ကိုယ့်သန္တာန်မှာ တရားရှိ၊ မရှိ

ဗုဒ္ဓဘာသာဝင် သူတော်စင် အပေါင်းတို့၏ နောက်ဆုံးပန်းတိုင်သည် မြတ်နိဗ္ဗာန်ပင် ဖြစ်ပါတယ်။ နိဗ္ဗာန်ကိုရရောက်နိုင်ရန်အတွက် တရားကျင့်ကြံ အားထုတ်ကြရပါတယ်။ တရားအားထုတ်ရာ၌ ကိုယ်ရဲ့ခံစားချက် ကိုယ့်ရဲ့အဆင့်နဲ့ ကြည့်ကာ ကိုယ့်သန္တာန်မှာဖြစ်တဲ့ လောဘ၊ ဒေါသ၊ မာန်မာနတွေ ဣဿာမစ္ဆရိယတွေကို သိနိုင်ပါတယ်။ ကိုယ့်သန္တာန်မှာ ဒီသဘာဝတရားတွေ ရှိနေသေးတယ်ဆိုရင် နည်းလာသလား?။ ပိုဆိုးလာသလား?။ ကိုယ့်ကိုယ်ကို သိနိုင်ပါတယ်။ တရားကျင့်လို့ရှိရင် လောဘ၊ ဒေါသ၊ မောဟ၊ မာန်မာန၊ ဣဿာမစ္ဆရိယ တဖြည်းဖြည်းနည်းလာတယ်၊ လျော့လာတယ်ဆိုရင် တရားရလာတယ်၊ တက်လာတယ်လို့ သတ်မှတ်နိုင်ပါတယ်။

တရားနဲ့ ပတ်သက်လာရင် “အနုရုဒ္ဓသုတ်” ကိုလည်း သတိထား ဆင်ခြင်သင့်ပါတယ်။ ရှင်အနုရုဒ္ဓါမထေရ်မြတ်ဟာ သာသနာ့ဘောင်ဝင်ပြီး ၀ါတွင်းသုံးလကာလမှာ သမထကျင့်စဉ်တစ်ခုကို
ကျင့်ကြံအားထုတ်လိုက်တာ ဈာန်အဘိဉာဏ်တွေ ရသွားပါတယ်။ ဒိဗ္ဗစက္ခုအဘိဉာဏ်မှာ ထူးထူးကဲကဲ အောင်မြင်သွားပါတယ်။ စကြ၀ဠာတစ်ထောင်ကို တစ်ထိုင်တည်းနဲ့ အာရုံပြုလိုက်လို့ရှိရင်
အကုန်မြင်နေရပါတယ်။ အဲဒီလို သမထကျင့်စဉ်အောင်လို့ အဘိဉာဏ်ရတဲ့ ပုဂ္ဂိုလ်ဟာ မသိမသာ အကုသိုလ်တရား
တွေ ဖြစ်လာပါတယ်။ ရှေ့ဆက်ပြီး တရားကျင့်ပေမယ့် ရဟန္တာမဖြစ်ဘူး၊ မဖြစ်တဲ့အခါ ရှင်သာရိပုတ္တရာဆီ သွားမေးပါတယ်။ “အရှင်ဘုရား..တပည့်တော်မှာ စကြာဝဠာတစ်ထောင်ကို ဒိဗ္ဗစက္ခုနဲ့
ကြည့်နိုင်တယ်၊ တပည့်တော်မှာ သတိတွေလည်းကောင်းတယ်၊ သမာဓိစွမ်းအားတွေလည်း ကောင်းတယ်၊ ဒါပေမယ့် ရဟန္တာ မဖြစ်ဘူးဘုရား၊ ကိလေသာကင်းကွာတဲ့သူ မဖြစ်ဘူးဘုရား။ ”
အဲဒီလို ပြောတော့ ရှင်သာရိပုတ္တရာ မထေရ်မြတ်က “ ငါ့ရှင်..အနုရုဒ္ဓါ စကြာဝဠာတစ်ထောင်ကို ဒိဗ္ဗစက္ခုနဲ့ ကြည့်နိုင်တယ်လို့ ထင်နေတာကိုက မာန ပဲ ” မာနဆိုတာ အကုသိုလ်၊ ဒီမာနလေး ခံနေသည့် အတွက်ကြောင့် ရဟန္တာ မဖြစ်ဘူး။ နောက်တစ်ခါ ရှင်သာရိပုတ္တရာက ထောက်ပြတယ်၊ “ ငါ့မှာ သမာဓိတွေ အားကောင်းတယ်၊ သတိလည်းကောင်းတယ်၊ ၀ီရိယတွေလည်း ကြိုးစားအားထုတ်တယ်၊ ” ဒီလိုတွေးတာက ဥဒ္ဓစ္စ- စိတ်တွေလေလွင့်နေတာ၊ သမာဓိပျက်ပြားတာ၊ အဲဒီ အတွေးတွေ မဖျောက်လို့ရှိရင် ရဟန္တာ မဖြစ်ဘူး။
“ ငါ.. ကိလေသာကုန်တဲ့ ရဟန္တာ ဘာဖြစ်လို့ မဖြစ်ရသလဲ ” လို့ ပြောတာက ကုက္ကုစ္စပဲ၊ အများသိနေတဲ့ ကုက္ကုစ္စက မလုပ်သင့်တဲ့ အလုပ်ကို လုပ်မိပြီး ပူပင်တာ ကုက္ကုစ္စပဲ၊ လုပ်သင့်တာ မလုပ်မိလို့ ပူပင်တာလည်း ကုက္ကုစ္စပဲ၊ ယခု ကုက္ကုစ္စဆိုတာ တခြားမဟုတ်ဘူး၊ “ကိလေသာကုန်တဲ့ ရဟန္တာ ဘာလို့ မဖြစ်တာလဲ ” လို့ တွေးတာ၊ ဒါလည်း ကုက္ကုစ္စပဲ။

