နိဗ္ဗာန်ကို ရက်တိုတိုဖြင့် ရောက်ရပါလို၏

မိမိသန္တာန်မှာ ပေါ်လာသမျှကို မပြတ်မလပ် အထပ်ထပ် ရှုမှတ်ပေးရမယ်။ ကိုယ့် ဒုက္ခ ကိုယ်သိမှ မဂ်ပေါ်တာ။ သိသိနေမှ မဂ္ဂသစ္စာဖြစ်တယ်။ ဒုက္ခရှိလို့ ဒုက္ခ သိတာ အမှန်သိတာပဲ။
အမှန်သိရင် နိဗ္ဗာန် ရဖို့ နီးလာပြီ။

ဒုက္ခ ပိုင်ပိုင်နိုင်နိုင်သိအောင် လုပ်တဲ့  အလုပ်ဟာ နိဗ္ဗာန်ကိုရောက်ကြောင်း အကျင့်ပဲ။ ဘုရားရှိခိုးချင်စိတ်ပဲပေါ်ပေါ်
ပေးချင်ကမ်းချင်စိတ်ဘဲပေါ်ပေါ် ဒုက္ခဖြစ်၍ ဒုက္ခချုပ်တာပဲ။
နဖူးပေါ် လက်တင်တင် ခေါင်းအုံးပေါ်ခေါင်းချချ ပေါ်လာတာ
ဒုက္ခသစ္စာလို့ တွေးပါ။ ဒါက အပါယ်လေးပါး တခါးပိတ်တဲ့ အတွေး။
ခန္ဓာထဲ ဒုက္ခမှတပါး ပေါ်စရာကို မရှိဘူး။ ဒုက္ခသာ ပင်လယ်ဝေနေတော့တယ်။ 

လူ့ ဘဝ ရတာ ဒုက္ခသစ္စာရတာ။ လူချမ်းသာမရှိပါဘူး။ ခန္ဓာကိုယ်က ပေးလေသမျှက ဒုက္ခချည်းသာမှတ်။ ခင်ဗျားတို့ ပြုပြင်သမျှ
ခန္ဓာနှိပ်စက်လို့  ပြုပြင်ရတာ။ ညောင်းလွန်းလို့  ကွေးရဆန့် ရ ထိုင်ရ ထရတာ။ မနေနိုင်လို့  လုပ်ရတာချည်းပဲ။ နှိပ်စက်တာကို မသိတဲ့အတွက်
အပူဇော်ကဲနေတာ။ သူ့ ကို ဒုက္ခသစ္စာမှန်းသိပြီး မပေါင်းချင်တဲ့ တစ်နေ့ 
လူချမ်းသာဖြစ်ပြီ။ ဒုက္ခသစ္စာမှ လွတ်ပြီ။ 

ခန္ဓာထဲ ဘာစိတ်ပေါ်ပေါ်၊ ဘာဝေဒနာပေါ်ပေါ်၊ ဘာရုပ်ပဲပေါ်ပေါ်
ဒုက္ခသစ္စာချည် ရှုပါ။ ဒုက္ခသစ္စာချည်းပဲလို့  ဆုံးဖြတ်ချက်ချနေတဲ့ အချိန်
ဘယ်နည်းနဲ့ မှ ကိလေသာ မလာဘူး။ ပေါ်ရာကိုရှုရင် သစ္စာတွေ့ မယ်၊
ခန္ဓာထဲပေါ်လေသမျှ ဒုက္ခသစ္စာ၊ ပေါ်တာကို မြင်လေသမျှ မဂ္ဂသစ္စာ၊
သေတာက သမုဒယသစ္စာ၊ နောင်ခန္ဓာမလာတာက နိရောဓသစ္စာ၊
ခန္ဓာကိုတစ်ချက်သိရင် သစ္စာလေးပါး တစ်ပြိုင်နက်ပေါ်တယ်။
အဲဒါ ဓမ္မာနုပဿနာ။ ဆရာသမား နည်းပေးတဲ့ အတိုင်း
ခန္ဓာထဲပေါ်လာတာလေးတွေကို ဖြစ်ပျက်ဒုက္ခသစ္စာလေးတွေ ပဲလို့ ရှုတာ
အနုဗောဓဉာဏ် (ဆရာနည်းပေးသိ) ပွားပါများတော့ မှ ကိုယ့် ဟာကိုယ် တစ်ဖန်ထိုးထွင်းသိတဲ့ ပဋိဝေဓကိုယ်ပိုင် ဉာဏ်ထွက်လာတာ။
ဒီဉာဏ်ရောက်ရင် ကိစ္စပြီးတာပဲ။ သာမညသိတာ ဝိပဿနာဉာဏ်၊
ပိုင်ပိုင်နိုင်နိုင်သိတာက မဂ်ဉာဏ်။ မဂ်ဉာဏ် မရသေးရင်
သိစရာကျန်သေးလို့ ။ သစ္စာပိုင်ပိုင်နိုင်နိုင်မသိသေးလို့ ။
ဒုက္ခကို ပိုင်ပိုင်နိုင်နိုင်သိမှ နိဗ္ဗာန်ရမယ်။

ဘယ်အချိန်မဆို အချိန်ရတိုင်းရတိုင်း ဒုက္ခသစ္စာလို့ သိနေရမယ်။
တကယ့် ကိုယ်ပ်ုိင်ဉာဏ်န့ဲ ကိုယ်တိုင်သိပြီး အသိဆုံးလို့ ရှိရင်
မဂ်ဉာဏ်ဖြစ်တာပဲ။ ဉာဏ်ရဲ့ ရှေ့ မှာ ဒုက္ခမြင်ရဖန်များလာလေ
မုန်းတဲ့ ဉာဏ် ရင့် လာလေ။ မုန်းအားကြီးရင်ဆုံး ရော။ ဆုံးရင်နိဗ္ဗာန်ပဲ။
ဒီဒုက္ခကြီး လုံးဝမလိုချင်တော့ ပါဘူးဆိုတဲ့ စွန့် ချင်တဲ့ သဘောပေါ်လာပြီး
ဒုက္ခစက်ရပ်သွားတာကိုမြင်တာက နိဗ္ဗာန်ပေါ်တာပဲ။
ဒီလိုမြင်ရင် သံသယ ဟူသမျှ အကုန်ပျောက်ပြီ။ ရတနာသုံးပါးနဲ့ ခန္ဓာရုပ်နာမ် သံသရာစတဲ့  အရာတွေမှာ ယုံမှားခြင်းမရှိတော့ ဘူး။
ဉာဏ်အမြင် ရှင်းသွားပြီ။ အပါယ်လေးပါးက ကျွတ်ပြီ လွတ်ပြီ။
အထက်မဂ်တွေ အတွက် ဒီအတိုင်းပြန်ရှု။

သဒ္ဓါ၊ပညာ၊ဝီရိယ အားကောင်းရင် အားကောင်းသလောက် အရမြန်မယ်။ ဒီအား သေးရင် သေးသလောက် အရ နှေးမယ်။

(ကျေးဇူးတော်ရှင် မိုးကုတ်ဆရာတော်ဘုရားကြီး)
Credit by U Sein Tin Nu ၊ Thant Gyi.
(နိဗ္ဗာန်ကို ရက်တိုတိုနဲ့ ရောက်ရပါလို၏ ဆိုသူများအတွက်။ နောက်ထပ် ဆုတောင်းစရာမလိုတော့ဘူး။ ဒီအတိုင်းသာကျင့်ကြပါ တဲ့)

Shared from Ma Myint Sandar (FB)