ဓမ္မဆိုင်ရာ အမေးအဖြေ

အမေး။ ။သမထဘာဝနာ ပွားပြီးမှ ဝိပဿနာဘာဝနာကူးသော အားထုတ်နည်းနှင့် ဝိပဿနာ ဘာဝနာသက်သက်သာ အားထုတ်နည်းတို့၏ အားနည်းချက် ၊ အားသာချက်များကို သိလိုပါသည် ဘုရား။

ဖြေဆိုခြင်း။ ။သမထ ကျင့်စဉ်တစ်ခုကို ကျင့်ပြီး ဝိပဿနာကူးလျှင် ပိုပြီးတော့ လျှင်မြန်သက်သာ လွယ်ကူနိုင်တယ်လို့ ပြောလို့ရတယ်။ ဘာဖြစ်လို့လဲဆိုတော့ သမထကျင့်စဉ် တစ်ခုအရ သမာဓိ စွမ်းအားတွေ တက်လာလို့ရှိရင် 'သမာဟိတော ယထာဘူတံ ဇာနာတိ' ၊ သမာဓိက ယထာဘူတဥာဏ် ကို ဖြစ်စေတာပေါ့။ မြတ်စွာဘုရားလက်ထက် သာသနာရှေ့ပိုင်း ရဟန်းတော်တွေ တော်တော်များများက သမထကျင့်စဉ် ပေါက်ရောက်ပြီးမှ ဝိပဿနာ ကူးကြတာ ဖြစ်ပါတယ်။ သမထ ကျင့်ပြီးတဲ့အခါကျတော့မှ ဝိပဿနာဘက်ကူးတာ ပိုပြီးတော့ လွယ်ကူတယ်လို့ ဆိုပါတယ်။

ဝိပဿနာ သက်သက် သွားလို့ရှိရင် သမာဓိထူထောင်ရတာ ခက်တယ်။ ဝိပဿနာဆိုတာက သွေ့ခြောက်တယ်။ သမထလို မဟုတ်ဘူး။ သမထဆိုတာ စိတ်ကို အာရုံတစ်ခုထဲမှာ ငြိမ်နေအောင် ထားတာ။ စိတ်ငြိမ်လို့ရှိရင် အသိဥာဏ်ကလည်း ပိုပြီးတော့ စွမ်းဆောင်နိုင်လာတယ်။ ဝိပဿနာကျတော့ အဲဒီလို မဟုတ်ဘူး။ သဘာဝတရားတွေကို ဆင်ခြင်စဉ်းစားပြီး နေရသည့်အတွက်ကြောင့် သဘာဝတရားတွေထဲမှာ စိတ်ပျက်စရာတွေ မြင်မယ် ၊ အနိစ္စမြင်မယ် ၊ ဒုက္ခမြင်မယ် ၊ ကိုယ် မပိုင်တာတွေ ၊ မစိုးပိုင်တာတွေ မြင်မယ်။ မြင်လာတဲ့အခါ စိတ်ဓာတ်တွေ ခြောက်ခြားတယ်။ နောက် သင်္ခါရတရားကို ကြောက်စရာကြီးလို့ မြင်လာတယ် ၊ ငြီးငွေ့စရာကြီးလို့ မြင်လာတယ်။ ဝိပဿနာကတော့ အဲဒီလို ခြောက်ခြားစရာတွေနဲ့ သွားတာပေါ့။ စိတ်ပျက်စရာတွေ ၊ ငြီးငွေ့စရာတွေနဲ့ ဝိပဿနာက သွားတယ်။ သမထက သွားလို့ရှိရင်တော့ အဲဒီအဆင့်တွေကို လွယ်လွယ်ကူကူနဲ့ ကျော်လွှားပြီး သဘာဝတရားတွေကို ရှင်းခနဲ ရှင်းခနဲ သိသွားနိုင်တာပေါ့။

