မဟာသတိပဋ္ဌာနသုတ် အနှစ်ချုပ်

မြန်မာနိူင်ငံ၏ အဓိကရ ဓမ္မကထိကအကျော်အမော် သီတဂူဆရာတော်ကြီး ဘဒ္ဒန္တဒေါက်တာဉာဏိဿရ၏ (၇၁)နှစ်ပြည့် ၀ိဇာတမင်္ဂလာ တပေါင်းလပြည့် မွေးနေ့အခါသမယ၌ မွေးနေ့ရှင် ဆရာတော်ကြီးအားလည်း ပူဇော် မဟာသတိပဋ္ဌာနသုတ် တရားတော် ဟောကြားရာ ရှေးအခေါ် ကမ္မာသဒမ္မ (ကမ္မာသဓမ္မ)နိဂုံးနှင့် ယခုအခေါ် မြို့တော်နယူးဒေလီရှိ ဒေလီတက္ကသိုလ်အားလည်း ဂုဏ်ပြုလိုသောကြောင့် မဟာသတိပဋ္ဌာနသုတ်အနှစ်ချုပ်ကို ဂုဏ်ပြုရေးသားလိုက်ရပါသည်၊

ဤမဟာသတိပဋ္ဌာနသုတ်ကို ဘုရားရှင်လက်ထက်တော်အခါက ကမ္မာသဓမ္မနိဂုံး ယခုအခေါ် နယူးဒေလီမြို့တော်၌ ဗုဒ္ဓဘုရားရှင် ကိုယ်တော်တိုင် ဟောကြားခဲ့သော တရားတော်ဖြစ်သည်၊ ဤမဟာသတိပဋ္ဌာနသုတ်သည် ဒီဃနိကာယ် သုတ်မဟာဝါပါဠိတော်၌ လာရှိ၏၊ ဤမဟာသတိပဋ္ဌာနသုတ်၌ ဘုရားရှင်သည် သတိပဋ္ဌာန်အလုပ် ကျင့်ကြံပွားများအားထုတ်သူတို့ ရွှင်လန်းအားတက်စေရန် အကျိုးတရားကို ရှေးဦးစွာဟောကြားတော်မူ၏၊ ထို့နောက် ကျင့်ကြံအားထုတ်မှုအပိုင်းကို ဥဒ္ဒေသ နိဒ္ဒေသ အကျဉ်းအကျယ်အားဖြင့် ဟောကြားတော်မူခဲ့၏၊ ထို့နောက် နိဂုံးချုပ်အနေအားဖြင့် ကျင့်ကြံရမည့် အချိန်ကာလအပိုင်းအခြားကို ဟောကြားတော်မူခဲ့၏၊ ထို့ကြောင့်မဟာသတိပဋ္ဌာနသုတ်ပါဠိတော်ကို အနှစ်ချုပ်လိုက်ပါက အောက်ပါအတိုင်း ဖြစ်လာ၏။

(၁) ပယောဇနကဏ္ဍ အကျိုးပြအပိုင်း

ဧကာယနော အယံ ဘိက္ခဝေ မဂ္ဂေါ သတ္တာနံ ၀ိသုဒ္ဓိယာ သောကပရိဒေ၀ါနံ သမတိက္ကမာယ ဒုက္ခဒေါမနဿာနံ အတ္ထင်္ဂမာယ ဉာယဿ အဓိဂမာယ နိဗ္ဗာနဿ သစ္ဆိကိရိယာယ ယဒိဒံ စတ္တာရော သတိပဋ္ဌာနာ၊

