ဓမ္မ ဆိုင်ရာ အမေးအဖြေ

မေးခွန်း>>>>> ကဿပ ဘုရားရှင်လက်ထက်က ရဟန်းတစ်ပါးသည် အနှစ်နှစ်သောင်း ရဟန်းတရား အားထုတ်ခဲ့သော်လည်း သေခါနီး၌ မြတ်ပင်ကို မတော်တဆ နှုတ်မိသော ဝိနည်းဖြစ်ကို အမှတ်ရ၍ ဘုရားနှစ်ဆူကြား ကာလပတ်လုံး နဂါးဖြစ်ရခြင်း ၊ မလ္လိကာ မိဖုရား သေခါနီး၌ ကောသလ မင်းကြီးအား မုသားပြောခဲ့မိသည်ကို အမှတ်ရ၍ ခုနှစ်ရက် ငရဲကျခဲ့ရခြင်း ၊ တိဿ ရဟန်း သေခါနီး၌ မိမိသင်္ကန်းကိုစွဲ၍ ခုနှစ်ရက် သန်း ဖြစ်ရခြင်းတို့တွင် သေးငယ်သော အပြစ်ချင်းတူပါလျက် အဘယ်ကြောင့် မြတ်ပင်နုတ်မိသော ရဟန်းက အချိန်ကြာမြင့်စွာ တိရစ္ဆာန် ဖြစ်ရပါသနည်း။

ဖြေဆိုခြင်း>>>>> ဒါက ဘဝကို ဖြစ်စေတဲ့ အကြောင်းလေးတစ်ခုသာ ရည်ညွှန်းပြောတာ။ ဒီပုဂ္ဂိုလ်တွေရဲ့ အရည်အချင်းတွေက မတူဘူး။ ပတ်ဝန်းကျင် အခြေအနေတွေချင်းက မတူကြဘူး။ ပုဂ္ဂိုလ်တစ်ယောက်နဲ့ တစ်ယောက်ဟာ တူတယ်လို့ ပြောလို့မရဘူးလေ။ အခု ဒီသင်တန်း တက်နေကြတဲ့ ပုဂ္ဂိုလ်တွေတောင်မှ တစ်ယောက်နဲ့ တစ်ယောက် အရည်အသွေးချင်း ၊ သဘောချင်းက တူလို့မရဘူး။ ကွဲပြားခြားနားမှုတွေ အမြဲတမ်း ရှိနေတယ်။ အဲဒီ မတူတဲ့သဘောတွေကို တူတယ်လို့ သွားပြီး ယူဆလို့ ရှိရင် မှားသွားမယ်။ မတူတဲ့ အခြားအခြေအနေတွေကို ထည့်သွင်းပြီးတော့ စဉ်းစားရမယ်။

ခုနတုန်းက အနှစ်နှစ်သောင်း ရဟန်းတရား အားထုတ်ပြီးတဲ့အခါမှာ နဂါးဘုံ ရောက်သွားတယ် ဆိုတာက နဂါးဘဝက အသက်ရှည်တဲ့ ဘဝမျိုးကို ရောက်သွားသည့် အတွက်ကြောင့်ပဲ။ ပြီးတော့ နဂါး ဘဝကလည်း တစ်ပိုင်းက နတ်နဂါးဆိုတော့ စည်းစိမ်ချမ်းသာက တစ်ဖက်ကရှိနေတဲ့ အနေအထား တစ်ခုပေါ့။ အဲဒီလို အနေအထားရှိတဲ့ ဘုံဘဝ ရောက်သွားတော့ သူ့ရဲ့သက်တမ်း(life span) အတိုင်း သွားတော့တာ။ သူက ကံတင်မကဘူး။ စိတ် ၊ ဥတု ၊ အာဟာရ တွေရော ဖန်တီးလာတာ။ သန်းဖြစ်တဲ့ ကိုယ်တော်ကျတော့ သူ့ရဲ့ အခြေအနေက သန်းဆိုတာ သက်တမ်းရှည်တဲ့ဘဝ မဟုတ်ဘူး ၊ တိုတဲ့ဘဝ။ သူ့ရဲ့ ဗီဇ ၊ ရောက်လာတဲ့ဘဝရဲ့ အခြေအနေတွေကိုလည်း ထည့်ပြီး စဉ်းစားရမယ်။

ပြီးတော့ မလ္လိကာမိဖုရားကြီး ငရဲကျတယ်။ ငရဲမှာ သက်တမ်းမရှိဘူး။ ကံသည် သူတို့ရဲ့ သက်တမ်းပဲ။ သူ့ကံရဲ့ အရှိန်ကုန်တာနဲ့ ချက်ချင်းလွတ်တယ်။ ကံအရှိန် မကုန်သေးဘူးဆိုလျှင် ဆက်သွားနေမှာပဲ။ ဘယ်တော့မှ မသေဘူးတဲ့။ "န စ တာဝ ကာလံ ကရောတိ ၊ ယာဝ န တံ ပါပကမ္မံ ဗျန္တီဟောတိ" ။ ကံ မကုန်သေးသမျှ ငရဲဘုံက ဘယ်တော့မှ မလွတ်ဘူး။ ဘယ်လောက်ညှင်းဆဲ ညှဉ်းဆဲ ၊ ဘယ်လောက် ဒုက္ခတွေရောက်ရောက် ကံ မကုန်သေးလျှင် မသေဘူးလို့ ဆိုတယ်။ အဲဒီတော့ ကံသည် ငရဲရဲ့ life span ပဲ။ သက်တမ်းပဲ။

