သောတာပန်ဟာ တဏှာရူး လောဘရူးလား

ဘုရားရှင်ရဲ့ အဆုံးအမတရားတော်များကို ရဟန်းရှင်လူများ အသက်ပေးပြီး သယ်ဆောင်ခဲ့တာ ယနေ့ထိတိုင်အောင်ပါပဲ့။ ဒီလို သာသနာတော်ကြီးကိုလက်ဆက်ကမ်းသယ်ဆောင်လာခဲ့တဲ့နေရာမှာအခက်အခဲမျိုးစုံနှင့်ကြုံခဲ့တာလည်းရှိတယ်။ဆန့်ကျင်ဖက်ဝါဒမျိုးစုံကို ကြံ့ကြံ့ခံကာ ကျော် လွှားခဲ့ရတာလည်းရှိပါတယ်။ဒီဆန့်ကျင်ကွဲပြားတဲ့ဝါဒများဟာဘုရားရှင်သက်တော်ထင်ရှားလက်ထက်ကလည်း ရှိခဲ့သလို၊ ဘုရားရှင် ပရိနိဗ္ဗာန်ပြုပြီး နောက်ပိုင်းမှာ လည်း အနည်းနှင့်အများ ရှိခဲ့ပါတယ်။ သဘောထားကွဲလွဲကာစဉ်ပြိုင်ဝါဒတွေလည်း ပေါ်ပေါက်ခဲ့ တယ်။ ဒါ့အပြင် လာဘ်လာဘကိုငှဲ့ပြီး သာသနာအတွင်းသို့ ၀င်ကြတဲ့အတွက် ရဟန်းအတုအယောင်တွေနဲ့ အုတ်ရောရော ကျောက်ရောရော ဖြစ်လာခဲ့တယ်၊ အဲလိုအခြေအနေမှာ တာဝန်ရှိ မင်းနှင့်ရဟန်းရှင်လူများက သာသနာသန့်ရှင်းရေး စီမံကိန်းဖြင့် ရဟန်းအတုအယောင်များကို လူထွက်စေကာ သာသနာကို သန့်ရှင်းအောင်ပြုခဲ့ရတဲ့အခါ လည်း ရှိပါတယ်။

ရဟန်းရှင်လူအများအသက်ပေးပြီးလက်ဆက်ကမ်းသာသနာပြုခဲ့ပုံများကိုလည်းဓမ္မာစရိယဦးဌေးလှိုင်ရဲ့သီဟိုဠ်ခေတ်စံတော်ဝင်အရိယာများစာအုပ်မှာကြည်ညိုဖွယ်ရာဖတ်ခဲ့ရပါတယ်။ဒီလိုနဲ့သာသနာတော်ကြီးရှင်သန်တည်တံ့နေတာဟာယခုဆိုလျှင်နှစ်ပေါင်း၂၅၀၀ကျော်
ခဲ့ပြီဖြစ်ပါတယ်။ယနေ့ခေတ်မှာလည်းအတ္တနောမတိဖြင့်ကိုယ်လိုရာဆွဲတွေးပြီးဗုဒ္ဓ၀ါဒပဲလို့ဘန်းပြကာအဆန်းထွင်နေကြသူများလည်း ရှိလာကြပြန်ပါပြီ။
တစ်နေ့ဘာသာရေးမဂ္ဂဇင်းကြီးတစ်စောင်ရဲ့အယ်ဒီတာချူပ်တစ်ဦးထံမှဖုန်းလာပါတယ်။အကြောင်းကမကြာမီထုတ်ဝေမဲ့စာရေးသူရဲ့စာအုပ်ကိစ္စကိုဆွေးနွေးဖို့ပါ။ဒါပေမဲ့တကယ်ဆွေးနွေးဖြစ်သွားတာကယနေ့ခေတ်နာမည်ကြီးနေတဲ့လူပုဂ္ဂိုလ်သာသနာပြုအဖွဲ့တဖွဲ့အ
ကြောင်း ပါ။ အယ်ဒီတာချူပ်ကြီးရဲ့ ပြောပြချက်က “ အရှင်ဘုရား….လွန်ခဲ့တဲ့ ၂၀၀၇ ခုနှစ်လောက်တုန်းက လူပုဂ္ဂိုလ်ဦးဆောင်တဲ့ သာသနာပြုအဖွဲ့တဖွဲ့က လူအများအား ဖိတ်ပါတယ်၊ ဒီအထဲမှာ တပည့်တော်တို့ စာနယ်ဇင်းအဖွဲ့တွေ၊ အယ်ဒီတာတွေလည်း စုံစုံလင်လင်ပါပါတယ်။ သူတို့ဖိတ်ရခြင်းအကြောင်းက သူတို့်တရား နဲ့ပတ်သက်ပြီး မသိတာတွေမေးမြန်းနိုင်ဖို့အတွက်ရှင်းလင်းပွဲတစ်ခု လုပ်ခဲ့ကြပါတယ်ဘုရား… အဲဒီမှာ တပည့်တော်က ‘ခင်ဗျားတို့က အပါယ်ပိတ်နေပီဆိုတော့ သောတာပန်ဖြစ်နေပီလား’ လို့မေးတော့ ……..