နောက်ဆုံးကျလျှင်တော့ ဝိပဿနာ သမာဓိကလည်းပဲ အဆင့်မြင့်သွားလို့ရှိရင် သမထသမာဓိလို စွမ်းဆောင်သွားပါတယ်။ အဆက်မပြတ် မှတ်နိုင်သွားပြီဆိုလျှင် ဝိပဿနာ သမာဓိကလည်း သမထသမာဓိလို အားကောင်းတာပဲ။ သို့သော် သမထ အားထုတ်တဲ့အခါ ချမ်းသာသုခကို အခြေခံပြီးတော့ အားထုတ်တာ ဖြစ်တယ်။ ဝိပဿနာ သက်သက် အားထုတ်တာကျတော့ ဒုက္ခသက်သက် ၊ ခြောက်ခြောက်သွေ့သွေ့ဘက်က သွားတာဖြစ်တယ်ပေါ့။ အဲဒါကတော့ ပုဂ္ဂိုလ်ရဲ့ ဆန္ဒအရပေါ့။ ကိုယ်ကြိုက်တဲ့လမ်းကနေ ရွေးပြီးတော့ လျှောက်ရမှာပေါ့။ ကုန်းကြောင်း လျှောက်ချင်တာလား ၊ ကားစီးချင်တာလား ၊ တစ်ခုခုပေါ့နော်။

အဲင်္ဒတော့ ဘယ်လမ်းကသွားသွား သင်္ခါရတရားတွေရဲ့ မမြဲတဲ့သဘောတွေကို ဆင်ခြင်ပြီး လောဘ ၊ ဒေါသ ၊ မောဟ ဆိုတဲ့ ကိလေသာတရားတွေ ကုန်ဖို့ကသာ အဓိကကျတယ်ပေါ့။

နောက် သတိထားစရာ အချက်လေးတစ်ခုက သမထသမာဓိနဲ့ ဝိပဿနာသမာဓိ အာရုံချင်း မတူဘူးဆိုတာပဲ ဖြစ်တယ်။ ဘုန်းကြီးတို့ သီရိလင်္ကာနေတုန်းက ကိုရီးယား ဘုန်းကြီးတစ်ပါးက မေးဖူးတယ်။ သူမေးတဲ့ မေးခွန်းကတော့ 'သမာဟိတော ယထာဘူတံ ဇာနာတိ' လို့ မြတ်စွာဘုရားက ဟောတယ်တဲ့။ သမာဓိရှိမှ ယထာဘူတဥာဏ် ရနိုင်တယ် ၊ တချို့က သမာဓိ မထူထောင်ဘဲ ဝိပဿနာသက်သက် လုပ်လို့ရှိရင် အောင်မြင်တယ်လို့လည်း ပြောကြတယ်ပေါ့။ သမာဓိမပါဘဲနဲ့ ဝိပဿနာဖြစ်တယ်ဆိုတာကို သူမယုံကြည်ဘူးလို့ ပြောတယ်။

အဲဒီမှာ သမာဓိဆိုတဲ့ အဆင့်က ဘယ်အထိတောင် ပြောရမှာတုန်းဆိုရင် သမာဓိဆိုတဲ့ အဆင့်သည် အပ္ပနာဈာန်ထိအောင် သွားတာလား(သို့မဟုတ်) ဥပစာရထိအောင် သွားတာလား။ သမာဓိက နှစ်မျိုးရှိတယ်။ သမထကျင့်စဉ်ကျင့်ပြီး ဥပစာရသမာဓိအဆင့်ကနေ ဝိပဿနာကူးတာ ရှိတယ်။ သို့မဟုတ် အပ္ပနာ ဆိုတဲ့ ဈာန်ရပြီးတဲ့နောက်မှာ ဝိပဿနာကူးတာ ရှိတယ်။ အဲဒီနှစ်ခုစလုံးဟာ သမာဓိထူထောင်ပြီးတော့မှ ဝိပဿနာကူးတာ။

