မြတ်စွာဘုရားရှင် အား သက်ရှိထင်ရှားဟု သဘောထားပါက ဆွမ်း ၊ သစ်သီးများ ကပ်လှူရာ၌ စဉ်းစား ၊ ဆင်ခြင်ကြည့်စေချင်သော အမှုကိစ္စများ

“ တို့ဘုရားသာသနာက နေပူအောင်လည်း လုပ်လို့ရတယ်။ မိုးရွာအောင်လည်း လုပ်လို့ရတယ်။

လူလာအောင်လည်း လုပ်လို့ရတယ်။ လူမလာအောင်လည်း လုပ်လို့ရတယ်။

မင်းတို့ ဘုရားကြည်ညိုတာက မတည့်တဲ့သူငယ်ချင်း အိမ်လာလည်သလောက်မှ မကြည်ညိုကြတော့ မင်းတို့မှာ ဘာအကျိုးထူးမှ မခံစားရဘူး။ မတည့်တဲ့သူငယ်ချင်း အိမ်ကိုလာလို့ ကိုယ်ကမခေါ်ချင်တောင်မှ စားချိန်ကျရင် မင်းဒကာမကိုတော့ ဟိုကောင်ကို ထမင်းကျွေးလိုက်ဆိုပြီး ခိုင်းမယ်။ စားပြီးရင်လည်း ဟိုဟာတွေသိမ်းတော့ ဆေးတော့လို့ပြောမယ်။ ခု မင်းတို့ဟာက ဘုရားမှန်မှန် ဆွမ်းမကပ်ဘူး။ ကပ်ပြီးလည်း ဆွမ်းတော်ပွဲကို တစ်နေကုန်ပစ်ထားတာ မဟုတ်လား။ ဘုရားကိုသာ တကယ်အသက်ထင်ရှားရှိတဲ့ ပုဂ္ဂိုလ်လို သဘောထားပြီးလုပ်ရင် မင်းတို့ ဒီလောက် ဒုက္ခမရောက်ဘူး။ သူများကို မကယ်ချင်နဲ့ဦး၊ ကိုယ့်ကိုကိုယ် အရင်ကယ်ပါဦး ။ ”

ကျေးဇူးတော်ရှင် ဝေဘူဆရာတော်ဘုရားကြီး၏ အဆုံးအမ သြ၀ါဒ ပါ

ဆရာတော်ဘုရားကြီးရဲ့ အဆုံးအမ ကို ဖတ်ပြီး ကျနော် တွေးမိတဲ့ အတွေးလေးတွေ တစ်ချို့ကို တင်ပြချင်ပါတယ် ။ ဒီနေရာမှာ ကြိုတင်ပြီး တောင်းပန်ထားချင်တာက ဒီစာကို ရေးရတဲ့ရည်ရွယ်ချက်က မည်သူတစ်ဦး တစ်ယောက်ကိုမျှ အပြစ်တင်ခြင်း ၊ ဝေဖန်ခြင်းမဟုတ်ပါဘူး ခင်ဗျာ ။ မြတ်စွာဘုရားရှင် ကိုယ်တော်မြတ်ကြီးအား တကယ်သက်ရှိထင်ရှား ပုဂ္ဂိုလ်ဟု သဘောထား စေချင်တာရယ် ပို၍သင့်လျော်မည် ထင်သော ၊ ပို၍ကောင်းမွန်မည်ဟု ထင်သော ကျနော့် အတွေး နဲ့ စိတ်ကူး ကိုသာ ရိုးသားစွာ တင်ပြ ဆွေးနွေးခြင်း ဖြစ်ပါတယ် ။ ကျနော် အနေနဲ့ ဒီစာလေး ရေးတဲ့နေရာမှာ အသုံးအနှုန်း မတက်တာ ၊ မှားတာပါရင် သီးခံခွင့်လွှတ်ပေးကြပါ ၊ ဆုံးမ ပြုပြင်ပေးကြပါ ရန် မေတ္တာရပ်ခံပါသည် ။

