မုန့်လက်ဆောင်းဖတ် အလွယ်လုပ်နည်း

( မွှေချိန် မိနစ် ၂၀ ခန့်သာ ကြာပါတယ်)
ဒီနည်းလေးက အလွန်လွယ်ပြီးအချိန်လုံးဝ မကုန်တဲ့နည်းလေးပါ။ ထုံးကျက်တတ်ရေမလိုပဲရိုးရိုးရေဖြင့်လုပ်နိုင်ပါတယ်။ မူရင်းက ဆန်ကိုကြိတ်ပြီးကျိုရပေမဲ့ အခုလို အချိန်မရပဲ အလုပ်များကာ ကိုယ်တိုင်လုပ်မှ စားရသော နေရာဒေသအသီးသီးကို ရောက်ရှိနေသောအိမ်ရှင်မများအဖို့ ဒီနည်းလေးက အကောင်းဆုံးနည်းပါရှင်

ပါဝင်ပစ္စည်းများ
၁။မတ်ပဲအမှုန့် ( mung bean flour- ၇၅ ဂရမ်)
၂။ဆန်မှုန့် ( rice flour -၆၀ဂရမ်)
၃။သာကူအမှုန့်( tapioca flour -၃၀ ဂရမ်)
၎။ရေ ( ၁လီတာ )
၅။ဆွမ်းမွှေး ကြိတ်မှန်ရည် pandan paste (အရောင်အနုအရင့်ကြိုက်သလောက်သုံးပါရှင်)

မတ်ပဲအမှုန့်၊ ဆန်မှုန့် ၊ သာကူအမှုန့် တို့ကို ရေ ၆၀၀ မီလီ လီတာဖြင့် ဖျော်ပြီး မကပ်သောအိုးထဲကို ထဲ့ကာ မီးအေးအေးဖြင့်တည်ပေးပါ။ တဖက်တည်းကို မွှေပေးနေပါ။
အနဲငယ်ပျစ်လာရင် လက်ကျန်ရေကို နဲနဲစီထဲ့လိုက် မွှေလိုက်ဖြင့်နောက်ဆုံးမှာ လုံးဝပျစ်ခဲကာ အရောင်ပြောင်လာပါမယ်။ ဆွမ်းမွှေးရည် အရောင်နု၊ ရင့် ကြိုက်သလိုထဲ့ မွှေပြီး တော်တော်ပျစ်လာပြီ အရောင်လဲပြောင်လာပြီဆိုမှ အောက်ကရေခဲထဲ့ထားသော ရေခဲရည်ထဲသို့ ဇကာပေါက်ပါသောခွက်ထဲကို မုန့်ရည်ကိုထဲ့ပြီး ဖြေးဖြေးချင်း ဖိချပါ။
potatoes masher , pasta press လို့ ခေါ်တယ်။ ဘေးက အပေါက်တွေပါတဲ့ ဟာတွေက အဖတ်သိပ်မလှဘူး။ အောက်ဖက်ပဲ အပေါက်လေးတွေပါမှ မုန့်သားလှပါမယ်။
ရေခဲရေကိုခဏခဏလဲပေးရပါမယ်နော် ဘာလို့ဆိုတော့အပေါ်ကကျလာတဲ့အပူမုန့်ရည်က အောက်က ရေခဲရည်ကြောင့်အခဲသဏ္ဍာန်ပြောင်းသွားတာပါနော်။ ရေအေးမှ မုန့်အပူက အခဲသဏ္ဍာန်ဖြစ်ပါမယ်။
အဆင်ပြေပြေ လုပ်စားနိုင်ပါစေရှင်။

Shared from Ei Thet (FB)