗြဟ္မာ
တွေဟာ သူတို့ရဲ့ တန်ခိုးဣဒ္ဓိပါဒ်များနှင့် ဘုရားပွင့်တဲ့ စင်္ကြာဝဠာ
(သို့)စူဠလောကဓါတ်များကို တရားနာလာကြပါတယ်။ ပြီးတော့
အရိယာဖြစ်ကြပါတယ်။ ဗုဒ္ဓစာပေကျမ်းဂန် အနှံ့အပြားမှာ ဘုရား
ရှင်ရဲ့ တရားပွဲတွေမှာ စင်္ကြာဝဠာတိုက်တစ်သောင်းက နတ်ဗြဟ္မာ
တွေ တရားနာလာကြတယ်ဆိုတာကို တွေ့ရှိနိုင်ပါတယ်။

ဒါကို ကြည့်ရင် အခြားစင်္ကြာဝဠာက လူတွေလဲ ဘုရားမပွင့်ပေမယ့်
ကျွတ်တန်းဝင်နိုင်ကြပါတယ်။ စင်္ကြာဝတေးမင်းရှိတယ်။
သူက တရားသဖြင့် ဆုံးမအုပ်ချုပ်မယ်။ လူတွေဟာ စင်္ကြာဝတေး
မင်းရဲ့ အဆုံးအမကို လိုက်နာပြီးတော့ သီလတွေထိန်းသိမ်းကြမယ်။
ဒါနေတွေပြုကြမယ်။ သမထတွေပွားများကြမယ်။ ပြီးတော့ နတ်ပြည်
ဗြဟ္မာ့ပြည်တွေကို ရောက်မယ်။ ပြီးတော့ အဲဒီနတ်တွေ ဗြဟ္မာတွေ
ဟာ ဘုရားရှင်ရှိရာကို လာပြီးတော့ တရားနာကြမယ်။ ကျွတ်တန်း
ဝင်ကြတယ်။ ဒီသဘောပါပဲ။

မေးထားတဲ့ မေးခွန်းကို အခုဖြေပါတော့မယ်...

အထက်မှာ ပြောခဲ့တဲ့ အကြောင်းတရားတွေကို ထောက်ရှု့ပြီးတော့
အခြားသောစင်္ကြာဝဠာ(သို့)စူဠလောကဓါတ်များလဲ လူသားများ
ဧကန်ရှိကြတယ်လို့ သိမှတ်ထားရပါမယ်။

မေးခွန်းရဲ့ အဖြေက ဒီလောက်ဆိုရင် လုံလောက်ပြီလို့ ဦးဇင်းယူဆ
ပါတယ်။ သို့သော်လဲ စကားစပ်တုန်းလေး ဗဟုသုတရအောင် ပြော
စရာလေးပေါ်လာလို့ ဆက်ပြောပါဦးမယ်။

ရတနသုတ်တော် ခန္ဒသုတ်တော် မောရသုတ်တော် ဓဇဂသုတ်
တော် အာဋာနာရိယသုတ်တော်များရဲ့ အာဏာတော်ဟာ စင်္ကြာ
ဝဠာ(သို့)စူဠလောကဓါတ်ပေါင်း ကုဋေတစ်သိန်းနဲ့ ဖွဲ့စည်းထား
တဲ့ မဟာလောကဓါတ်ကြီး တစ်ခုလုံးကို ပျံ့နှံ့တည်တံ့ပါတယ်။

နောက်တစ်ခုက အထက်မှာ ပြောခဲ့တဲ့ မဟာလောကဓာတ်လိုမျိုး
မဟာလောကဓါတ်တွေ အများကြီးပဲရှိပါတယ်။ အဲဒီ အကုန်လုံး
သော မဟာလောကဓါတ်တွေကိုတော့ အနန္တလောကဓါတ်လို့
ခေါ်ဆိုပါတယ်။

မဟာလောကဓါတ်တစ်ခုတိုင်း တစ်ခုတိုင်းမှာ သဗ္ဓညုဘုရားရှင်
ကိုယ်စီကိုယ်စီ ပွင့်ကြပါတယ်။
မိုးသု(မန္တလေး)

ကျမ်းကိုး---
၁၊၊ ဗုဒ္ဒ၀ံသ ပါဠိတော်
၂။ ဗုဒ္ဒ၀ံသ အဋ္ဌကထာ
၃၊၊သုတ္တနိပါတ ပါဠိတော်
၎၊၊ သုတ္တနိပါတ အဌကထာ
၅၊၊ အင်္ဂုတ္တရပါဠိတော်
၆။။ အင်္ဂုတ္တရ အဌကထာ
၇၊၊အဘိဓမ္မာပါဠိတော်များ( ၇ ကျမ်း)
၈၊၊အဘိဓမ္မာ အဌကထာများ(၇ ကျမ်း)
၉၊၊ဇိနာလင်္ကာရဋီကာ
၁၀၊၊မဟာဝင်စတဲ့ ၀င်ကိုးဝင်ဝတ္ထုတော်များ
(သာသနာရေးဦးစီးဌာနထုတ်)
၁၁၊၊ပရမတ္ထသရူပဘေဒနီကျမ်း(မဟာဝိသုဒ္ဓါရုံဆရာတော်)
၁၂၊၊သဂြိင်္ုဟ်ဘာသာဋီကာကျမ်း(အရှင်ဇနကာဘိဝံသ)
၁၃၊၊ကိုယ်ကျင့်အဘိဓမ္မာကျမ်း(အရှင်ဇနကာဘိဝံသ)
၁၄။။ပဏ္ဍိတဝေဒနီယဒီပနီကျမ်း
(သေက္ချတောင် အရှင်တိလောက)
၁၅၊နိုင်ငံတော်ဗုဒ္ဓသာသနမဟာဗုဒ္ဓ၀င်ကျမ်း
(မင်းကွန်းတိပိဋကဆရာတော်) (၆ တွဲ- ၈ အုပ်)
၁၆၊၊မူလမဟာဗုဒ္ဓ၀င်ကျမ်း(ပဌမငါးခုန်ဆရာတော်)
၁၈၊၊လယ်တီဆရာတော်ဘု၇ားကြီုးရဲ့ အဘိဓမ္မာဒီပနီကျမ်း
များနှင့် အခြားသော ပညာရှင်များရဲ့ အဘိဓမ္မာဆိုင်ရာ
ကျမ်းဂန်များ။(ကျမ်း ၃၀ ခန့် )

(မေးခွန်းကို လာမေးထားတာက တစ်လကျော်နေပါပြီ။ အခုမှ
ဖြေပေးရတာက အထက်မှာဖော်ပြထားတဲ့ ကျမ်းစာတွေကို
ဖတ်နေရလို့ပါ။ စိတ်ရှည်ရှည်နဲ့ စောင့်ပေးလို့ ကျေးဇူးတင်ပါတယ်)


Credit To : ဗုဒ္ဓဘာသာ / အတွေးအမြင်
world of wisdom