ဗုဒ္ဓဘာသာဝင်တို့၏ နေအိမ်တိုင်းတွင် ဗုဒ္ဓရုပ်ပွားဆင်းတုတော်များကို တည်ထားကိုးကွယ်ကြ၏။ ယင်းသို့တည်ထား ကိုးကွယ်ရာတွင် ကြည်ညိုမှု သဒ္ဓါတရား အနည်းအများပေါ်တည်မှီလျက် ကိုးကွယ်ပုံ အနေအထားချင်း မတူညီကြပေ။ မိမိအိမ်တွင် သက်ရှိထင်ရှား ဘုရားရှင်ကိုယ်တော်မြတ်ကြီး ကိုယ်တိုင် သီတင်းသုံးစံပယ်တော်မူသကဲ့သို့ ရိုရိုသေသေကြည်ညို ကိုးကွယ် သူတို့လည်းရှိ၏။ မိရိုးဖလာ အစဉ်အလာအရ သာမန်မျှသာ သဘောထားကာ ကိုးကွယ်သူတို့လည်းရှိ၏ ။ ထိုမိရိုးဖလာ အစဉ်အလာအရ အပေါ်ယံ ကြည်ညိုခြင်းသဘော ၊ ၀တ်ပြုပူဇော်ခြင်းသဘော များတွင်သာ သောင်တင်နေသောသူ များပါသည် ။ အထက်က ဆရာတော်ဘုရားကြီး ပြောသလိုပါပဲ ဘုရားကို တကယ်သက်ရှိထင်ရှား ပုဂ္ဂိုလ်လိုသဘောထားတဲ့သူ အင်မတန်ရှားပါတယ် ။ မရှိဘူးလို့မဆိုလိုပါဘူး ခင်ဗျာ ။ ကျနော်တွေ့ဖူးတဲ့ သူများကိုသာ ရည်ညွှန်းပါတယ် ။ ၀တ်ကျေ တမ်းကျေ အဖြစ်သဘောလောက်သာ ကိုးကွယ်ကြတဲ့သူ များပါတယ် ။ ဘာလို့ဒီစကားကို ပြောလဲဆိုတော့ ကျနော်တို့ မြတ်စွာဘုရားရှင်အား ဆွမ်းတော်ကပ်ခြင်းကို စပြီး စဉ်းစား ဆင်ခြင်ကြည့်ကြပါစို့ . . . . . .

ဗုဒ္ဓဘာသာဝင် တော်တော်များများ ဆွမ်းတော်ကပ်ကြတဲ့အခါ ဆွမ်းခွက်ငယ်လေးတွေနဲ့ တစ်ချို့လည်း သုံးခွက် ၊ တစ်ချို့လည်း ငါးခွက် ၊ တစ်ချို့လည်း ခပ်ရွယ်ရွယ် ဆွမ်းခွက်နှင့် တစ်ခွက် ဆွမ်းကပ်ကြပါတယ် ။ ဆွမ်းဟင်းကိုတော့ သင့်သလို့ တစ်ချို့လည်း သကြား ၊ ပေါက်ပေါက် စသည်တို့ကို ထိုဆွမ်းခွက်ထဲ ထည့်၍ (ဒါက ကျနော့်ကြီးဒေါ်ကြီး ကပ်တာကို မြင်တာပါ) ၊ တစ်ချို့လည်း ဆွမ်းဟင်းကို ထိုဆွမ်းခွက်ထဲ ထည့်၍ ကပ်လှူကြပါတယ် ။ တစ်ချို့လည်း သေသေချာချာ ဆွမ်းပွဲပြင်၍ ကပ်လှူသူများ လည်း ရှိကြပါတယ် ။ မည်ကဲ့သို့ လှူသည်ဖြစ်စေ . . . မဟာဂရုဏာရှင် မြတ်စွာဘုရားရှင် ကိုယ်တော်မြတ်ကြီးကတော့ အပြစ်တစ်စုံတရာ ပြောဆိုမည် မဟုတ်ကြောင်းကတော့ အသေအချာပါပဲ ။ သို့ပေမယ့် ကျနော်တို့အနေနဲ့ကတော့ သင့်၏ ၊ မသင့်၏ ကိုတွေးဆ ဆင်ခြင် ရမှာပါ ။ ကျနော့် အမြင်ကတော့ အဲလိုမျိုး ဆွမ်းကပ်လှူဒါဟာ မဖြစ်သင့်ဘူး ၊ ၀တ်ကျ တမ်းကျေနိုင်တယ် ၊ သဒ္ဓါတရားလည်း နည်းပါးလွန်းရာရောက်တယ် လို့ ယူဆမိပါတယ် ။ တစ်ခြားမတွေးပါနဲ့ဦး ကျနော်တို့ ဒီနေရာမှာ ကိုယ့်ကိုကိုယ်နဲ့ အရင်တွေးကြည့်ကြရအောင်ပါ ။