(၂) စရဏကဏ္ဍ ကျင့်ကြံမှုအပိုင်း

ကာယေ ကာယာနုပဿီ ၀ိဟရတိ အာတာပီ သမ္ပဇာနော သတိမာ ၀ိနေယျ လောကေ အဘိဇ္ဈာဒေါမနဿံ၊

ဝေဒနာသု ဝေဒနာနုပဿီ ၀ိဟရတိ အာတာပီ သမ္ပဇာနော သတိမာ ၀ိနေယျ လောကေ အဘိဇ္ဈာဒေါမနဿံ၊

စိတ္တေ စိတ္တာနုပဿီ ၀ိဟရတိ အာတာပီ သမ္ပဇာနော သတိမာ ၀ိနေယျ လောကေ အဘိဇ္ဈာဒေါမနဿံ၊

ဓမ္မေသု ဓမ္မာနုပဿီ ၀ိဟရတိ အာတာပီ သမ္ပဇာနော သတိမာ ၀ိနေယျ လောကေ အဘိဇ္ဈာဒေါမနဿံ၊

(၃) ကာလပရိစ္ဆေဒကဏ္ဍ အချိန်ကာလအပိုင်းအခြား

ယော ဟိ ကောစိ ဘိက္ခဝေ ဣမေ စတ္တာရော သတိပဌာနေ ဧ၀ံ ဘာဝေယျ သတ္တ၀ဿာနိ (သတ္တာဟံ)၊ တဿ ဒွိန္နံ ဖလာနံ အညတရံ ဖလံ ပါဋိကင်္ခါံ ဒိဋ္ဌေ၀ ဓမ္မေ အညာ, သတိ ၀ါ သဥပါဒိသေသေ အနာဂါမိတာ၊

သတိပဋ္ဌာန်ပွားများအားထုတ်ခြင်းအကျိုး(၇)မျိုး

(၁) သတ္တာနံ ၀ိသုဒ္ဓိယာ = ကိလေသာအညစ်အကြေးတိုိ့ စင်ကြယ်စေနိူင်ခြင်း၊

(၂+၃) သောကပရိဒေ၀ါနံ သမတိက္ကမာယ= စိုးရိမ်ပူဆွေးခြင်းသောကကို လွန်မြောက် ပယ်ခွါစေနိူင်ခြင်း၊ ငိုကြွေးမြည်တမ်းခြင်းပရိဒေ၀ကို လွန်မြောက်ပယ်ခွါစေနိူင်ခြင်း၊

(၄+၅) ဒုက္ခဒေါမနဿာနံ အတ္ထင်္ဂမာယ = ကိုယ်ဆင်းရဲခြင်းဒုက္ခကို ချုပ်ငြိမ်းစေနိူင်ခြင်း၊

စိတ်ဆင်းရဲခြင်းဒေါမနဿကို ချုပ်ငြိမ်းစေနိူင်ခြင်း၊

(၆) ဉာယဿ အဓိဂမာယ = လောကုတ္တရာ အရိယာမဂ်ကိုရရှိစေနိူင်ခြင်း၊

(ရ) နိဗ္ဗာနဿ သစ္ဆိကိရိယာယ = ဆင်းရဲခပ်သိမ်း ကင်းငြိမ်းရာမှန် မြတ်နိဗ္ဗာန်သို့ ဆိုက်ရောက် မျက်မှောက်ပြုစေနိူင်ခြင်းတို့ဖြစ်၏၊

ဤသတိပဋ္ဌာန် ၀ိပဿနာကျင့်စဉ်သည် နိဗ္ဗာန်ရောက်ရေးအတွက် တစ်ကြောင်း တည်းသော ခရီး တစ်ခုတည်းသော လမ်းစဉ်ဖြစ်၏၊ မှန်၏၊ နိဗ္ဗာန်ကြွသွား ဘုရားရဟန္တာ အရိယာအရှင်မြတ်မှန်သမျှတို့သည် ဤသတိပဋ္ဌာန်ကျင့်စဉ်လမ်းဖြင့်သာ ၀ိပဿနာ ကျင့်တော်မူကြ၏၊ သတိပဋ္ဌာန်နှင့်လွတ်သော ၀ိပဿနာမည်သည်မရှိ၊ ထို့ကြောင့် ပါဠိတော်၌ ဧကာယနော အယံ ဘိက္ခဝေ မဂ္ဂေါ ဟု မိန့်ဆိုတော်မူ၏၊

ကိလေစင်ရေး၊ စိုးရိမ်ဆွေး ၊ငိုကြွေးကင်းစေသည်။

ကိုယ်စိတ်ဆင်းရဲ၊ မရှိဘဲ၊ ပြတ်စဲငြိမ်းစေသည်။

မဂ်ဖိုလ်နိဗ္ဗာန်၊ တရားမှန်၊ အမြန်ရစေသည်။

တစ်ကြောင်းတည်းမှန်၊ သတိပဋ္ဌာန်၊ ကျင့်ကြံပွါးရမည်။

ကျင့်ကြံမှုအပိုင်း

သတိပဋ္ဌာန်သည် ကာယ, ဝေဒနာ, စိတ္တ, ဓမ္မအားဖြင့် (၄)ပါးအပြားရှိ၏။

ကာယေ-ဖြင့် ကာယာနုပဿနာသတိပဋ္ဌာန်၏ကမ္မဋ္ဌာန်းအာရုံကိုပြ၏၊ ကာယအရ ခန္ဓာအားဖြင့် ရူပက္ခန္ဓာရ၏၊