အဖွဲ့ခေါင်းဆောင်ရဲ့လက်ထောက်တစ်ယောက်ကမထင်မှတ်တဲ့စကားကိုပြောလာပါတယ်၊‘သောတာပန်ဆိုတာဘာမှမဟုတ်သေးဘူး။လူထက်အနည်းငယ်ပဲသာတာ။တကယ်တော့သောပန်တွေဟာတဏှာရူးလောဘရူးတွေအဆင့်ပဲရှိသေးတာပါ၊သောတာပန်မဖြစ်လဲ အပါယ်မကျနိုင်အောင် ကျင့်သုံးနိုင်ရင်ပီးတာပဲ မဟုတ်လား’၊ လို့အရိယာကို စော်ကားတဲ့စကားနဲ့ ပြန်ဖြေလိုက်ပါတယ်။ ကြားရတာ ကိုယ့်နားကိုယ်မယုံနိုင်အောင်ပါပဲ၊တပည့်တော်ကြက်သီးထမိတာအမှန်ပါဘုရား၊ဒီစကားကိုဘ၀င်မကျတဲ့အတွက်ပြန်မေးလိုက်ချင်ပါတယ်၊ဒါပေမဲ့ သူတို့ပွဲဆိုတော့ တပည့်တော် မမေးတော့ပဲ ပြန်ခဲ့ပါတယ်ဘုရား” လို့ အယ်ဒီတာချူပ်တစ်ဦးက သူ တွေ့ကြုံခဲ့ရပုံများကို ပြောပြပါတယ်။
ယခုအခါ အင်တာနက်များပေါ်ပေါက်လာတဲ့အတွက် အင်တာနက်စာမျက်နှာပေါ်မှာ ကိုယ်လိုရာ ဆွဲပြီး ဗုဒ္ဓ၀ါဒဖြစ်လေဟန် ဟောပြော ရေးသားနေကြတာဟာ သာသနာအတွက် အလွန်ဝန်လေးစရာကောင်းလှပါတယ်။စာဖတ်သူများကလည်းအင်တာနက်စာမျက်နှာပေါ်ရှိ စာများကို ဖတ်ပြီး အရမ်းမယုံကြည်သင့်ပါ။ ကိုယ်ပိုင်အသိဥာဏ်ဖြင့် စဉ်းစားတွေးခေါ်စေလိုပါတယ်။ ကိုယ်ဥာဏ်မမှီဘူးပါ့ဆိုရင်လည်း ထေရ၀ါဒ အခြေခိုင်တဲ့ ပညာတတ်ဆရာဘုရားကြီးများကို မေးမြန်းလျှောက်ထားသင့်တယ်လို့ အကြံပေးပါရစေ။
မကြာသေးမီက အင်တာနက်စာမျက်နှာပေါ်မှာ “ သောတာပန်ဟာ ငါးပါးသီလလုံပါရဲ့လား” ဆိုပြီး ရူးကြောင်မူးကြောင် အမေးမျိုးကို လာရောက်မေးမြန်းထားတာ တွေ့ရပါတယ်။ ဒါဟာ သောတာပန်အတု ဖြစ်ကြောင်း တစ်ယောက်က ပြန်လည် ဖြေထားတာကို တွေ့လိုက်ရတယ်။ စာရေးသူကလည်း ထပ်ဆင့်ဖြေလိုက်ပါရစေ…. သောတာပန် ငါးပါးသီလ လုံ/မလုံဆိုတာကို သိချင်ရင် နည်းစနစ်မှန်စွာနဲ့အားထုတ်ပါ။………………ကိုယ်ကိုယ်တိုင်ကအပျင်းကြီးပြီးကြိုးစားတရားအားမထုတ်ဘဲနဲ့သောတာပန်အရိယာ
များကို အတင်းအဖျင်းပြောကာ အပါယ်လက်မှတ်ကို မ၀ယ်နေကြပါနဲ့ လို့ ပြောချင်ပါတယ်။
ဒီနေရာမှာ သောတာပန်တို့ရဲ့ စိတ်နေစိတ်ထားကို ဖေါ်ပြပါဦးမယ်။
သက္ကပဥှသုတ်မှာ သိကြားမင်းက ဘုရားရှင်အား “ အရှင်ဘုရား…. လူ နတ် ဗြဟ္မာ သတ္တ၀ါတွေဟာ ဘေးရန်ကင်းပ ချမ်းသာစွာ နေလိုပါသော်လည်း မနေရတာဟာ ဘာကြောင့်ပါလဲဘုရား” လို့ လျှောက်တယ်။ ထိုအခါ ဘုရားရှင်က “ လူ နတ် ဗြဟ္မာ သတ္တ၀ါတွေ ဘေးရန်ကင်းပ ချမ်းသာစွာ နေလိုပါသော်လည်း မနေရတာက ဣဿ မစ္ဆရိယ တရားကြောင့်ပါပဲ” လို့ မိန့်တော်မူတဲ့အတွက် ဣဿာ မစ္ဆရိယဟာ သတ္တ၀ါတွေကို အလွန်ဆင်းရဲစေတတ်တဲ့ တရားဆိုးဖြစ်တယ်။ ထိုတရားဆိုးတွေဟာ သောတာပန် မှာ မရှိတော့ဘူးလား၊ ပယ်ပြီးပြီလား ဆိုတာနဲ့ ပတ်သက်ပြီး ပြောရအောင်ပါ။