ကျနော်တို့ ထမင်းစားမယ်ဆို ထမင်းကို ပန်းကန်နဲ့ ထည့်မယ် ၊ ဟင်းတွေကို ပန်းကန်နဲ့ သက်သက်ထည့်မယ် ။ အဲလို စားပွဲ (သို့) ခုံပ်ါမှာ ပြင်ပြီးရင် လက်ဆေးမယ် ၊ ဒါမှမဟုတ် ဇွန်း ၊ ခရင်းနဲ့ စားကြမယ် ။ စားပြီးတော့ ပန်းကန်ခွက်တွေ မဆေးရဘူးပဲ ထားပါဦး ပါးစပ်ဆေးမယ် ၊ လက်ဆေးမယ် ။ ဒါမှမဟုတ် ပါးစပ်ကို သုတ်မယ် ၊ လက်ကို သုတ်ကြမယ် ။ ဒါက အကြမ်းအားဖြင့် တွက်ကြည့်တာပါ ။ ကျနော်တို့ ဆက်ပြီးတွေးကြည့်ရအောင် . . . . .

ကျန်းမာနေတဲ့ လူတစ်ယောက် ထမင်းစားတဲ့အခါ တစ်ပန်းကန်လောက်တော့ စားနိုင်တယ် ခင်ဗျ ။ မြတ်စွာဘုရားရှင် အား ဆွမ်းကပ်တဲ့ အခါကြတော့ . . . . ပြောရမှာတောင် အားနာတယ် လက်တစ်ဆုပ်စာလောက်ကလေး ကပ်ကြတယ် ။

ကျနော်တို့ ထမင်းစားတဲ့အခါ ကောင်းနိုးရာရာ လေးတွေကို စီမံပြီး စားကြတယ် ။ ဟင်းမကောင်းရင် မစားချင်ဘူး သူများကိုပြောတာ မဟုတ်ပါဘူး ကျနော့်ကို ကျနော်ပြောတာပါ ။ တစ်မျိုးတည်းဆို သိပ်မကျေနပ်ချင်ဘူး ။

မြတ်စွာဘုရားရှင်အား ကပ်တဲ့ ဆွမ်းဟင်းကြတော့ ရော . . . . သကြားတဲ့ ၊ ပေါက်ပေါက်တဲ့ . . . . အဲလိုမျိုးတွေ . . .

ကိုယ်ကျတော့ လက်ဆေးပြီး သေချာစားမယ် ဒါမှမဟုတ် ဇွန်း ၊ ခရင်းနဲ့ စားမယ် ။ မြတ်စွာဘုရားရှင် ဆွမ်းကပ်တဲ့အခါ ကြတော့ လက်ဆေးစရာလည်း မပါ ၊ ဇွန်း လည်း မပါကြပါဘူး . . .

ဆွမ်းဘုဉ်းပေးပြီးတဲ့အခါ သန့်စရာ ရေလည်းမရှိ ၊ သုတ်စရာ လည်း တစ်ခုမှမပါ ။ ဒါတွေကို မဟာဂရုဏာရှင် မြတ်စွာဘုရားရှင် ကိုယ်တော်မြတ်ကြီးကတော့ အပြစ်တစ်စုံ တစ်ရာ ပြောမှာမဟုတ်ပါဘူး ခင်ဗျာ ။ ထိုသူအများ ကိုးကွယ်နေတဲ့ နတ်ကိုသာ အဲလို ကပြက်ကချော် (ဖြစ်ကတက်ဆန်း) လုပ်လို့ကတော့ ဟိုက ဘာပြောကောင်းမလဲ “ ကိုင် ” မှာ . . . အဲဒါကြတော့ ကြောက်တယ်ထင်တယ် ကြက်ဆို အကောင်လိုက် ၊ ငှက်ပျောသီးဆို အနာမပါတဲ့ အဖီးလိုက် ၊ အုံးသီး အလုံးလိုက် အနာမပါ,ကြွက်မြီးတောင် ကျိုးလို့မရဘူး တဲ့ . . . . ကောင်းရော . . . . ပေါ့ တွေးကြည့်ရင် ရင်နာစရာပါပဲ . . . . ။

