လူပီသသူ

ဗုဒ္ဓဘာသာဝင် မြန်မာလူမျိုးတို့သည်ငါးပါးသီလကိုအထူးအလေးပြုကြပါ၏။

သာရေးနာရေးပွဲတို့၌ဆရာတော်သံဃာတော်တို့ထံဆောက်တည်ကြပါသည်။
ရုပ်ပွားဆင်းတုတော် ရှေ့တွင်လည်း ဆောက်တည်ကြပါ၏။

ဗုဒ္ဓဘာသာဝင် မြန်မာလူမျိုးတို့သည် ပါဠိဘာသာကို အလေးပြုကြ
သဖြင့်ငါးပါးသီလကို ပါဠိဘာသာဖြင့်သာဆောက်တည်လေ့များကြ
ပါ၏။ တချို့လဲ မြန်မာလိုသိမှု အားနည်းနေကြပါ၏။ မြန်မာလိုလည်း
သိဖို့လိုအပ်ပါ၏။

သတ်မှုမှ ရှောင်ကြဉ်ခြင်း။

ခိုးမှုမှ ရှောင်ကြဉ်ခြင်း။

မိစ္ဆာစာရ ကာမမှုမှ ရှောင်ကြဉ်ခြင်း

လိမ်လည်ပြောဆိုခြင်းမှ ရှောင်ကြဉ်ြုခင်း။

မူးယစ်ဆေးဝါး သောက်ရှူခြင်းမှ ရှောင်ကြဉ်ခြင်းသည် ငါးပါးသီလဖြစ်ကြောင်း သိနေကြပါ၏။

ထိုငါးပါးသီလနှင့်စပ်၍ သိသင့်သောအချက်တို့ ရှိကြပါသေး၏။ ထိုအချက်တို့ကိုလည်း အသိနည်းနေကြပါသေး၏။
သိဖို့လိုအပ်သဖြင့် ဖော်ပြလိုက်ပါသည်။

(ပါဏာတိပါတ)
(၁) သတ္တ၀ါဖြစ်ခြင်း။
(၂) သတ္တ၀ါဟုသိခြင်း။
(၃) သတ်လိုစိတ်ရှိခြင်း။
(၄) သတ်ရန်အားထုတ်ခြင်း။
(၅) ထိုအားထုတ်မှုကြောင့် သေခြင်း။
ဤအင်္ဂါ ၅-ပါးနှင့် ပြည့်စုံမှသာ သတ်မှုကံ အထမြောက်၏။ (အပါယ်သို့ ရောက်စေနိုင်၏)

(အဒိန္နာဒါန)
(၁) သူတပါးဥစ္စာ ဖြစ်ခြင်း။
(၂) သူတပါးဥစ္စာဟု သိခြင်း။
(၃) ခိုးလိုစိတ် ရှိခြင်း။
(၄) ခိုးရန် အားထုတ်ခြင်း။
(၅) ခိုးခြင်း။
ဤအင်္ဂါ ၅-ပါး ပြည့်စုံမှ ခိုးမှုကံ အထမြောက်၏။

(ကာမေသုမိစ္ဆာစာရ)
(၁) မသွားလာထိုက်သော ပုဂ္ဂိုလ်ဖြစ်ခြင်း။
(၂) မှီဝဲလိုစိတ်ရှိခြင်း။
(၃) မှီဝဲရန် အားထုတ်ခြင်း။
(၄) မိမိအင်္ဂါဇာတ်ဖြင့် သူတပါးအင်္ဂါဇာတ်ထဲသို့ ထိုးသွင်းခြင်း။
ဤအင်္ဂါ ၄-ပါးနှင့် ပြည့်စုံမှသာ ကာမေသုမိစ္ဆာစာရကံ အထမြောက်၏။