ဝေဒနာသု-ဖြင့် ဝေဒနာနုပဿနာသတိပဋ္ဌာန်၏ ကမ္မဋ္ဌာန်းအာရုံကိုပြ၏၊ ဝေဒနာအရ ခန္ဓာအားဖြင့် ဝေဒနက္ခန္ဓာရ၏၊

စိတ္တေ-ဖြင့် စိတ္တာနုပဿနာသတိပဋ္ဌာန်၏ ကမ္မဋ္ဌာန်းအာရုံကိုပြ၏၊

စိတ္တအရ ခန္ဓာအားဖြင့် ၀ိညာနက္ခန္ဓာရ၏၊

ဓမ္မေသု-ဖြင့် ဓမ္မာနုပဿနာသတိပဋ္ဌာန်၏ ကမ္မဋ္ဌာန်းအာရုံကိုပြ၏၊

ဓမ္မအရ ခန္ဓာအားဖြင့် သညက္ခန္ဓာ သင်္ခါရက္ခန္ဓာရ၏၊

ကာယာနုပဿီ ၀ိဟရတိ-ဖြင့် ကာယာနုပဿနာသတိပဋ္ဌာန်ရှုမှတ်ပုံကိုပြ၏၊ ရူပကာယ ရူပက္ခန္ဓာ၌ မမြဲ ဆင်းရဲ အစိုးမရ (အနိစ္စ ဒုက္ခ အနတ္တ ) လက္ခဏာရေးသုံးပါးဖြင့်အဖန်ဖန် ရှုမှတ်လေ့ရှိခြင်းသည်လည်းကောင်း၊ ရူပကာယ ရူပက္ခန္ဓာကို မမြဲ ဆင်းရဲ အစိုးမရ (အနိစ္စ ဒုက္ခ အနတ္တ) လက္ခဏာရေးသုံးပါးဖြင့် အဖန်ဖန်ရှုမှတ်ခြင်းသည်လည်းကောင်း ကာယာနုပဿနာသတိပဋ္ဌာန်မည်သည်ကိုပြ၏၊

ဝေဒနာနုပဿီ ၀ိဟရတိ-ဖြင့် ဝေဒနာနုပဿနာသတိပဋ္ဌာန်ရှုမှတ်ပုံကိုပြ၏၊ ဝေဒနာက္ခန္ဓာတို့၌ မမြဲ ဆင်းရဲ အစိုးမရ(အနိစ္စ ဒုက္ခ အနတ္တ) လက္ခဏာရေးသုံးပါးဖြင့် အဖန်ဖန် ရှုမှတ်လေ့ ရှိခြင်းသည်လည်းကောင်း၊ ဝေဒနာက္ခန္ဓာကို မမြဲ ဆင်းရဲ အစိုးမရ (အနိစ္စ ဒုက္ခ အနတ္တ) လက္ခဏာရေးသုံးပါးဖြင့်အဖန်ဖန် ရှုမှတ်ခြင်းသည်လည်းကောင်း ကာယာနုပဿနာသတိပဋ္ဌာန်မည်သည်ကိုပြ၏၊

စိတ္တာနုပဿီ ၀ိဟရတိ-ဖြင့် စိတ္တာနုပဿနာသတိပဋ္ဌာန်ရှုမှတ်ပုံကိုပြ၏၊ ၀ိညာဏက္ခန္ဓာ၌ မမြဲ ဆင်းရဲ အစိုးမရ(အနိစ္စ ဒုက္ခ အနတ္တ) လက္ခဏာရေးသုံးပါးဖြင့်အဖန်ဖန် ရှုမှတ်လေ့ ရှိခြင်းသည်လည်းကောင်း၊ ၀ိညာဏက္ခန္ဓာကို မမြဲ ဆင်းရဲ အစိုးမရ(အနိစ္စ ဒုက္ခ အနတ္တ) လက္ခဏာရေးသုံးပါးဖြင့် အဖန်ဖန် ရှုမှတ်ခြင်းသည်လည်းကောင်း ကာယာနုပဿနာ သတိပဋ္ဌာန်မည်သည်ကိုပြ၏၊