မဟုတ်တဲ့ နေရာကြတော့ သဒ္ဓါတရားတွေ ကောင်းလိုက်ကြတာဗျာ ။ မြတ်စွာဘုရားရှင် ဆွမ်းကပ်တဲ့အခါကြတော့ အဖြစ်သဘောလေး ကြည်ညိုကြတော့ အဖြစ်သဘောလေးပဲ အကျိုးပေးတာ မဆန်းပါဘူး ။ ဘုရားရှင်အား ဆွမ်းကပ်တဲ့အခါကြတော့ ကြောင်စာလောက်ကလေး ကပ်ပြီး တောင်းလိုက်ကြတဲ့ ဆုတွေကတော့ တော်တော်များပါတယ် (မြင်းမိုရ်တောင်လောက်ရှိမယ်) ။အဲလိုမျိုးပြောရင် ကျနော့်ကို သိပ်တော့ ကျေနပ်ကြမယ် မထင်ဘူး ခင်ဗျ ။ ဖြစ်သင့်တာက ဆွမ်းကပ်တဲ့အခါ ရဟန်းတစ်ပါး ဆွမ်းဘုဉ်းပေးလောက်တဲ့ ဆွမ်း ၊ ဆွမ်းဟင်း တော့ အနည်းဆုံးဖြစ်သင့်တယ်လို့ ယူဆမိပါတယ် ။ ကျနော့် သဘောအတိုင်းဆိုရင်တော့ ဒီလို . . . ဘုရားစင်ရှေ့မှာ စားပွဲတစ်ခုချမယ် အဲဒီပေါ်မှာ ဆွမ်းကို ပန်းကန်တစ်ချပ်အပြည့်ထည့်မယ် ၊ အစဉ်ပြေမယ့် ဆွမ်းဟင်းကို ပန်းကန်တစ်ချပ်နဲ့ ထည့်မယ် (ဒီထက်တက်နိုင်ရင်လည်း ဒီထက်ပိုမယ်) ၊ လက်သန့်ဖို့ အတွက် ရေတစ်ခွက်ထားမယ် ၊ နောက် လက်သုတ်ပ၀ါ တစ်ခုထားမယ် ။ တစ်ခြား ခဲဖွယ် ဘောဇဉ်တို့ကို တက်နိုင်လို့ ထပ်ထည့်လည်း ပိုကောင်းတာပါပဲ ။ ပြီးရင်ဆွမ်းတော်ပွဲတွေကို နေမွန်းမတည့်ခင် ပြန်ပြီးသိမ်းမယ် ။ အဲလိုဆို မကောင်းဘူးလား ခင်ဗျာ . . . . .

“ ဟာ . . ကိုရဲ ရာ အဲလောက် ထိ လက်ဆေးရေတွေ ၊ ဘာတွေ ထိလုပ်ဖို့ မလိုပါဘူးကွာ ၊ မင်းက ပိုတယ် ” လို့ ပြောချင်လည်း ပြောပါခင်ဗျာ ။ မလိုဘူးထင်လို့ မလုပ်လည်း မြတ်စွာဘုရားရှင်ကတော့ မည်သူ့ကိုမှ အပြစ်ပြောမည် မဟုတ်ပါဘူး ။ တစ်ခုတော့ ပြောချင်တယ် ခင်ဗျ မိမိတို့ အိမ်ဦးခန်းမှာ တကယ်သက်ရှိထင်ရှား ဘုရားရှင်ကိုယ်တော်မြတ် ဆွမ်းစားကြွလာတယ် ဆိုရင် အဲဒီလို သက်ရှိထင်ရှားလို့ သဘောထားရင် ကျနော်ပြောတာတွေ ထက်တောင် ပိုပြီး လိုနေဦးမှာပါ . . . . ပိုပြီးလည်း လုပ်ကြမှာပါ . . ။

