ဒကာ ။ ။ ရဟန်းတော်များ လိုက်နာကျင့်ကြံ စောင့်ထိန်းကြရသော ၀ိနယပိဋကတော် သိက္ခာပုဒ်များကို ပွင့်တော်မူကြသော သမ္မာသမ္ဗုဒ္ဓဘုရားရှင်တိုင်း ပညတ်တော်မူပါသလား ဆရာတော်။
ဆရာတော်။ ။ ရဟန်းတော်များ စောင့်ထိန်းရတဲ့ အဓိသီလ ခေါ်ဆိုကြသော ၀ိနည်းတော် သိက္ခာပုဒ်များကို အချို့သော ဘုရားရှင်တို့၏ သာသနာတော်၌ ပညတ်တော်မမူကြသောကြောင့် ၀ိနယပိဋကတော် မရှိဘူး။
အချို့သော ဘုရားရှင်တို့၏ သာသနာတော်၌သာ ၀ိနည်းပညတ်တော် သိက္ခာပုဒ် ၀ိနယပိဋကတော်ရယ်လို့ ပေါ်ရှိတာပါ။
ဒကာ ။ ။ ဘယ်ဘုရားလက်ထက်တော်မှာ ဘာဖြစ်လို့ ၀ိနည်းသိက္ခာပုဒ်ကို မပညတ်တာပါလဲ ဆရာတော်။ အမိန့်ရှိပါဦးဘုရား။
ဆရာတော် ။ ။ ၀ိပဿီမြတ်စွာဘုရား၊ ဝေဿဘူမြတ်စွာဘုရားတို့ လက်ထပ်တော်မှာ သက်တမ်းက ရှစ်သောင်းရှည်တယ်။ သူတော်ကောင်းအမျိုးသား အမျိုးသမီးတွေသာများတယ်။ တပည့်သာဝက ရဟန်းတော်များကလည်း အပြစ်ဒေါသ ကင်းစင်စွာ ကျင့်ကြံတော်မူကြတယ်။ ၀ိနည်းဆိုတာ အကြောင်းဝတ္ထုလွန်ကျူးမှုပေါ်မှ ပညတ်ရတာမျိုးဖြစ်တယ်။
တပည့်ရဟန်းတော်များအတွက် ၀ိနည်းသိက္ခာပုဒ် ပညတ်တော်မူဖို့အတွက် အစွန်းအထင်းဟူသမျှ မပေါ်မထွက်သောကြောင့် သိက္ခာပုဒ်တော် ၀ိနည်းတရားကို မပညတ်တာပဲ ဖြစ်တယ်။
ဤကမ္ဘာ၌ ပွင့်တော်မူကြတဲ့ ကကုသံ၊ ကောဏဂုံ၊ ကဿပ၊ ဂေါတမမြတ်စွာဘုရားရှင်တို့ လက်ထက်မှာတော့ သာသနာတော် အရှည်ခန့်၍ တည်တံ့စေရန် သြ၀ါဒပါတိမောက်၊ အာဏာပါတိမောက် သိက္ခာပုဒ်တော်များကို ပညတ်လျက် တည်ထားတော်မူခဲ့ကြတယ်လို့ မှတ်ရမည်။ ကဲ ဒါပဲ။ နောက်ဆက် မေးစရာမလိုတော့ဘူး။
ဒကာ ။ ။ တပည့်တော်တို့က ဘုရားရှင်တိုင်း ၀ိနည်းသိက္ခာပုဒ်များကို ပညတ်တော်မူကြတယ်လို့ မှတ်ထင်နေတာ။ ခုမှပဲရှင်းတော့တယ် ဆရာတော်။
သုတေသနသရုပ်ပြ အဘိဓါန်ကျမ်းပြုဆရာတော်
အရှင်သြဘာသာဘိဝံသ၏ သုတေသန သမ္မာမဂ္ဂင်္ဂပဥှာကျမ်း
No comments:
Post a Comment