“ပွတ်လိုက်ရင် ပြောင်
ဆောင်ပြန်တော့လေး
ရေစိမ်ကာ သောက်ပြန်တော့
သေးပေါက်တယ်လေး”
ကျွနုပ်တို့ငယ်စဉ်ကပင် ဖခင် မကြာခဏ ရွတ်ပြလေ့ရှိသော ဓာတ်လုံးစွမ်းရည်ပြ ဂါထာလေးပင် ဖြစ်၏။
ဓာတ်လုံးမှန်သမျှတွင် အထက်ပါ အစွမ်းသုံးခုကား သေချာပေါက်ရှိ၏။
အသက်ရှည်ခြင်း အာယုသိဒ္ဓိ၊ ဥစ္စာပေါများခြင်း ဓနသိဒ္ဓိ၊
လာဘ်လာဘကောင်းခြင်း လာဘသိဒ္ဓိ စသည်တို့ကား ဓာတ်လုံးတွင်မရှိ၊
ဓာတ်လုံးကို ဆောင်ထားသူ၏ ပါးစပ်တွင်သာ ရှိတတ်၏။
ရှင်အဇ္ဇဂေါဏ ဓာတ်လုံးအောင်၍ ရွှေဖြစ်သည်ဆိုသော အကြောင်းအရာမှာလည်း ကျမ်းအခိုင်အမာ ရှိသည်မဟုတ်။
ဖိုသမားတို့၏ နှုတ်ထွက် ဇာတ်လမ်းတစ်ခုသာ ဖြစ်၏။
အမှန်နှင့် ရောနေသော အမှားကို လူတို့သည် အဆင်အခြင်မရှိ အကန်းယုံ၊ အရမ်းယုံ ယုံတတ်ကြ၏။
ဥပမာအားဖြင့် မြန်မာရာဇဝင်တွင် ဘိုးတော်မင်းတရား (ဦးဝိုင်း)သည် တကယ်ရှိခဲ့၏။ ထေရဝါဒဗုဒ္ဓဘာသာကို မှေးမှိန်အားနည်းစေနိုင်သော
တန္တရ၊ မန္တရ အရည်းကြီးလက်ကျန် ပညာများဖြစ်သည့် ဗေဒင်၊ ဓာတ်ရိုက်၊ အင်း၊ အိုင်၊ ဘိုးတော်၊ ဝိဇ္ဇာအလုပ်များကို နိုင်ငံတော် တစ်ဝန်း ပိတ်ပင်တားမြစ်ခဲ့ဖူး၏။ ဘုရင်အဆက်ဆက် မြို့ရိုးတံတိုင်းအောက်တွင် မြှုပ်ထားကြသော အင်းမျိုးစုံကို ထုတ်ယူကာ ပြည်သူအများရှေ့မှာပင်
ဧရာဝတီမြစ်အတွင်းသို့ ပစ်ချစေ၏။
ထိုအဖြစ်ကို ဝိဇ္ဇာ၊ ဘိုးတော်ဂိုဏ်းဝင်တို့ ဆက်ဆက်ခါနာခဲ့ကြ၏။
ဆီစိုနေသော သူတို့၏ ပါးစပ်များ ခြောက်သွေ့သွားခဲ့ရသောကြောင့်တည်း။
ထို့ကြောင့်လည်း နှောင်းလူတို့ ဘိုးတော်မင်းတရားကို လူဆိုးကြီးအဖြစ် မြင်ပြီး သူတို့ဘိုးတော်များကို လူစွမ်းကောင်းအဖြစ် ထင်ပေါ်စေရန် လုပ်ဇာတ်တစ်ခု ထွင်လိုက်ကြ၏။
ထိုလုပ်ဇာတ်ကား ဘိုးတော်မင်းတရားက ဘိုးဘိုးအောင်ကို ဖမ်းခိုင်းပြီး အသေသတ်ပုံ၊ ဘိုးဘိုးအောင်က သူ့အစွမ်းဖြင့် လွတ်မြောက်အောင် လုပ်ပြပြီး ဝ,လုံးကို ဖျက်ခိုင်းပုံ၊ တစ်လုံး ဖျက်လိုက်လျှင် နှစ်လုံးပေါ်လာပုံပင်တည်း။ ဘိုးတော်မင်းတရား အမှန်တကယ် ရှိခဲ့သော်လည်း ဘိုးဘိုးအောင်ကို အပြစ်မရှိ အပြစ်ရှာသတ်သော ဖြစ်ရပ်ကား တကယ်မရှိခဲ့ပေ။