အဲဒီလိုပါပဲ သစ်သီးတွေ ကပ်ကြတဲ့အခါမှာလည်း အလုံးလိုက်ကပ်ကြတယ် ။ ခွဲစိပ်ပြီး သေချာ ပန်းကန်ထဲထည့်ပြီး ကပ်တဲ့သူ က နည်းပါတယ် ။ ကျနော်လည်း ပါခဲ့ပါတယ် ။ ကျနော်တို့ နည်းနည်းလောက် တွေးကြည့် ဆင်ခြင်ကြည့်ကြရအောင်

ကျနော်တို့ ဥပမာ ပန်းသီးစားတယ် ဆိုပါစို့ . . . ပန်းသီးကို ရေဆေးမယ် ၊ အခွံခွာမယ် ၊ အစိပ်လေးတွေ စိပ်မယ် ၊ ပန်းကန်ထဲ ထည့်ပြီး ကျကျနန ထိုင်စားကြတယ် ။ ဟုတ်တယ် ဟုတ် . . .။ ဧည့်သည်လာလည်း ဒီလိုပဲ လုပ်မှာပဲ ရဟန်းတစ်ပါး ဆွမ်းစားပင့်တဲ့အခါ လည်း ဒီလိုပဲ ခွဲစိပ်ပြီး ကပ်ကြတာပါပဲ ။ မြတ်စွာဘုရားရှင်အား ကပ်တဲ့အခါကြတော့ ရေစေးပြီး အလုံးလိုက် ကပ်လိုက်ကြတာပါပဲ ။ ဘယ်လိုတွေလဲမသိဘူး ဗျာ တစ်ခါတလေ နှစ်ရက် ၊ သုံးရက်တောင် ထားလိုက်ကြသေးတယ် ။ အဲဒီလို နှစ်ရက် ၊ သုံးရက်ကပ်လှူထားတာဟာ ၀ိနည်းတော်နှင့်လည်း မညီပါဘူး ။ နောက် အလုံးလိုက်ကပ်လှူထားတာ ဟာလည်း မသင့်တော်ပါဘူး ။ တစ်ခြားမတွေးပါနဲ့ဦး ရဟန်းတစ်ပါးကိုပဲ ကပ်ကြည့်ပါဦး ထိုရဟန်းက ပန်းသီးကို အလုံးလိုက် ကိုက်ပြီး ဘုဉ်းမယ်မထင်ဘူး ခင်ဗျာ ။ ကိုက်ဖျက်ပြီး စားနိုင်ပါတယ် ။ ဒါပေမယ့် မသင့်တော်တဲ့အတွက် စားမယ်မထင်ပါဘူး ခင်ဗျ ။ အဲဒီလိုပါပဲ တစ်ခြားသစ်သီးတွေလည် အလုံးလိုက် ကပ်လှူကြတာများပါတယ် ။ သရက်သီး ၊ ငှက်ပျောသီး ၊ မာလကာသီး အစရှိတဲ့ သစ်သီးတွေလည်း အလုံးလိုက်ပဲ မြတ်စွာဘုရားရှင် ကိုယ်တော်မြတ်ကြီးအား ကပ်လှူပူဇော်ကြပါတယ် ။ အလုံးလိုက်ကပ်လှူကြလို့ ကျနော့်အနေနဲ့ ဝေဖန်ခြင်း ၊ အပြစ်တင်ခြင်း လုံးဝ,လုံးဝ မဟုတ်ပါဘူး ခင်ဗျာ သီးခံပေးကြပါ ။ ထိုသစ်သီးတွေကို ခွဲစိပ်ပြီး ကပ်လှူကြရင် ပိုပြီးသင့်လျှော်မည်ဟု ဆင်ခြင်မိသည့်အတွက် ကျနော့်ရဲ့ အတွေးကို တင်ပြခြင်းသာ ဖြစ်ပါတယ် ။ ဒီလိုလုပ်ရမယ်လို့ မည်သူ့ကိုမျှ မပြောရဲပါ ခင်ဗျာ ။ ဆင်ခြင်ကြည့်စေလိုခြင်း သက်သက်သာ ဖြစ်ပါတယ် ။ ကျနော့်အနေနဲ့ ပြောချင်တာကတော့ မြတ်စွာဘုရားရှင်အား ကပ်လှူကြတဲ့အခါ မိရိုးဖလာ ၀တ်ကျေ တန်းကျေ ကပ်လှူကြတာထက် တကယ်သက်ရှိထင်ရှား ပုဂ္ဂိုလ်လို့ သဘောထားပြီး ကပ်လှူကြည့် စေချင်တာပါ ။ တကယ်သက်ရှိထင်ရှား ဘုရားရှင်ကိုယ်တော်မြတ် ကိုယ်တော်တိုင် မိမိတို့ အိမ်ဦးခန်းမှာ ဆွမ်းစားကြွလာတယ် လို့ သဘောထား နိုင်ကြရင် မည်သူမဆို ပို၍ ပို၍ အကျိုးများကြမည်ဟု ထင်မြင် ယူဆမိပါကြောင်း . . . . . ။



