ဗုံလုံသီးများကို အပေါ်ယံ အနည်းငယ်ခြစ်ပြီး၊ ကြိုက်နှစ်သက်သလို အပိုင်းလေးများ ပိုင်း၍ အတွင်းမှ အစေ့များကို ဇွန်းဖင်ဖြင့် ကလော်ထုတ်ကာ ဗုံလုံသီးများကို ရေစင်အောင် ဆေးထားပါ။ အစာသွပ်မည့် ဝက်သားများကို နုတ်နုတ်ဆင်းထားပါ။ ဂျင်း၊ ကြက်သွန်နီနှင့် ကြက်သွန်ဖြူတို့ကို ညက်အောင်ထောင်း၍ နနွင်းမှုန့် အနည်းငယ်တို့ဖြင့် ဆီသတ်ပါ။ ကြက်သွန်ကြော်နံ့ မွှေးပြီး ရွှေရောင်သန်းလာပါက ငရုတ်သီး အရောင်တင်မှုန့် အနည်းငယ်ထည့်ပြီး၊ နုတ်နုတ်ဆင်းထားသော ဝက်သားများကို ထည့်ကာ မပြတ်မွှေပေးပါ။ ဆီပြန်ပြီး ခြောက်ခြောက်လေး ဖြစ်လာလျှင် မီးဖိုပေါ်မှချ၍ ဗုံလုံသီးများ အတွင်းသို့ ဆီသတ်ထားသော ဝက်သားများကို အစာသွပ်ပေးပါ။ ပြီးလျှင် အိုးတစ်လုံးထဲတွင် ဆီအနည်းငယ် ထည့်ကာ နနွင်းမှုန့်၊ ငရုတ်အရောင်တင်မှုန့်၊ ကြက်သွန်နီနှင့် ကြက်သွန်ဖြူ အနည်းငယ်တို့ဖြင့် ဆီသတ်၍ ဆား၊အသားမှုန့်နှင့် အစာသွပ်ထားသော ဗုံလုံသီးများကို ထည့်ပါ။ရေမမြုတ်တမြုတ်ထည့်ကာ အသာမွှေ၍ အိုးဖုံး ပြီး တည်ထားပါ။ ဗုံလုံသီးများ နူးလာပြီး ဆီပြန်လာပါက အပေါ့အငံ မြည်း၍ ချိုမွှေးပြီး အရသာရှိသော ဗုံလုံသီး ဝက်သား အစာသွပ် ဟင်းလေး သုံးဆောင်လို့ ရပါပြီရှင်။
Shared from ဒေါ်ပု လက်ရာ (FB)
No comments:
Post a Comment