(မုသာဝါဒ)
(၁) မဟုတ်မမှန်သည့် အကြောင်းအရာ ဖြစ်ခြင်း။
(၂) လိမ်ညာလိုစိတ် ရှိခြင်း။
(၃) လိမ်ညာရန် အားထုတ်ခြင်း။
(၄) သူတပါးက ထိုအကြောင်းအရာကို သိနားလည်ခြင်း
(လိမ်သည့်အတိုင်း ယုံကြည်ခြင်း၊ ယုံကြည်ရုံမက အကျိုးစီပွားလည်း ပျက်ခြင်း)
ဤအင်္ဂါ ၄-ပါးပြည့်စုံမှ မုသာဝါဒကံ အထမြောက်၏။

( သုရာမေရယ )
(၁) သေရည်အရက်ဖြစ်ခြင်း။
(၂) သောက်လိုစိတ် ရှိခြင်း။
(၃) သောက်ရန် ကြိုးစားခြင်း။
(၄) သောက်မျိုးခြင်း။
ဤအင်္ဂါ ၄-ပါးပြည့်စုံမှ သုရာမေရယကံ အထမြောက်၏။

ငါးပါးသီလ၏ အင်္ဂါအချက်အလက်တို့ကို သိဖို့လိုအပ်သကဲ့သို့ ငါးပါးသီလလွန်ကျူးရာ၌
အပြစ်အကြီးအသေးတို့ကိုလည်း သိဖို့လိုအပ်ပါသည်။

(၁)။ ဂုဏ်ကင်းသည့်တိရစ္ဆာန်တို့တွင် သတ္တ၀ါငယ်လေးတို့ကို သတ်လျှင် အပြစ်ငယ်၏။
သတ္တ၀ါအကြီးတို့ကို သတ်လျှင် အပြစ်ကြီး၏။
အကြောင်းမှာ အားစိုက်ရမှုက ကြီးမားသောကြောင့် ဖြစ်ပါ၏။
အားစိုက်ရမှု တူမျှနေလျှင်ကား သတ္တ၀ါကြီးက အပြစ်ကြီး၏။

သီလစသည့် ဂုဏ်ရှိသူ လူစသည်တို့တွင် ဂုဏ်နည်းသူကိုသတ်လျှင် အပြစ်ငယ်၏။
ဂုဏ်ကြီးသူကိုသတ်လျှင် အပြစ်ကြီး၏။

ခန္ဓာကိုယ်နှင့် ဂုဏ်တို့က တူမျှနေလျှင် ကိလေသာနှင့် အားစိုက်မှုတို့ နူးညံ့က အပြစ်ငယ်၏။
ထက်မြက်ကြမ်းထမ်းက အပြစ်ကြီး၏။

(၂)။ သူတပါးဥစ္စာ အညံ့စားကို ခိုးလျှင် အပြစ်ငယ်၏။
အကောင်းစားကို ခိုးလျှင် အပြစ်ကြီး၏။
အကြောင်းမှာ ပစ္စည်းက ကောင်းသောကြောင့် ဖြစ်ပါ၏။
ပစ္စည်းက တူနေလျှင် သီလစသည့် ဂုဏ်ရှိသူတို့၏ ပစ္စည်းကို ခိုးက အပြစ်ကြီး၏။
ဂုဏ်မြင့်မြတ်သူတို့ကို ထောက်ဆ၍ ဂုဏ်နိမ့်သူတို့၏ ဥစ္စာကိုခိုးက အပြစ်ငယ်၏။

(၃) သီလစသည့် ဂုဏ်ကင်းသည့် မမှောက်မှားထိုက်သူတို့ကို ကာမမှောက်မှား ကျူးလွန်လျှင်
အပြစ်ငယ်၏။သီလစသည့် ဂုဏ်ရှိသူတို့ကို မှောက်မှားလျှင် အပြစ်ကြီး၏။

