*** (၁၀) ပါရမီမဖြည့်ဘဲ နိဗ္ဗာန်မရောက်နိုင်…
ပါရမီကတော့ သံသရာလွတ်လိုသူတိုင်းအတွက်
မရှိမဖြစ်လိုပါတယ်။
ပါရမီဆိုတာ မြင့်မြတ်သူတွေရဲ့ အလုပ်ကို ခေါ်တာပါ။
ဒါန၊ သီလ၊ မေတ္တာ၊ ဘာဝနာ၊ သမထ၊
ဝိပဿနာအလုပ်တွေဆိုတာ
မြင့်မြတ်သူတွေရဲ့ အလုပ်ဖြစ်လို့
အဲဒီအလုပ်တွေ ပြုလုပ်အားထုတ်နေတာဟာ
ပါရမီဖြည့်နေတာပါပဲ။
*** (၁၁) လက်တွေ့လုပ်ပါ…
တရားအားထုတ်ဖို့ စိတ်ကူးရှိပါတယ်
ရိပ်သာဝင်ဖို့ အစီအစဉ်ရှိပါတယ်လို့
အနာဂတ်ကို မေးငေါ့ပြီး
မရေမရာ အာချောင်နေတဲ့သူ
ဘယ်နှခုနှစ်တုန်းက
ဘယ်ရိပ်သာမှာ ဘယ်နှစ်ရက်
တရားအားထုတ်ဖူးပါတယ်လို့
အတိတ်ကို စားမြုံပြန်ပြီး
ကိစ္စပြီးဆုံးနေသလို ၀င့်ကြွားနေတဲ့သူတွေက
အပ္ပမာဒတရား လက်ကိုင်ထားသူလို့
မသတ်မှတ်နိုင်ပါဘူး။
အပ္ပမာဒတရားရဲ့ အနှစ်သာရက
ပစ္စုပ္ပန်ကျကျ တကယ်လက်တွေ့
အလုပ်လုပ်နေခြင်းပါ။
*** (၁၂) ဓာတ်ကူးကောင်းမှ ဓာတ်ကောင်းကူးမယ်…
မြတ်စွာဘုရားရှင်ရဲ့
ဂုဏ်တော်ပုဒ်အမည်တိုင်းရဲ့
နောက်ကွယ်မှာ
ကြည်ညိုလေးမြတ်ဖွယ်
လိုက်နာတုကျင့်ဖွယ်
အဓိပ္ပါယ်အနှစ်တွေက
နက်ရှိုင်းစွာ ကိန်းဝပ်နေတာမို့
ကိုယ့်စိတ်ဓာတ်နဲ့
ကိုယ့်လုပ်ရပ်ကို
အသန့်စင်ဆုံး
အမြင့်မြတ်ဆုံး
ဆောက်တည်လိုသူတိုင်း
မြတ်စွာဘုရားရှင်ရဲ့ ဂုဏ်ပုဒ်တွေကို
နှလုံးသားထဲမှာ အမြဲတမ်း
ဖော်ထုတ် ဆင်ခြင်နေသင့်ပါတယ်။
*** (၁၃) မြန်မာလိုပွားလေ တန်ခိုးအစွမ်းထက်လေ…
မြန်မာနိုင်ငံသားတွေအနေနဲ့
ဘုရားဂုဏ်တော်တွေကို
မြန်မာလို အဓိပ္ပါယ်
ကျေကျေညက်ညက်သိအောင်
လေ့လာထားဖို့ သိပ်အရေးကြီးပါတယ်။
မြန်မာလူမျိုးတွေအတွက်
ဘုရားဂုဏ်တော်ကို
မြန်မာလိုပွားတာ အကောင်းဆုံးပါပဲ။
ပါဠိပါမှ အားရတယ်ဆိုရင်လည်း
ပါဠိ-မြန်မာတွဲဖက်ပြီး
ပွားများနိုင်ပါတယ်။
ပါဠိသက်သက် ရွတ်ပွားနေတာထက်
အဆပေါင်းများစွာ
ပိုထိရောက်ပါတယ်။
မြန်မာအဓိပ္ပါယ်နဲ့ပွားမှ
သဒ္ဓါအား ပီတိအား
ပိုကောင်းပြီး ကုသိုလ်ဇော
ပိုထက်သန်လို့ပါ။
*** (၁၄) ချက်ချင်းထလုပ်…
ကောင်းမှုကုသိုလ် အလုပ်ဆိုတာ
လုပ်ချင်စိတ် ထက်ထက်သန်သန်ရှိတုန်း
မြန်မြန်သွက်သွက် ထလုပ်လိုက်မှ
ထမြောက်အောင်မြင် တတ်ပါတယ်
အကြောင်းတစ်ခုခုပြပြီး အချိန်ဆွဲနေမယ်ဆိုရင်
မလုပ်ဖြစ်တော့ပဲ လွဲချော်သွားတတ်ပါတယ်။
