သြစတေးလျနိုင်ငံ ရာသီဥတုနှင့် ကျန်းမာရေးအဖွဲ့အစည်းမှ ဒေါက်တာလဇ်ဟန်နာ၏ပြောကြားချက်အရ အပူချိန်မြင့်မားခြင်းသည် ရာသီဥတုနှင့် ဆက်နွယ်သောသေဆုံးမှုများ၏ အဓိကအကြောင်းအရင်းဖြစ်ကြောင်း သိရသည်။
အလွန်ပူပြင်းသောနေ့ရက်များတွင် အပြင်ထွက်အလုပ်လုပ်သူ (သို့) ကစားသူတိုင်း ခန္တာကိုယ်အပူချိန်လွန်ကဲမှု အန္တရာယ်ရှိသည်ဟု ဒေါက်တာဟန်နာကပြောသည်။ သက်ကြီးရွယ်အိုများ (သို့) ကလေးငယ်များကို စောင့်ရှောက်ပေးသူများအနေဖြင့်လည်း ၄င်းတို့၏ရေဓာတ်ခန်းခြောက်မှုအန္တရာယ်ကို သတိထားသင့်သည်။ မြန်မာနိုင်ငံတွင်လည်း အပူရှိန်မြင့်မားနေရာ ရာသီဥတုပူပြင်းစဉ် ကျန်းမာစွာနေနိုင်ရန်နည်းများကို ဖော်ပြလိုက်ပါသည်။
- အလွန်ပူပြင်းသောရက်များတွင် ကဖိန်းဓာတ်နှင့် အရက်တို့ကို မသောက်သုံးပါနှင့်။ ကဖိန်းဓာတ်နှင့် အရက်မှာ ဆီးပိုရွှင်စေပြီး သင်၏ခန္တာကိုယ်ကို ရေဓာတ်ခန်းခြောက်စေနိုင်ပါသည်။
- ရေဓာတ်ထိန်းသိမ်းထားပါ။ ရေဆာသည်ဟု မခံစားရသော်လည်း တစ်ရက်လျှင် ရေ ၂လီတာနှင့် ၃ လီတာအထိသောက်ပါ။ အကယ်၍ ဆေးဝါးမှီဝဲနေရသဖြင့် သင့်ခန္တာကိုယ်က အရည်ကို အကန့်အသတ်ဖြင့်သာ လက်ခံရမည်ဆိုပါက ဆရာဝန်နှင့်ညှိနှိုင်းစစ်ဆေးပါ။
- လေ့ကျင့်ခန်းများလျှော့လုပ်ပါ။ နေ့တစ်နေ့၏ အပူဆုံးအချိန်တွင် လှုပ်ရှားမှုများကိုရှောင်ပါ။ ထို့နောက် ခန္တာကိုယ်၏ စိုထိုင်းမှုကိ်ုစောင့်ကြည့်ပါ။ သင်၏ခန္တာကိုယ်မှာ ချွေးများအငွေ့မပြန်နိုင်ချိန်တွင် ခန္တာကိုယ်အေးသွားရန် အခက်ကြုံတတတ်ပါသည်။
- ပရိုတိန်းပါဝင်မှုများသော အစားအသောက်များကိုလျှော့စားပါ။ အသားနှင့်နို့ထွက်ပစ္စည်းများမှာ ခန္တာကိုယ်အပူချိန်နှင့် အရည်ဆုံးရှုံးမှုတို့ကို ပိုများလာစေသည်။ ရေဓာတ်ပါဝင်သော ဟင်းသီးဟင်းရွက်သုပ်နှင့် သစ်သီးများ ပိုမိုစားပေးပါ။
- သက်ကြီးရွယ်အိုများကို စောင့်ကြည့်စစ်ဆေးပါ။ သက်ကြီးရွယ်အိုများစွာမှာ ခန္တာကိုယ်ရေဓာတ်ကို ခန်းခြောက်စေနိုင်သော ဆေးများသောက်သုံးကြသဖြင့် ၄င်းတို့ကို ရေသောက်ရန်တိုက်တွန်းပြီး လေအေးပေးစက်ဖွင့်ထားပါ။
သတိပြုရန်
သတိပြုရန်
အားကစားနှင့် ဆက်စပ်သည့် အပူချိန်ကြောင့် နာမကျန်းမှုများမှာ ၁၀ကီလိုမီတာ (သို့) ယင်းထက်ဝေးဝေးအပြေးလေ့ကျင့်မှုကြောင့် အများဆုံးဖြစ်နိုင်သည်
Readers’ Digest
Readers’ Digest
No comments:
Post a Comment