ဒီနေရာမှာ နည်းနည်း ပြောစရာ ရှိပါသေးတယ် ။ ကိုယ့်အကြောင်း ကိုယ်ပဲ ပြောမှာပါ ။

“ ကိုရဲ ရယ် . . မင်းက သူများတွေကို တော့ စဉ်းစားဆင်ခြင် ကြည့်ခိုင်းပြီး မင်းကရော အဲလိုလုပ်လား ” လို့ မေးချင်စရာရှိချင် ရှိမှာပါ ။

ဟုတ်ကဲ့ . . . ကျနော် အခု သူများအိမ်မှာ ကပ်နေတာပါ ။ ရှင်းပါတယ် ။ အဲတော့ ကျနော့်အနေနဲ့ ဆွမ်းတော်ကပ်ဖို့ ကို ဆွေးနွေးဖို့ရော ၊ ကိုယ်တိုင်လုပ်ဖို့ရော အစဉ်မပြေတာတွေ ရှိပါတယ် ။ ဒါပေမယ့် ကျနော် ကိုယ့်မိသားစုနဲ့ ကိုယ်အိမ်နဲ့ ကိုယ် ဖြစ်တဲ့အခါ အထက်ပါအတိုင်း ဆွမ်းတော်ကပ်လှူမှာကတော့ အသေအချာပါပဲ ခင်ဗျ ။ ကျနော်အခု မလုပ်နိုင်ပေမယ့် ရွာမှာ ရှိနေတဲ့ ကျနော့်အမေရယ် ၊ ကျနော် ကြီးဒေါ်ရယ် ကိုတော့ အထက်ကလိုမျိုး ဆွေးနွေးဖူးပါတယ် ။ ကျနော်က အဲလိုလုပ်ပါလို့ မတိုက်တွန်းခဲ့ပါဘူး ။ စဉ်းစာ ဆင်ခြင် ကြည့်ခိုင်းခဲ့ပါတယ် ။ အဲလိုပြောပြီး နောက်နေ့ မနက်မှာပဲ အမေနဲ့ ကြီးဒေါ်ကြီး ဆွမ်းကပ်လှူတဲ့ ပုံစံက ပြောင်းသွားပါတယ် ။ အရင်ကလို ခွက်သေးသေးလေးတွေနဲ့ မဟုတ်တော့ပါဘူး ။ အဲဒီအတွက် ကျနော် ကျေနပ်ပါတယ် ။ ကျနော်ပြောတာကို လုပ်လို့ မဟုတ်ပါဘူး ။ မြတ်စွာဘုရားကို အရင်ကထက် သက်ရှိထင်ရှားလို့ သဘောထားလာတဲ့အတွက် ကျနော် အမေနဲ့ ကြီးဒေါ်ကြီးအတွက် ၀မ်းသာကြေနပ်မိကြောင်းကို ပြောကြားရင် . . . . . .



ရိုးသားသောစေတနာဖြင့်

ရဲဝင်းထွန်း

July 26,2011 12:33 PM