ဓမ္မာနုပဿီ ၀ိဟရတိ-ဖြင့် ဓမ္မာနုပဿနာသတိပဋ္ဌာန်ရှုမှတ်ပုံကိုပြ၏၊ သညာက္ခန္ဓာ သင်္ခါရက္ခန္ဓာတရားတို့၌ မမြဲ ဆင်းရဲ အစိုးမရ(အနိစ္စ ဒုက္ခ အနတ္တ) လက္ခဏာရေးသုံးပါးဖြင့်အဖန်ဖန် ရှုမှတ်လေ့ ရှိခြင်းသည် လည်းကောင်း၊ သညာက္ခန္ဓာ သင်္ခါရက္ခန္ဓာတရားတို့ကို မမြဲ ဆင်းရဲ အစိုးမရ(အနိစ္စ ဒုက္ခ အနတ္တ)လက္ခဏာရေးသုံးပါးဖြင့်အဖန်ဖန် ရှုမှတ်ခြင်းသည်လည်းကောင်း ဓမ္မာနုပဿနာ သတိပဋ္ဌာန်မည်သည်ကိုပြ၏၊

ရုပ်ဖြစ်တိုင်းသာ၊ စူးစိုက်ခါ၊ သေချာရှုရမည်။

ခံစားတိုင်းသာ၊ စူးစိုက်ခါ၊ သေချာရှုရမည်။

စိတ်ဖြစ်တိုင်းသာ၊ စူးစိုက်ခါ၊ သေချာရှုရမည်။

သဘောတိုင်းသာ၊ စူးစိုက်ခါ၊ သေချာရှုရမည်။

အာတာပီ, သမ္ပဇာနော, သတိမာ-တို့ဖြင့် ရှုမှတ်ပွားများအားထုတ်ရာ၌ ပြည့်စုံရမည့်အင်္ဂါရပ်တို့ကိုပြ၏၊ ထိုတွင်-

အာတာပီ-ဖြင့် သမ္မပ္ပဓာန် လုံ့လ၀ီရိယနှင့်ပြည့်စုံရမည့်အင်္ဂါကိုပြ၏၊ သမ္မပ္ပဓာန် လုံ့လ၀ီရိယအင်္ဂါဟူသည် ကမ္မဋ္ဌာန်းအလုပ် အားထုတ်စဉ် ‘‘ငါ၏ခန္ဓာကိုယ်သည် အကြောအခြင် အရိုး အရေ ကြွင်းကျန်ပစေ၊ အသားအသွေးခြောက်ခမ်းပစေ’’ဟု အဓိဋ္ဌာန်မြောက် ဆောက်တည်အပ်သော လုလ္လ၀ီရိယမျိုးတည်း။

ကြောချဉ်ရိုးရေ၊ ကြွင်းပစေ၊ ကုန်စေသားအသွေး။

အသက်ကိုမျှ၊ မညှာရ၊ သမ္မပ္ပဓာန်လေး။

သမ္ပဇာနော-ဖြင့် ပညာအဆင်အခြင်ဥာဏ်ပညာသမ္ပဇညတရားနှင့် ပြည့်စုံရမည့် အင်္ဂါကိုပြ၏၊ ထိုသမ္ပဇညသည် သာတ္ထကသမ္ပဇည , သပ္ပါယသမ္ပဇည, ဂေါစရသမ္ပဇည, အသမ္မောဟသမ္ပဇညအားဖြင့် လေးပါးအပြားရှိ၏၊ ထိုတွင်-

(၁)သာတ္ထကသမ္ပဇညဟူသည် အကျိုးရှိ ,မရှိ သုံးသပ်ဆင်ခြင်၍ အကျိုးရှိမှသာ ပြုလုပ်ခြင်းတည်း၊

(၂)သပ္ပါယသမ္ပဇညဟူသည် သင့်တော်၏, မတော်၏ သုံးသပ်ဆင်ခြင်၍ သင့်တော်မှသာ ပြုလုပ်ခြင်းတည်း၊

(၃)ဂေါစရသမ္ပဇညဟူသည် ရုပ်နာမ်နှစ်ဖြာ လောကီခန္ဓာငါးပါးတို့၌ အမြဲမပြတ်ရှုမှတ်မှု ပြုလုပ်ခြင်းတည်း၊

