* * * စကား * * *

ကျွန်‌တော်တို့တွေဟာ နေ့တစ်ဓူဝ စကားတွေပြောဆိုကြရတယ်..။

မိသားစုအချင်းချင်းပြောကြတယ်..။ မိတ်ဆွေတွေနဲ့ပြောကြတယ်..။

လုပ်ငန်းခွင်ထဲမှာ လုပ်ဖော်ကိုင်ဘက်တွေနဲ့ အချင်းချင်းနဲ့ပြောကြတယ်..။

ချစ်သူခင်သူတွေနဲ့လည်းအပြန်အလှန်ပြောကြတယ်..။

စကားတွေပြောရင်းနဲ့ဘဲ....ရင်းနှီးခွင့်တွေရတယ်..သိလိုတာတွေသိခွင့်ရတယ်..။

မိတ်ဆွေတွေတိုးပွားကြရတယ်..။ ချစ်သူတွေလည်းဆုံတွေ့ခွင့်ရခဲ့ကြတယ်..။

စကားတွေပြောရင်းနဲ့ဘဲ....ငြင်းခုံခွင့်တွေရကြတယ်..။ အယူအဆတွေဖလှယ်ခွင့်ရတယ်..။

စကားတွေပြောရင်းနဲ့ဘဲ...အမုန်းတွေပွားရတယ်...။

အရင်းနှီးဆုံးမိတ်ဆွေတွေကနေ..အမုန်းဆုံးသူတွေလည်းဖြစ်ကြရတယ်..။

စကားတွေကတော့ပြောနေကြတာဘဲ...

စကားတစ်ခွန်းကြောင့်ဘဲ...

စိတ်ချမ်းမြေ့မှုတွေရရှိသွားတယ်..

စိတ်ဓာတ်ခွန်အားတွေလည်းတိုးလာရတယ်..

ထောင်မတ်သွားတဲ့ ဘ၀တွေလည်းရှိခဲ့တယ်..။

လက်လွတ်စပယ်ပြောလိုက်တဲ့..စကားတခွန်းကြောင့်..

တဘက်သားထိခိုက်နစ်နာရတယ်..

ဘ၀တွေပျက်ကြရတယ်..။

စကားတစ်ခွန်းကြောင့်ဘဲ..စစ်မက်တွေဖြစ်ပွားရတယ်..။

စကားတွေပြောကြရင်းနဲ့ဘဲ..ငြိမ်းချမ်းရေးတွေတည်ဆောက်ခွင့်ရကြတယ်..။

စကားတွေပြောရင်းနဲ့ပဲ..

နှုတ်ဖျားလေးဟလိုက်ယုံနဲ့...

အူဘယ်နှစ်ခွေရှိတယ် ဆိုတာသိနိုင်သလို...

လျှာအရိုးမရှိတိုင်း လျှောက်ပြောနေတယ်...

စကား..စကားပြောဖန်များ..စကားထဲကဇာတိပြ

နှုတ်တစ်ရာ စာတစ်လုံး..ဆိုတာတွေကလည်း..

စကားတွေပြောရင်းရလာတဲ့

စကားပုံတွေဘဲလေ...။

စကားတွေကို...

အပျင်းပြေပြောနေသင့်လား..။

စကားဆိုတာ...

လိုအပ်မှရောမပြောသင့်ဘူးလား..။

စကားတွေကို..

ချင့်ချိန်ပြီးမပြောသင့်ဘူးလား..။

စကားတစ်ခွန်းမပြောခင်..ပြောသင့်ရဲ့လား.. ပြောခွင့်ရှိရဲ့လား...

ပြောဘို့ရောလိုလို့လား....ဆိုတာ..စဉ်းစားမိကြလား..။

ကိုယ်ပြောလိုက်တဲ့စကားတွေကြောင့်....

ရလာတဲ့ရလာဒ်တွေကိုရော..ခံယူဘို့အသင့်ဖြစ်ကြပြီလား..?

ကိုယ်ပြောလိုက်တဲ့ စကားကိုရော..တာဝန်ယူရဲကြရဲ့လား..?

အပြောနဲ့အလုပ်ရောညီကြရဲ့လား..?

ကိုယ်ပြောလိုက်တဲ့စကားတစ်ခွန်းကြောင့်

ရလာတဲ့ အပေါ်မှာရော..

စိတ်သန့်သန့်နဲ့ မုဒိတာပွားနိုင်ရဲ့လား..?

ပြောခွင့်မရလိုက်ရဘဲ..မြိုသိပ်ပြီးနေလိုက်ရလို့...ရလာတဲ့ ရလာဒ်တွေကရော

ခါးသီးနေမလား....? ဒါမှမဟုတ်...ချိုမြိန်ရဲ့လား..?

ကဲ...ကျွန်‌တော်နဲ့အတူ

စဉ်းစားကြည့်ရအောင်လား..?

ခင်မင်မှုများစွာဖြင့်....

မိုးထက်

ကိုယ့်အကြောင်း ကိုယ်ပြောလျှင်

ခြုံ၍ပြောရလျှင် လူသည်မိမိအကြောင်းမိမိပြောပါက ပြောသည့်အခါတိုင်းရှုံး၏။ အကြောင်းမူ မိမိကိုယ်ကိုချီးမွှမ်းပြောဆိုပါက ယင်းစကားအားလုံးကို တစ်ဖက်လူက လက်မခံပယ်ချကာ၊ မိမိကိုယ်ကို ပြစ်တင်ရှုံချပြောလျှင်ကား ပြောသမျှအားလုံးကို တစ်ဖက်သားက လက်ခံမှတ်သားသွားသောကြောင့်ဖြစ်၏။

မွန်တိန်း