အဲဒီတော့ အကြောင်းတစ်ခုတည်းကို မကြည့်ဘဲနဲ့ အခြားအခြေအနေကောင်းတွေ ၊ အခြေအနေမကောင်းတာတွေ အများကြီးရှိတယ်ဆိုတာကို ထည့်သွင်းပြီး စဉ်းစားရမယ်။ သူလည်း ကောင်းတာလုပ်တာပဲ ၊ ငါလည်း ကောင်းတာ လုပ်တာပဲ။ သူလည်း မကောင်းတာ လုပ်တာပဲ ၊ ငါလည်း မကောင်းတာလုပ်တာပဲ။ အကျိုးပေးချင်းကျတော့ တူတယ် ၊ မတူဘူးလို့ သွားပြောလို့ မရဘူး။ ရာဇဝတ်မှု တစ်ခု ကျူးလွန်တာတောင်မှ လွတ်တဲ့သူက လွတ်သွားတာပဲ ၊ ခံရတဲ့သူက ခံရတယ်လေ။ ဘာဖြစ်လို့တုန်းဆိုတော့ အခြေအနေချင်း မတူလို့။ ဒါ အခြေအနေခေါ်တယ်။

လောဏကပလ္လသုတ်မှာ ဘာဟောထားသလဲ ဆိုတော့ မြတ်စွာဘုရားက ဆားခဲလေးတစ်ခုကို ဖန်ခွက်တစ်ခုထဲမှာရှိတဲ့ ရေထဲကို ထည့်လိုက်လို့ရှိရင် အဲဒီရေသည် သောက်မရအောင် ငန်သွားနိုင်တယ်။ သို့သော် အဲဒီဆားခဲကိုပဲ ရေကန်ကြီးထဲ ၊ မြစ်ထဲမှာ ထည့်လိုက်မယ်ဆိုလျှင် ဘာအရသာမှ မပေါ်ဘူး ၊ ဘာမှမဖြစ်ဘူး။ အဲဒါလိုပဲ လူမှာ တချို့ပုဂ္ဂိုလ်တွေမှာ ကောင်းတာတွေ လုပ်ထားတာက အများကြီး ၊ မကောင်းတဲ့ အကုသိုလ် မတော်တဆ လုပ်မိဦး ၊ သူကျတော့ ပျောက်သွားတယ်။ မဝင်လာတော့ဘူး။ တချို့ကျတော့ ကောင်းတာက မရှိဘူး။ မကောင်းတာတွေက များနေတယ်ဆိုလျှင် ခုနကဆားခဲကို ဖန်ခွက်ထဲက ရေထဲ ထည့်လိုက်သလိုပဲ။ သူကျတော့ ပိုခံရတယ်။ ဘာဖြစ်လို့လဲဆိုတော့ သူ့မှာ အခြေအနေကောင်းတွေ မရှိဘူး။

အဲဒီသဘောတွေကို ထည့်စဉ်းစားကြည့်လိုက်မယ်ဆိုလျှင် ကံက အကျိုးပေးတယ်ဆိုတဲ့ နေရာမှာလည်း အခြေအနေတွေပေါ်မှာ မူတည်တယ်။ တစ်ဦးနဲ့ တစ်ဦးဟာ အခြေအနေချင်း မတူဘူး။ မတူလျှင် အကျိုးပေးတာချင်းလည်း မတူနိုင်ဘူး။

ကျေးဇူးတော်ရှင်
အပြည်ပြည်ဆိုင်ရာ ထေရဝါဒ ဗုဒ္ဓသာသနာပြု တက္ကသိုလ်
ပါမောက္ခချုပ် ဆရာတော်
ဒေါက်တာ နန္ဒမာလာဘိဝံသ
ရှင်းလင်း ဟောကြား ဖြေဆိုတော်မူသော
"ဓမ္မဗျူဟာ သင်တန်းသားများ ၏ မေးခွန်းများကို ဖြေဆိုခြင်း"
အကြောင်း တရားဒေသနာတော်မှ
ကောက်နုတ်ဖော်ပြကာ ဓမ္မဒါန ပြုအပ်ပါသည်။

မှန်ကန်သော ဓမ္မအသိတို့ဖြင့် အကျိုးရှိရှိနေနိုင်ကြပါစေ ကုန်သတည်း။

Shared from Kaung Myat Thu (FB)