ဒါဖြင့်.. ရှင်သာရိပုတ္တရာက အကြံပေးတယ်- “ ကိုယ်တော် ဒါတွေ တွေးမနေနဲ့၊ နိဗ္ဗာန် တစ်ခုတည်းကို ဦးတည်ပြီးကျင့်ပါ ” လို့ အကြံပေးလိုက်တဲ့အခါကျမှ ရှင်အနုရုဒ္ဓါ ရဟန္တာ ဖြစ်သွားပါတယ်။ တရားဆိုတာ အလွန်သိမ်မွေ့ပါတယ်။

ဒါကြောင့်မို့ တရားချစ်ခင်သူတော်စင်တို့ လက်တွေ့ကျင့်သုံးရမယ့် တရားဓမ္မ၊ သိထားရမယ့် တရားဓမ္မတွေ ကြားနာရလို့၊ ဖတ်ရှုရလို့ ကိုယ်ရဲ့ အမူအကျင့်တွေ စိတ်နေသဘောထားတွေ ပြောင်းလဲလာပြီး သူတော်စင် သူတော်မြတ်အဖြစ် ရောက်လာပြီဆိုရင် တရားရလာပြီ၊ တရားတက်လာပါပြီ။ မာန၊ ဣဿာ၊ မစ္ဆရိယ အဲဒါမျိုးတွေ ပွားလာရင် ဒါ.. မမှန်ကန်သေးပါ။

တရားချစ်ခင် ကျင့်ကြံအားထုတ်နေသော ဓမ္မမိတ်ဆွေတို့ကလည်း ဓမ္မမှတ်ကျောက်ကို ကိုယ်စီ ဆောင်ထားပြီး ဗုဒ္ဓမြတ်စွာနဲ့ပတ်သက်လို့ အကုသိုလ် ဖြစ်ပွားစေတတ်တဲ့ အပြုအမူတွေကို ရှောင်ရှားပြီး၊ မှန်ကန်တဲ့ လမ်းကြောင်းက လျှောက်လှမ်းကာ နိဗ္ဗာန်ချမ်းသာကို ကိုယ်စီကိုယ်ငှ မျက်မှောက်ပြုနိုင် ကြပါစေသတည်း။ ။

{သက္ကရာဇ် ၁၃၇၁ ခုနှစ်၊ သီတင်းကျွတ်လဆန်း ၇ ရက်နေ့၊ စစ်ကိုင်းတိုင်းဒေသကြီး၊ မုံရွာမြို့၌၊ ဒေါက်တာ အရှင်နန္ဒမာလာဘိဝံသ ဟောကြားတော်မူသော ဓမ္မမှတ်ကျောက် တရားတော်ကို ကိုးကား ရေးသားပူဇော်ပါသည်။ }

(မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန် ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

“ဆုတောင်းပတ္တနာ”

ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။

ဦးသိန်းဝေ။
http://www.facebook.com/damanadi.tk
http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။

(ပိုမိုပြည့်စုံကောင်းမွန်အောင် အဆင်ပြေသလို ဖြည့်စွက်ရေးသားပြုပြင်ပြီး Share နိုင်ပါသည်။)
----------------------------------------------------
“ဆုတောင်း၍ မရ”
===========
ဆုတောင်းမရ၊ ကျင့်ကြံက
ရမည် ဧကန်သာ။
ကျမ်းကိုမချင့်၊ ရမ်း၍ကျင့်
အခွင့် မရောက်ပါ။
နည်းလမ်းသိမှ၊ ကျင့်လိုက်က
ခဏ မဂ်ဆိုက်မှာ။ ။
{ဓမ္မစေတီ ဆရာတော် }