(၄) လိမ်ညာလိုက်သဖြင့် အကျိုးပျက်သွားရာ၌ အကျိုးပျက်မှုနည်းလျှင် အပြစ်ငယ်၏။
များလျှင် အပြစ်ကြီး၏။
တနည်းအားဖြင့် ပြရလျှင်-လူဝတ်ကြောင်တို့က ကိုယ့်ဥစ္စာကို မပေးလိုသဖြင့် မရှိဘူး-စသည်ဖြင့်
ပြောလျှင် အပြစ်ငယ်၏။သက်သေအဖြစ်ဖြင့် အကျိုးပျက်ပြားအောင် ပြောလျှင် အပြစ်ကြီး၏။
ရှင်ရဟန်းတို့က ဆီ ထောပတ် အနည်းငယ်လေးကိုမျှ ရသဖြင့် အပျော်သဘောဖြင့်-ဒီနေ့ ရွာမှာ
ဆီက မြစ်လို စီးဆင်းနေပုံရတယ်-ဟု စကားအပိုအလွန် ပြောလျှင် အပြစ်ငယ်၏။
ကိုယ်မမြင်ရတာကို မြင်တယ် စသည်ဖြင့် ပြောလျှင် အပြစ်ကြီး၏။

(၅) သေရည်အရက်ကို တလက်ဖက်၏ တ၀က်လောက်ပဲသောက်လျှင် အပြစ်ငယ်၏။
တပြည်၏ တ၀က်လောက်သောက်လျှင် ထိုထက်အပြစ်ကြီး၏။
ကိုယ်ကို လှုပ်စေနိုင်လောက်အောင် အများကြီးသောက်ပြီး ရွာသူ ရွာသား သတ်ခြင်းစသည်ကို
ပြုလုပ်လျှင် ပိုအပြစ်ကြီး၏။

သူ့အသက်သတ်မှုတို့တွင် ရဟန္တာကို သတ်မှု၊
သူ့ဥစ္စာကို ခိုးမှုတို့တွင် ရဟန္တာ၏ဥစ္စာကို ခိုးမှု။
ကာမကျူးလွန်မှုတို့တွင် ရဟန္တာမိန်းမကို ကျူးလွန်မှု။
ညာပြောမှုတို့တွင် ညာပြောပြီး သံဃာသင်းခွဲမှု၊
သေရည်အရက်သောက်မှုတို့တွင် ကိုယ်ကိုလှုပ်စေနိုင်လောက်အောင် အများကြီးသောက်ပြီး
ရွာသူ ရွာသားတို့ကို သတ်မှု စသည်တို့သည် အပြစ်အကြီးဆုံးတို့ ဖြစ်ကြပါ၏။

ထိုငါးမျိုးထဲတွင်လည်း လိမ်ညာပြီး သံဃာသင်းခွဲမှုသည် အပြစ်အကြီးဆုံး ဖြစ်ပြန်ပါ၏။ မှန်၏။
ထိုသံဃာသင်းခွဲမှုကို ပြုမိလျှင် တကမ္ဘာပတ်လုံး ငရဲ၌ ခံရ၏။

ငါးပါးသီလနှင့် လူ၊ လူနှင့် ငါးပါးသီလသည် ထာဝရတွဲနေရပါမည်။
သို့မှသာ လူသည် လူပီသသူဖြစ်ပါမည်။
လူပီသမှသာ လူ့ဘ၀သည် တန်ဖိုးရှိသောဘ၀ ဖြစ်ပါမည်။
ငါးပါးသီလကို အသက်ပမာ ချစ်မြတ်နိုးသူတို့သည် ငါးပါးသီလနှင့် စပ်သော ဤအချက်အလက်တို့ကို
သိထားသင့်ကြပေသည်။

ထို့ကြောင့် စာရေးသူက စာရှုသူတို့အား မျှဝေလိုက်ပါသည်။

( သာမဏေကျော် ) http://mawluu.blogspot.com
ကူးယူဒါနပြုပါသည်

သီလကျင့်စဉ်၊သမာဓိကျင့်စဉ်၊ပညာကျင့်စဉ်တွေကိုဖြူဖြူစင်စင်ဖြည့်ကျင့်ကာ စိတ်တွေဖြူစင်အောင်ထားတဲ့သူတွေဖြစ်ပြီး
သံသရာဝဋ်ဆင်းရဲမှလွတ်မြောက်ကြပါစေ

ရင်းနှီးလေးစားစွာနှင့်
ရောင်နီ၀၇