ကိုးကွယ်ရာမှာ ရွေးချယ်ပါ '' တဲ့ . . . ။
ဆိုလိုတာက ....
ဗုဒ္ဓဘာသာဝင်တွေ ပီပီ ရဟန်းသံဃာတွေ့ရင် ကြည်ညိုလိုက်ပါ ရှိခိုးလိုက်ပါ ။
ကြည်ညိုရှိခိုးတဲ့ မိမိမှာ ကုသိုလ်ပဲ ဖြစ်ပါတယ် ။ အကုသိုလ် မဖြစ်ပါဘူး ။
ရှိခိုးခံရတဲ့သူမှာသာ ရှိခိုးခံထိုက်တဲ့ သီလ ၊ သမာဓိ ၊ ပညာ မရှိခဲ့ရင် သူ့လမ်းသူ သွားပါလိမ့်မယ် ။
ဒါပေမယ့် ဆရာမှတ်မှတ် သမားမှတ်မှတ် ကိုးကွယ်တော့မယ် ဆိုရင်တော့
အသေအချာရွေးချယ်ရပါတော့မယ် ။ ရဟန်းစစ် ၊ ရဟန်းမှန် ဟုတ်ရဲ့လား ။
ရဟန်းစစ် ရဟန်းမှန်ဖြစ်ရင်လည်း
ဂန္တဓုရ = စာပေကိုအားထုတ်နေတဲ့သူလား
ဝိပဿနာဓုရ = တရားအလုပ်ကို အားထုတ်နေသူလား ....... ဒါတွေကို သေချာလေ့လာစုံးစမ်းပြီးမှ ဆရာသမားအဖြစ် ကိုးကွယ်ရမယ့် လောကုတ္တရာ ဆရာအဖြစ် ရှိထားရမယ့် အင်္ဂါရပ်တွေကို ဒီလိုဖွင့်ဆိုကြပါတယ် ။
ရိုသေချစ်ထိုက် ၊ ချီးမွမ်းထိုက်နှင့်
လွဲမိုက်ဆုံးမ ၊ မေးသမျှခံ
ဓမ္မံနက်နဲ ၊ ဟောနိုင်မြဲ၍
ကျိူးနည်းမတန်း ၊ ခုနှစ်ခန်းနှင့်
ပြည့်လျှမ်းညီညာ ၊ ဤဆရာ
ဖွေရှာတည့်ခံ ။ ........ တဲ့
ရိုသေထိုက်တဲ့ သီလ ၊ သမာဓိ ၊ ပညာဆိုတဲ့ ဂုဏ်ရှိရမယ် ။
ချစ်ခင်ထိုက်တဲ့ မေတ္တာဓာတ် ပိယဂုဏ်လည်း ရှိရမယ် ။
ချီးမွမ်းထိုက်တဲ့ ရောင့်ရဲခြင်း စတဲ့ ပသဋ္ဌဂုဏ်လည်း ရှိရမယ် ။
ဒကာ ဒကာမတွေရဲ့ လွဲမှားနေတဲ့အကျင့် ၊ မိုက်မဲနေတဲ့ အကျင့်တွေ ကို မြင်ရင်လည်း ဆုံးမသြဝါဒပေးနိုင်ရမယ် ။ ဒကာ ဒကာမတွေ မေးမြန်းလာတဲ့ ဘာသာရေးပြဿနာများကိုလည်း ပြောကြားပေးနိုင်ရမယ် ။ ရုပ် ၊ နာမ် ၊ ပရမတ် ၊ ပညတ် စတဲ့ နက်နက်နဲနဲ တ၇ားများကိုလည်း ဟောကြားပေးနိုင်ရမယ် ။
ပစ္စက္ခ ၊ သံသရာအကျိုး ရှိရာရှိကြောင်းများကိုလည်း ညွှန်ကြားနိုင်ရမယ် ။ အဲဒီ ဆရာများကိုသာ ရှာဖွေပြီး တပည့်ခံရင် အမှားမတွေ့နိုင်တော့ဘူးပေါ့ ။
'' ကုန်ရှုံးတော့ တစ်ခေါက် ၊
လင်ကုန်ရှုံးတော့ တစ်သက်လုံးမှောက် ၊
ဆရာကုန်ရှုံးတော့ တစ်သံသရာလုံး မှောက်ရော '' ...... တဲ့
ဒါကြောင့် ဆရာတင်မမှားကြဖို့ ကြပ်ကြပ်သတိထားကြ ။ ဒါက သဒ္ဓါများပြီး ပညာပါးတဲ့သူများ အတွက်ပါ ။ နောက်တစ်ခုက ကြည်ညိုတဲ့ သဒ္ဓါအလွန်နည်းပြီး တွေးခေါ်မြှော်မြင်တဲ့ ပညာက များနေလည်း မကောင်းပြန်ဘူး ။
မဃဒေဝ မှာ ဆက်ပြတာကတော့ -
သဒ္ဓါနုံနဲ ၊ ပညာကဲလည်း
အလွဲပြေးဝင် ၊ အမြင်ယွင်းခွ
တိမ်းပါးကြလျက် ၊ မီးပြသမား
တွင်းကျွံမှားသို့ ၊ ဆယ်းပါးကောင်းမှု
လှူဝတ္ထုကို ၊ စွန့်ပြုမလွှတ်
စိတ္ထုပ္ပါဒ်မျှ ၊ ဒါနအလှူ
မြောက်သောဟူ၍ ၊ အယူဖောက်လွဲ
မိစ္ဆာစွဲ၏ ။ ---- တဲ့
နောက် .... ကြည်ညိုတဲ့ သဒ္ဓါနဲ့ တွေးခေါ်တဲ့ ပညာ အဲဒီတရားနှစ်ပါးဟာ ချိန်ခွင်လျှာလို အလည်တည့်တည့်မှာ ထားနိုင်မှ ဘာသာရေး လောကမှာ အမှားကင်းစင်နိုင်တယ် ဆိုတာကို မာဃဒေဝလင်္ကာမှာ ဆုံးမထားတာက ---
ပညာအားနည်း ၊ သဒ္ဓါသည်းက
အရည်းမည်ကာ ၊ ယူမိစ္ဆာ၌
သဒ္ဓါလေးမြတ် ၊ ဆည်းကပ်တက်၏ ။ လို့ ဆိုပါတယ် ။
တွေးခေါ်မြော်မြင်တဲ့ ပညာအားနည်းနေပြီး ကြည်ညိုယုံကြည်တဲ့ သဒ္ဓါကများနေမယ်ဆိုရင် အရည်ကြီး လက်ကျန် ယုတ်မာတဲ့ အကျင့်တွေကျင့်ပြီး လိမ်စားနေတဲ့ လူလိမ်လူညာ မိစ္ဆာအယူရှိတဲ့ သူတွေကို ဆရာတင်ပြီး ကိုးကွယ်ဆည်း ကပ်မိတက်ပါတယ် ။
မေတ္တာရှင်(ရွှေပြည်သာ)
ဖယောင်းတိုင်တစ်တိုင်၏ အလင်းရောင် နှင့် ဒဿနရသဝတ္ထုတိုများ မှ
ကောက်နှုတ်ရေးသားပါသည် ။
No comments:
Post a Comment