ပုဇွန်ချဉ် လုပ်နည်း

မမီး ပုဇွန်ချဉ်လုပ်ဘို့ ပုဇွန်ကောင်အလတ်စားလေးရှာဝယ်တော့
ပုဇွန် မဲမဲလေးတွေဘဲတွေ့တယ်..
ဆားနဲ့ နယ်ပီး သိပ်ထားလိုက်ရင် နီသွားမှာဘဲလို့ ထင်ထားပေမဲ့.
ထင်သလို မဖြစ်ပါ…
ဆားနယ်နှပ်ထားပီးကာမှ အခွံတွေက မဲမဲကြီး ဖြစ်နေလို့ အခွံ ပြန်ချွတ်လိုက်ရတယ်.
ပုဇွန်ရဲ့ အလေးချိန် အပြောင်း အလည်းကို မမှတ်ထားလိုက်မိတာကြောင့်
Recipe အတိကျ မပေးနိုင်ပါ..
နောက် တကြိမ်လုပ်တဲ့ အခါမှ recipe အတိအကျပေးပါမယ်..
တောင်းဆိုထားတဲ့ သူတွေ များနေတာကြောင့်..
လုပ်ပုံလုပ်နည်း လေးတော့ ရေးပေးလိုက်ပါတယ်။
1. ပုဇွန်ကို ခေါင်းဖြုတ်ပါတယ်။( အဖြူရောင် ပုဇွန်က အခွံချွတ်ရန်မလို)
2. ရေနဲ့ ၂ ပြန်လောက်ဆေးပီး ရေစစ်ပါတယ်။
3. ဆားကြမ်းနဲ့ (Kosher salt) နာနာ ၂ မိနစ်လောက် နယ်ပါတယ်၊( အမြှီး စူးတတ်သည်၊ သတိထားပါ)
4. နယ်ထားတဲ့ ပုဇွန်ကို ပလပ်စတစ်အိပ်ထဲထည့် အပေါက်ဖောက်ပီး လေးတဲ့ အရာနဲ့ဖိထားလိုက်တယ်၊ ၁ ရက်လောက်ကြာရင် ရေတွေ စစ်ထွက်သွားတော့ ပုဇွန်က မာမာလေးဖြစ်လာမယ်။ ဒီ အဆင့်မှာ ပုဇွန်က နီနီလေးနဲ့ မာမာ လေးဖြစ်ကို ဖြစ်ရပါမယ်..မဖြစ်လျှင် ဆားနည်းလို့ ပုဇွန်ပုပ်သွားပီ………။
5. ပုဇွန် မာမာလေးကို ထမင်းကြမ်းနဲ့ နယ် ပေးတယ်၊ ပလပ်စတစ်အိပ် အသစ်ထဲထည့်ပီး အပေါက်ဖောက်ပေးထားတယ်။
6. လေးတဲ့ အရာနဲ့ဖိထားလိုက်တယ်၊ အချဉ်ပေါက်လာတဲ့ အခါ ထမင်းတွေ ကြေသွားပီး အရည် ထွက်လာတယ်၊ ဖိထားတာကြောင့် ရေတွေ စစ်ထွက်သွားတော့ မာမာလေးဖြစ်လာမယ်၊ စားကြည့် ရင် ချဉ်ငံ လေး ဖြစ်နေရပါမယ် ။
7. နောက်ဆုံး အဆင့်မှာ ခပ်မာမာလေး ချက်ထားတဲ့ ထမင်းနွေးနွေးနဲ့ ရောနယ်ပေး၊ လေ မခို အောင် ကျစ်ကျစ်လုံး၊ ပလပ်စတစ်စ သန့်သန့်ထဲမှာ (wrapper) ထည့်ပြီး ပလပ်စတစ် အလွှာ ၃-၄ ထပ်လောက်လိပ်ပေး။ ဆူရှီ လိတ်သလိုလိပ် ကျစ်ကျစ်လိပ်ပီး ထိတ် ၂ဘက်ကို လေခိုစရာမရှိအောင် လိမ်ပြီး ကြိုးသန့်သန့် တခုခုနဲ့ စီးထားပေးလိုက်တယ်။ လေ မခိုဘို့ အလွန် အရေးကြီးပါတယ်..။
8. နွေးတဲ့နေရာမှာ ထားပေးတယ်။
9. အခန်း အပူချိန် ၇၅ ကနေ ၈၅ံ F ရှိရင် ၂ ရက်လောက်ဆို ထမင်းဆီကို အချဉ်ကူးပီ..
10. ချက်ခြင်း မစားသေးရင် အချဉ်စူးမသွားအောင်ေ၇ခဲသေတ္တာထဲ ထည့် သိမ်းပါ။

Shared from Myanmar Kitchen in Hawaii (FB)