ထို့ကြောင့် အမှန်နှင့်ရောနေသော ထိုအမှားကို ကိုးဆယ့်ကိုးယောက်လောက်က ယနေ့အထိ ယုံကြည်နေကြခြင်းဖြစ်၏။
ဘိုးတော်မင်းတရားလက်ထက်က မင်းနှင့်ပြည်သူအားလုံး ငါးပါးသီလ လုံခြုံကာ ကိုယ်ကျင့်တရား ကောင်းခဲ့ကြ၏။ ဥပုသ်နေ့ဆိုလျှင် အမရပူရတစ်နယ်လုံး သားငါးပင် ရောင်းချခွင့် မပြု။
ထို့ကြောင့်လည်း တစ်နယ်လုံးရှိ လူများအသက်ရှည်ကြ၏။ ကျန်းမာကြ၏။ ငယ်ငယ်ရွယ်ရွယ် ရောဂါနှင့်သေသူ မရှိသလောက် ရှားပါး၏။ ကိုးဆယ်ကျော် တစ်ရာနီးပါး ရောက်မှ သေကြ၏။
အသုဘချပွဲ ဆိုသည်မှာ တွေ့နိုင်ခဲ့သော အရာဖြစ်၍ 'လူမသေသောမြို့' ဟုပင် ထင်စရာ ရှိနေ၏။ ထို့ကြောင့် အမရပူရမြို့ (သေခြင်းမရှိသောမြို့) ဟု မည့်ခေါ်ခဲ့ကြခြင်း ဖြစ်၏။
ဘိုးတော်မင်းတရားသည် သင်္ဂြိုဟ်ကိုးပိုင်းကို ကောင်းမွန်စွာ တတ်ကျွမ်းနားလည်၏။ ထို့ကြောင့် ထေရဝါဒ၏ အခြေခံအချက် ဖြစ်သော ကုသိုလ်နှင့် အကုသိုလ် အကြောင်းကို ကိုယ်ပိုင်အသိဖြင့် လက်ခံယုံကြည်သူ ဖြစ်၏။ ထိုကဲ့သို့သော ဘုရင်တစ်ပါးက လူရေးလူရာ မဝင်သော ဘိုးတော်တစ်ယောက်ကို မရမက လိုက်လံ ဖမ်းဆီး သတ်ဖြတ်ဖို့ ကြိုးစားသည် ဆိုသော အချက်ကို ဟုတ်နိုင် မဟုတ်နိုင် စာရှုသူများ ကိုယ်ပိုင်ဉာဏ်ဖြင့် ဆုံးဖြတ်နိုင်၏။
ယခုလည်း ပုဂံပြည်သည် အနော်ရထာမင်း၏ ထေရဝါဒ နည်းကျ အုပ်ချုပ်ခဲ့မှုကြောင့် စီးပွားဥစ္စာ ဆန်၊ ရေ၊ စပါး ပေါ များခဲ့၏။ ထို့ကြောင့် ဘုရားစေတီပေါင်းများစွာ တည်ခဲ့ကြ၏။
ဤကား အမှန်တကယ်ရှိခဲ့သော ဖြစ်ရပ်ပင်။ ဤအမှတ်ထဲသို့ ရှင်အဇ္ဇဂေါဏ ဓာတလုံးအောင်၍ ရွှေဖြစ်သောကြောင့် ပုဂံမြို့သားတွေ ချမ်းသာပြီး ဘုရားတည်နိုင်တာ ဟူသော အမှားကို ထည့်မွှေပြီး ဖိုသမားတို့ကို မြှူဆွယ်ခဲ့၏။
ထို့ကြောင့်လည်း သေသေချာချာ တွေးတောဆင်ခြင်မှု မရှိသူများ
ယခုတိုင်အောင် ယုံကြည်နေကြခြင်း ဖြစ်၏။
မေတ္တာရှင် (ရွှေပြည်သာ)
ထေရဝါဒမှတ်ကျောက် (နှာ-၁၂၂)မှ
ကောက်နုတ်ပါသည်။
No comments:
Post a Comment