*** (၁၅) တစ်ခုလိုချင်လို့ တစ်ခုပေးတာ ဒါနမဟုတ်…
ကိုယ့်လက်ထဲကပစ္စည်း
သူတစ်ပါးလက်ထဲကို
ထည့်ပေးလိုက်တာကို
ပေးကမ်းတယ်လို့ ခေါ်ပါတယ်။
တစ်ဖက်သား
ကောင်းကျိုးရစေချင်တဲ့
စေတနာသက်သက်နဲ့
ပေးကမ်းတာမျိုးရှိသလို
ကိုယ့်အကျိုးအတွက်
အခွင့်အရေး တုံ့ပြန်မှုကို
မျှော်လင့်ပြီး ပေးကမ်းတာမျိုးလည်း
ရှိပါတယ်။
စေတနာသန့်သန့်နဲ့
ပေးကမ်းတာကို
ဒါနကုသိုလ် လို့ခေါ်ပြီး
ကိုယ်ကျိုးမျှော်လင့်ချက်နဲ့
ပေးကမ်းတာကိုတော့
လာဘ်ထိုးတယ်လို့ ခေါ်ပါတယ်။
*** (၁၆) စွန့်တတ်ရင် စွန့်ခရတယ်…
စိတ်ထားတတ်ရင်
အပိုပစ္စည်း၊ အပိုပိုက်ဆံ
တကူးတက အကုန်မခံရဘဲနဲ့
ဒါနကုသိုလ် ရနိုင်ပါတယ်။
သလိပ်၊ တံတွေး ထွေးတဲ့အခါ
နှပ်ညှစ်တဲ့အခါ
လက်သည်း ခြေသည်း ညှပ်တဲ့အခါ
ကျင်ကြီးကျင်ငယ် စွန့်တဲ့အခါ
ကိုယ့်ရဲ့ စွန့်ပစ်ပစ္စည်းတွေကို
ပုရွက်ဆိတ်လေးတွေ
ယင်ကောင်၊ ပိုးကောင်လေးတွေ
ပိုးလောက်လေးတွေ
စားကြသောက်ကြပါစေ
ချမ်းသာကြပါစေလို့
နှလုံးသွင်းလိုက်ရင်
စိတ်ထားမြင့်မြတ်တဲ့အတွက်
ဒါနကုသိုလ်၊ မေတ္တာကုသိုလ်လည်း
ဖြစ်သွားတာပါပဲ။
*** (၁၇) အတင်းပြော အကုသိုလ်အလုပ်…
အတင်းပြောတာ ၀ါသနာပါတဲ့လူတွေက
သူများပါးစပ် ငှားပြောတာ မဟုတ်ဘူး
ကိုယ့်ပါးစပ်နဲ့ ကိုယ်ပြောတာ ဘာဖြစ်လဲ။
ဟုတ်လို့ ဟုတ်တယ်ပြောတာ
မှန်လို့ မှန်တယ်ပြောတာ
ဘာဖြစ်လို့ နှုတ်သီးကောင်း လျှာပါးနဲ့
ရန်စကား ပြောတတ်ကြပါတယ်။
ဟုတ်ကဲ့ ဘာမှ မဖြစ်ပါဘူး
အကုသိုလ်ဖြစ်ရုံနဲ့ ငရဲကျရုံလောက်ပါပဲ။
ဘာလို့လဲဆိုတော့
အတင်းပြောတယ်ဆိုတာ
ဝစီဒုစရိုက်အမှု ကျူးလွန်နေတာမို့လို့ပါ။
*** (၁၈) မိဘကျေးဇူးကို ကျေအောင် ဆပ်နိုင်ကြပါစေ…
မိဘကျေးဇူးကို ကျေတာ မကျေတာ
အဓိက မထားဘဲ မိဘကျေးဇူးဆပ်နေဖို့က
အဓိကလို့ နှလုံးသွင်းပြီး
လောကနည်းနဲ့ရော ဓမ္မနည်းနဲ့ပါ
မိဘကို အမြဲ ကျေးဇူးဆပ်နေဖို့ပဲ
အရေးကြီးပါတယ်။
မိဘကို ရုပ်ပိုင်းဆိုင်ရာရော
စိတ်ပိုင်းဆိုင်ရာပါ
အဆင့်အတန်းမြင့်အောင်
ကျေးဇူးဆပ်နေတဲ့
သားကောင်း၊ သမီးကောင်းရဲ့
ထံမှောက်ကို
ကံကောင်းခြင်း လက်ဆောင်တွေ
အရပ်ဆယ်မျက်နှာကနေ
ဝင်လာမစဲ တသဲသဲ ဆိုသလို
အလုံးအရင်းနဲ့
ဝင်လာမှာကတော့
သေချာပေါက်ပါပဲ။
No comments:
Post a Comment