(၄) အသမ္မောဟသမ္ပဇညဟူသည် ရုပ်နာမ်နှစ်ဖြာ လောကီခန္ဓာငါးပါးတို့၌ မမြဲ ဆင်းရဲ အစိုးမရ (အနိစ္စ ဒုက္ခ အနတ္တ)လက္ခဏာရေးသုံးပါး သဘောတရားတို့သည် ပြက်ပြက်ထင်ထင် ဉာဏ်၌သက်ဝင်ခြင်းတည်း။

အကျိုးရှိလား၊ မရှိလား၊ စဉ်းစားတာကသာတ္ထက။

သင့်တော်ရဲ့လား၊ မတော်လား၊ စဉ်းစာတာကသပ္ပါယ။

ရုပ်ဓာတ်နာမ်ဓာတ်၊ စဉ်မပြတ်၊ ရှုမှတ်တာကဂေါစရ။

မမြဲဆင်းရဲ၊ ရုပ်နာမ်ပဲ၊ အသိကွဲတာကအသမ္မောဟ။

သတိမာ-ဖြင့် ကာယ, ဝေဒနာ, စိတ,္တ ဓမ္မ သတိပဋ္ဌာန်ကမ္မဋ္ဌာန်း အာရုံလေးပါးတို့ကို သိမ်းဆည်းတတ်သောသတိနှင့် ပြည့်စုံရမည့်အင်္ဂါကို ပြ၏၊

ဝိနေယျ လောကေ အဘိဇ္ဈာဒေါမနဿံ-ဖြင့် သတိပဋ္ဌာန်ဝိပဿနာကမ္မဋ္ဌာန်း စီးဖြန်းအာထုတ်ခြင်း၏ လက်ငင်းမုချပစ္စုပ္ပန်အကျိုးကိုပြ၏၊

အဓိပ္ပါယ်အားဖြင့် သတိပဋ္ဌာန်ဝိပဿနာကမ္မဋ္ဌာန်း စီးဖြန်းအားထုတ်ခြင်းကြောင့် ရုပ်နာမ်နှစ်ဖြာ လောကီခန္ဓာငါးပါးတို့၌ ကပ်ငြိစွဲလန်းတတ်သော အဘိဇ္ဈာဒေါမနဿ အစရှိသော အကုသိုလ်တရားတို့ကို တဒင်္ဂပဟာန်, ၀ိက္ခမ္ဘနပဟာန်နှစ်ပါးဖြင့် ပယ်ဖြောက်နိူင်ခြင်းအကျိုးရှိ၏၊

အချိန်ကာလအပိုင်းအခြား

ဒိဋ္ဌေ၀ ဓမ္မေ အညာ, သတိ ၀ါ သဥပါဒိသေသေ အနာဂါမိတာ- ဖြင့် သတိပဋ္ဌာန်ဝိပဿနာအလုပ်ကို အများဆုံး(၇)နှစ် အနည်းဆုံး(၇)ရက် မပြတ်မလပ် ရှုမှတ်ပွါးများအားထုတ်ပါက မျက်မှောက်ဒိဋ္ဌ ယခုပစ္စုပ္ပန်ဘ၀၌ပင် ကိလေသာကုန်ခန်း ရဟန္တာဖြစ်နိူင်၏၊ ရဟန္တာမဖြစ်သော် အနာဂါမ်အရိယာဖြစ်နိူင်သည် ဟုပြ၏၊

ဤပါဠိစကားသည် နေယျပုဂ္ဂိုလ်ကိုသာ ရည်ရွယ်၍ဆိုသော သန္ဓာယဘာသိတစကား ဖြစ်၏၊ မှန်၏၊ တရားထူးရရှိသူ အရိယာပုဂ္ဂိုလ်တို့သည် ရှေးရှေးဘ၀က ဆည်းပူးဖြည့်ကျင့်ခဲ့သော ပါရမီအမျိုးအစားတို့ ကွဲပြားခြားနား၍ သိမြင်ပုံဉာဏ်ပညာ ကွဲပြားခြားနားကြ၏၊

တရားထူးကိုသိမြင်ရာ၌် ပုဂ္ဂိုလ်အမျိုးအစားတို့သည် ဥဂ္ဃဋိတညူပုဂ္ဂိုလ်,၀ိပဉ္စိတညူပုဂ္ဂိုလ်, နေယျပုဂ္ဂိုလ်, ပဒပရမပုဂ္ဂိုလ် အားဖြင့် (၄)ယောက်ရှိ၏၊ ထိုတွင်-