အဲဒီမှာ သမထသမာဓိရဲ့ အာရုံက ပညတ် ၊ ဝိပဿနာသမာဓိရဲ့ အာရုံက ပရမတ်။ အဲဒီလို မတူတာကို သတိထားဖို့လိုတယ်။ ဆိုပါစို့။ သမထမှာရှိတဲ့ သမာဓိတရားက ပညတ်ကို အာရုံပြုတာ။ ပညတ်ပေါ်မှာ စိတ်ကို ငြိမ်အောင်လုပ်တာ။ ဝိပဿနာသမာဓိဆိုတာ ကျတော့ ပညတ်ပေါ်မှာ မဟုတ်ဘူး။ ပရမတ္ထတရားပေါ်မှာ - ပရမတ္ထတရားဆိုတာ အစဉ် ရွေ့လျားနေတဲ့ ၊ ဖြစ်ပြီးပျက်နေတဲ့ သဘောတရားတွေ ၊ အဲဒီဖြစ်ပျက်နေတဲ့ သဘောတရားတွေပေါ်မှာ စိတ်ကိုထားတယ်ဆိုတာ အာရုံကသာ ဖြစ်ပျက်နေမှာ မဟုတ်ဘူး ၊ စိတ်ကလည်း ဖြစ်ပျက်နေတာ။ နှစ်ခုစလုံးဟာ ရွေ့လျားနေတယ်ဆိုတာကို သိရမယ်။ အဲဒါက ဝိပဿနာ သမာဓိ။

ဝိပဿနာ သမာဓိမှာ အသိဥာဏ်က ဦးဆောင်သွားတယ်။ သမထ သမာဓိကျတော့ ပညတ်ပေါ်မှာပဲ တည်ငြိမ်နေတယ်။ ဒါကြောင့် ဝိပဿနာ သမာဓိက momentry ပဲ။ တစ်ခဏလေး တစ်ခဏလေး တန့်ပြီးရွေ့နေတာ။ သမထ သမာဓိကျတော့ ငြိမ်နေအောင် လုပ်ထားတာ။ အာရုံပေါ်မှာ remain လုပ်ထားတယ်။

ဥပမာဆိုပါတော့-အဖြူရောင် ကသိုဏ်းကို ရှုတယ်ဆိုရင် အဖြူရောင်ပေါ်မှာ စိတ်ကငြိမ်နေတယ်။ ဒီပြင် ဘာမှ မစဉ်းစားဘူး။ ဝိပဿနာကျတော့ အဲဒီလို မဟုတ်ဘူး။ ဖြစ်ပြီးပျက်သွားတဲ့ သဘာဝတရားတွေကို ရှုနေတာ။ အဲဒီပေါ်မှာရှိတဲ့ သမာဓိက ပညတ်အာရုံ မဟုတ်ပဲ ပရမတ်အာရုံ ဖြစ်သွားပြီ။ အဲဒီတော့ သမာဓိချင်း မတူဘူးလို့ ရှင်းပြရတယ်။

'သမာဟိတော ယထာဘူတံ ဇာနာတိ' ဆိုတာ ဝိပဿနာသမာဓိကို ယူရတယ်။ ဝိပဿနာ သမာဓိသည် ယထာဘူတဥာဏ်ကို ဖြစ်စေနိုင်တယ်။ တစ်ခုနဲ့ တစ်ခု မတူဘူး။

ကျေးဇူးတော်ရှင် အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ် ပါမောက္ခချုပ် ဆရာတော် ဒေါက်တာ နန္ဒမာလာဘိဝံသ၏ "ဓမ္မဗျူဟာ သင်တန်းသားများ၏ မေးခွန်းများကို ဖြေဆိုခြင်း" အကြောင်း တရားဒေသနာတော်မှ ကောက်နုတ် ဖော်ပြကာ ဓမ္မဒါန ပြုအပ်ပါသည်။

မှန်ကန်သော ဓမ္မအသိတို့ဖြင့် အကျိုးရှိရှိနေနိုင်ကြပါစေ ကုန်သတည်း။

Shared from Kaung Myat Thu (FB)