အပျိုစင်

ကျွန်မနဲ့သူက ချစ်သူတွေပေါ့......
လက်ဖက်ရည်ကြိုက်တတ်တဲ့ကျွန်မက လက်ဖက်ရည်ဆိုင်မှာ လက်ဖက်ရည်ပူပူလေး
သောက်ရတာကိုနှစ်သက်ပါတယ်။ အဲဒီအခါသူပြောလေ့ရှိတာကတော့ " မင်းကွာ...
အပျိုလေးတန်မဲ့ ဆိုင်ထိုင်ရသလားတဲ့ " ။

         ကျွန်မအော်ရယ်ပစ်လိုက်မိတယ်၊ လူတွေရှေ့မှာ ထိုင်သောက်ဖို့ သင့်တော်တဲ့
ဆိုင်မှာ ရိုးသားတဲ့အရည်ကို ရိုးသားစွာသောက်နေတာပါရှင်။ ဒါပေမယ့် မဖြေရှင်းတော့
ပါဘူး၊ ကိုယ်မှန်တယ်ထင်ရင်မဖြေရှင်းဘဲ ရွေးတဲ့လမ်းကိုဖြောင့်အောင်လျှေ

ာက်တတ်တာ
ကျွန်မအကျင့်ကိုး။
         " ဟော....ထပ်ပြောပြန်ပြီ၊ မင်းကွာ... အပျိုးလေးဖြစ်ပြီးရယ်တာကြီးကိုကတဲ့ "
ထုံးစံအတိုင်း ကျွန်မမဖြေရှင်းခဲ့ပါဘူး။
          စာရင်းကိုင်တစ်ယောက်ဖြစ်တဲ့ကျွန်မက တစ်ခါတစ်ရံ အိမ်ပြန်နောက်ကျတတ်ပါတယ်။
အဲဒီအခါ ကျွန်မကို မင်းကွာ... " အပျိုဆိုတာ အိမ်ပြန်တာ သိပ်မိုးမချုပ်သင့်ဘူးတဲ့" ဒီလိုနဲ့ပဲ
ချစ်သူဘ၀ကိုဖြတ်သန်းခဲ့ပြီးတော့ သူလည်းနိုင်ငံခြားကို အလုပ်လုပ်ဖို့ ထွက်သွားခဲ့တယ်။
           သူနိုင်ငံခြားသွားလို့ သိပ်မကြာခင်မှာပဲ ကျွန်မတပည့်တယောက်ရခဲ့ပါတယ်။
နာမည်က ချောချောတဲ့၊ ကောင်မလေးရဲ့မျက်နှာမှာ အထင်ရှားဆုံးကတော့ ပါးနှစ်ဖက်လုံးမှာပါတဲ့
ပါးချိုင့်လေးပါပဲ။

           LCCI(3) ကိုချောချောအိမ်မှာ Guid လုပ်ပေးဖို့ပေါ့ စာအိမ်ပွဲဖြေဖို့နီးကပ်လာတဲ့တစ်နေ့မှာ
မအောင်မှာစိုးတဲ့ ကျွန်မစာပြဖို့စောစောအရောက် ချောချောတစ်ယောက်ဆေးရုံတင်ထားရတယ်လို့
ပြောတာနဲ့ဆေးရုံကိုလိုက်သွားမိတယ်၊ကိုယ်ဝန်(၂)လရှိတာသိလို့စိတ်ညစ်ပြီးပိုးသတ်ဆေးသောက်
တာတဲ့ မသေကောင်းမပျောက်ကောင်းရှင်။
          ကျွန်မလည်းအားပေးစကားပြောပြီးအိမ်ပြန်လာခဲ့တယ်၊ ကျွန်မစိတ်ထဲမရှင်းဘူးရှင်၊ ကျွန်မ
သိသလောက်တော့ ချောချောဟာအိမ်သားတွေမပါဘဲ အပြင်မထွက်တတ်ဘူးရှင့်၊ အဲဒီနေ့ကစပြီး
စကားပြောရင်ဖြေးညှင်းစွာ၊ ရယ်ရင်လည်းတိုးတိုးလေးရယ်တတ်တဲ့ ပါးချိုင့်လေးနှစ်ဖက်နဲ့ချောချောကို
နောက်ထပ်မတွေ့ရတော့ပါဘူး။

         အချိန်တွေကြာလာခဲ့ပါပြီ၊ တစ်နေ့မှာတော့ဖိတ်စာတစ်စောင်နဲ့ စာအိတ်တစ်အိတ်ကျွန်မရခဲ့တယ်။
ဖိတ်စာက ချစ်သူရဲ့မင်္ဂလာဆောင်ဖိတ်စာပါ၊ ဆက်ဆက်လာခဲ့ပါတဲ့။
        သွေးကြောင်ရင် ဘေးချောင်မှာရပ်နေမှာပေါ့။ကျွန်မဆက်ဆက်သွားမှာပါ။စာအိတ်ကလည်းသူရေးထား
တဲ့စာပါပဲ၊ ဆက်ဖက်ဖို့မလိုအပ်တော့ဘူးထင်လို့ ဒီအတိုင်းပဲပစ်ထားလိုက်တယ်။
        မင်္ဂလာဆောင်ရက်မှာ အသည်းမကွဲဘူးဟေ့ လို့ပြချင်တဲ့ကျွန်မ၊ အလှဆုံးပြင်လိုက်တယ်၊ အချစ်ဦးနဲ့
လွဲရပေမယ့် အချစ်ဆုံးနဲ့ဆုံနိုင်ခွင့်ရှိပါသေးတယ်။
        ဟော....လာနေပြီ၊ မင်္ဂလာမောင်နှံ သူရွေးချယ်ခဲ့တဲ့ သတို့သမီးကိုသေသေချာချာကြည့်လိုက်တော့
ပါးချိုင့်.....သတို့သမီးမျက်နှာပေါ်ကထင်ရှားလှတဲ့ပါးချိုင့်......။

ချောချော.....သြော်... သတို့သမီးက ချောချောကိုး....။အိမ်ပြန်ရောက်တာနဲ့ ဖွင့်ဖောက်ဖို့မလိုအပ်တော့ဘူး
ထင်ပြီးလွှင့်ပစ်ထားတဲ့သူ့ရဲ့စာကို ချက်ချင်းဖွင့်ကြည့်မိတယ်။
စာထဲမှာပါတာကတော့ " ငါပြန်လာတာနင့်ကိုအသိမပေးတာက အိမ်ထောင်ပြုတော့မှာမို့ပဲ၊ အိမ်က ရှာပေးတာ၊
ငါလည်းနှစ်သက်တယ်၊ သူ့မှာငါကြိုက်တဲ့အပျိုစင်အချက်တွေရှိတယ်" တဲ့လေ။
ကျွန်မဒီစာကို မှန်ဘောင်သွင်းပြီး ရွှေကွပ်ထားလိုက်တယ်။ ကျွန်မကို တစ်သက်လုံးရယ်နေရအောင်လုပ်ပေးမယ့်
ဟာသစစ်စစ်တစ်ပုဒ်အနေနဲ့ပေါ့။
--

Newsweek ဂျာနယ်မှ ကူးယူဖော်ပြခြင်းဖြစ်ပါသည်။ 

[Reference: www.forverfriends.ning.com]