(၁) ဥဂ္ဃဋိတညူပုဂ္ဂိုလ်ဟူသည် အကျဉ်းချုပ်ဟောကြားရုံမျှဖြင့် တရားသိမြင်သော ပုဂ္ဂိုလ်တည်း၊

(၂) ၀ိပဉ္စိတညူပုဂ္ဂိုလ်ဟူသည် အကျယ်ဖွင့်ပြဟောကြားမှ တရားသိမြင်သောပုဂ္ဂိုလ်တည်း၊

(၃) နေယျပုဂ္ဂိုလ်ဟူသည် လက်တွေ့ကျင့်ကြံမှ တရားသိမြင်သောပုဂ္ဂိုလ်တည်း၊

(၄) ပဒပရမပုဂ္ဂိုလ်ဟူသည် ယခုဘ၀ တရားအားထုတ်သော်လည်း တရားထူးမရ ပါရမီဖြစ်ရုံမျှသောပုဂ္ဂိုလ်တည်း၊

အကျဉ်းချုပ်မျှ၊ ဟောဖော်ပြ၊ သိကဥဂ္ဃဋိ။

အကျယ်ဖွင့်ပြ၊ ဟောပြောမှ၊ သိက၀ိပဉ္စိ။

လက်တွေ့ကျင့်မှ၊ တရားရ၊ နေယျခေါ်လေဘိ။

ယခုဘ၀၊ မသိရ၊ ပဒပရမခေါ်လေဘိ။

ပါရမီကွဲပြား၊ ဥာဏ်ခြားနား၊ တရားရပုံလေးမျိုးရှိ။

ထို့ကြောင့် ဤမဟာသတိပဋ္ဌာနသုတ်လာ အများဆုံး(၇)နှစ် အနည်းဆုံး(၇)ရက် ကျင့်ကြံ ကြိုးကုတ် ပွါးများအာထုတ်က အနာဂါမ် ရဟန္တာဖြစ်နိူင်သည်ဟူသောပါဠိတော်အဆိုသည် တတိယအဆင့် နေယျပုဂ္ဂိုလ်ကို သာရည်ရွယ်၍ ဟောသောသန္ဓာယဘာသိတ ဒေသနာတော်စကားဖြစ်သည်၊

ဉာဏ်ပညာကြီးမားသော ဥဂ္ဃဋိတညူပုဂ္ဂိုလ် ၀ိပဉ္စိတညူပုဂ္ဂိုလ်တို့သည် သတိပဋ္ဌာန်အလုပ်ကျင့်ကြံကြိုးကုတ် ပွါးများအားထုတ်ပါက တစ်နေ့ တစ်ရက်, တစ်နာရီ, တစ်မိနစ်, တစ်စက္ကန့်အချိန်အတွင်းမှာပင် မဂ်ဖိုလ်နိဗ္ဗာန်တရားထူးကို ရရှိနိူင်ပါသည်။

ဤသို့လျှင် စစ်ကိုင်းတောင်ရိုး သီတဂူကမ္ဘာ့ဗုဒ္ဓတက္ကသိုလ်အဓိပတိ ဘဒ္ဒန္တဒေါက်တာဉာဏိဿရ (D.Litt) (Ph.D) သီတဂူဆရာတော်ကြီး၏ (၇၁)နှစ်ပြည့် ၀ိဇာတမင်္ဂလာအခါသမယ၌ ဆရာတော်ကို ဂုဏ်ပြုသောအားဖြင့်လည်းကောင်း၊ မဟာသတိပဋ္ဌာနသုတ်ဟောကြားခဲ့သော ကမ္မာသဒမ္မ(ကမ္မာသဓမ္မ) နိဂုမ်းတည်ရှိရာ အိန္ဒိယနိူင်ငံမြို့တော်နယူးဒေလီရှိ ဒေလီတက္ကသိုလ်ကို ဂုဏ်ပြုသောအားဖြင့်လည်းကောင်း ရေးသားအပ်သော မဟာသတိပဋ္ဌာနသုတ် အနှစ်ချုပ်ကို နိဂုံးကမ္ပတ် အဆုံးသပ်လိုက်ပါသတည်း။

ဘဒ္ဒန္တ သိရိန္ဒ

မဟာဝိဇ္ဇာ (ဒေလီ)

သာသနဓဇသိရီပ၀ရ ဓမ္မာစရိယ

ဒဂုံပရိယတ္တိစာသင်တိုက်

မြို့မကျောင်းလမ်း၊ ဒဂုံမြို့နယ်၊ ရန်ကုန်မြို့။