မဂ်လေးပါးဖြင့် ကိလေသာအဆင့်ဆင့်ကို ပယ်ပုံကို မူလပဏ္ဏာသအဋ္ဌကထာ၊ ပ ၊ ၁၇၀ -၀တ္တသုတ်အဖွင့်မှာ ဖွင့်ပြထားပါတယ်။
(၁)အဘိဇ္ဈာ ၀ိသမလောဘ, ထမ္ဘ,သာရ မ္ဘ, မာန, အတိမာန, မဒ ကိလေသာ ခြောက်ပါးကို အရတ္တမဂ်က ပယ်ခွာတယ်။
(၂)ဗျာပါဒ, ကောဓ, ဥပနာဟ, ပမာဒ ကိလေသာလေးပါးကိုတော့ အနာဂါမိမဂ်က ပယ်ခွာတယ်။
(၃)မက္ခ, ပလာသ, ဣဿာ, မစ္ဆရိယ, မာယာ, သာဌေယျ ကိလေသာ ခြောက်ပါးတို့ကို သောတာပတ္တိမဂ်က ပယ်ခွာတယ်။
(သုတ်မဟာဝါ အဋ္ဌကထာ နှင့် သမ္မော - ဋ္ဌ တို့မှာလည်း အတူတူပဲ ဖွင့်ဆိုထားပါတယ်) ဒီပယ်စဉ်အရ အလွန်ဆိုးဝါးတဲ့ ဣဿာ မစ္ဆရိယတရား များကို သောတာပတ္တိမဂ်က အညွန့်အညောက်မထွက်အောင် ပယ်ခွာကြောင်း သိသင့်ပါတယ်။
ဒိဋ္ဌိနှင့် ၀ိစိကိစ္ဆာတရားကို အကြွင်းမဲ့ပယ်ပြီးဖြစ်လို့ ရတနာသုံးပါးအပေါ်မှာ သက်ဝင်ယုံကြည်တဲ့ စိတ်ရှိတယ်။ ဘယ် သိကြားဗြဟ္မာများက လာရောက်ဖျက်ဆီးသော်လည်း ဘယ်သောအခါမှ ရတနာသုံးပါးအပေါ်မှာ ယုံကြည်မှု မပျက်တော့ပါ။ အရိယာတို့နှစ်သက် မြတ်နိုးတဲ့ ငါးပါးသီလအကျင့်နဲ့လည်း လုံခြုံတယ်။( မဟာဝဂ္ဂသံယုတ်၊ ဝေဠုဒွါရသုတ်)
သောတာပန်ဟာဘ၀တစ်ပါးရောက်ပြီးမိမိကိုယ်ကိုယ်ကိုသောတာပန်မှန်းမသိဖြစ်နေစေဦးတော့ငါးပါးသီလတော့မဖေါက်ဖျက်တော့
ဘူး။ “သတ္တ၀ါအသက်ကို မသတ်ရင် သင့်ရဲ့ခေါင်းကို ဖြတ်သတ်ရလိမ့်မယ်” ဆိုတာတောင်မှ ကိုယ့်အသက်ပဲ အသေခံမယ် သီလအကျင့်ကိုတော့ လုံးဝမဖျက်တော့ပါ။ ထို့အတူ သူတစ်ပါးဥစ္စာ မခိုးတော့ဘူး၊သူတစ်ပါး သားမယား မပျက်မှားတော့ဘူး၊ လိမ်ပြောခြင်းလည်း မရှိတော့ဘူး၊ သေရည်အရက်လည်း မသောက်တော့ဘူး။ (ဗဟုဓာတုကသုတ်)
တကယ်လို့ သောတာပန်ဟာ တဏှာရူး လောဘရူးပဲဖြစ်သေးတယ်ဆိုရင် ငါးပါးသီလထဲက ကာမေသုမိစ္ဆာစာရ သိက္ခာပုဒ်ကို လွန်ကျူး ဦးမှာပါ။ သီလအကျင့်လုံပြီး လုံးဝမပျက်တော့တာကို ထောက်ပြီး သောတာပန်များဟာ တဏှာရူး၊လောဘရူး မဟုတ်ကြကြောင်း ပြောရင်း အဆုံး သတ်လိုက်ပါရစေ……………….

စာရေးသူ-ဦးကောဝိဒ(မြိတ်)
http://www.venkawwida.net/2009/09/blog-post_06.html
ကျန်းမာပျော်ရွှင်စိတ်ချမ်းသာပါစေ
ရင်းနှီးစွာနှင့်
ရောင်နီ၀၇