ဝိဇ္ဇာ၊ ဇော်ဂျီ

သိချင်တာလေးရှိလို့ မေးလျှောက်ပါရစေဘုရား။
ဘာသာရေးကျမ်းစာတွေ အထူးသဖြင့် ဇာတ်တော်
တွေမှာ ၀ိဇ္ဇာ၊ ဇော်ဂျီတွေ အကြောင်းကို ဖတ်ရှုရပါ
သည်။ ၄င်းတို့သည် သုံးဆယ့်တစ်ဘုံ အတွင်း
အဘယ်ဘုံဌာနတွင် နေထိုင်ကြပါသနည်း။ သူတို့
အကြောင်းကိုလည်း သိချင်ပါသည်ဘုရား။

ဝေလင်းအောင်

ဝိဇ္ဇာ ၅မျိုး
လယ်တီဆရာတော်ကြီးရဲ့ ၀ိဇ္ဇာမဂ္ဂဒီပနီကျမ်းမှာ
ဝိဇ္ဇာငါးမျိုးပြတယ်။
၁။ ဝေဒ၀ိဇ္ဇာ = ဗေဒင်လေးပုံ။
၂။ မန္တ၀ိဇ္ဇာ = လက္ခဏာကျမ်း၊ နိမိတ်ကျမ်း၊ နက္ခတ်
ကျမ်း၊ ဂါထာမန္တာန်ကျမ်း၊ ဆေးကျမ်းတွေ၊
၃။ ဂန္ဓာရီဝိဇ္ဇာ = အင်းဝိဇ္ဇာ၊ ပြဒါးဝိဇ္ဇာ၊ သံဝိဇ္ဇ္ဇာတွေရဲ့
အစီအရင်နဲ့ နတ်သိကြားတွေရဲ့တန်ခိုး၊ အဘိညာဉ်
တန်ခိုးတွေလိုအစွမ်းထက်တဲ့တန်ခိုး။ ဒီတန်ခိုးက
နတ်တွေထက်တောင်စွမ်းလို့ နတ်တွေမနာလိုဖြစ်
တတ်သတဲ့။
၎။ လောကိယ၀ိဇ္ဇာ = အဘိညာဉ်တန်ခိုး။ ဒီတန်ခိုး
ကို ဗုဒ္ဓဘာသာမရှိတဲ့နေရာ အချိန်အခါတွေမှာလည်း
အချို့ရသေ့၊ ရဟန်းတွေရတယ်။
၅။ အရိယ၀ိဇ္ဇာ = အရိယ၀ိဇ္ဇာဉာဏ်ငါးပါး။

ဝိဇ္ဇာဓိုရ်
ဝိဇ္ဇာဓိုရ်တွေဟာ သူတို့ရဲ့အတတ်ပညာကို လှုပ်နိုးပြီး
ရေးခြစ်မထင်ဟင်းလင်းပြင်မှာ ဆင်ရုပ်ပုံတွေ၊ မြင်းရုပ်
ပုံတွေဖန်ဆင်းပြတယ်။ ၀ိဇ္ဇာဓရော ၀ိဇ္ဇံ ပရိဇပ္ပတွာ
အာကာသေ အန္တလိက္ခေ ဟတိမ္ပိ ဒေဿန္တိ အဿန္တိ
ဒေဿန္တိ။ ပဋိသံ၊ ၃၉၁။ ဒီပါဠိတော်အရ ဗုဒ္ဓကျမ်းဂန်
မှာ ၀ိဇ္ဇာဓိုရ်ဆိုတဲ့စကားရှိတဲ့အတွက် ဗုဒ္ဓဘုရားရှင်
ကိုယ်တိုင် ဒီစာလုံးနဲ့ရင်းနှီးဖွယ်ရှိပါတယ်။

ဝိဇ္ဇာဓရဆိုတဲ့ဝေါဟာရမှာ ၀ိဇ္ဇာနဲ့ဓရလို့ နှစ်ပုဒ်ရှိတယ်။
ဝိဇ္ဇာ = အတတ်ပညာ၊ ဓရ = ဆောင်တယ်၊ ရှိတယ်။
အဲဒီပုဒ်ရင်း အဓိပ္ပါယ်အရ အတတ်ပညာ ရှိသူမှန်ရင်
ဝိဇ္ဇာဓရ = ၀ိဇ္ဇဓိုရ်လို့ခေါ်ခွင့်ရှိတယ်။ ဒီလိုဆိုရင်လောက
မှာ ၀ိဇ္ဇာတွေအများရှိနိုင်သလို ၀ိဇ္ဇဓိုရ်တွေလည်း များမှာ
ပေါ့။

အရိယ၀ိဇ္ဇာ
အနိစ္စ ၀ိဇ္ဇာ = မမြဲအသိ၊ ဒုက္ခ၀ိဇ္ဇာ = ဆင်းရဲအသိ၊
အနတ္တ၀ိဇ္ဇာ = ကိုယ်ကောင်မဲ့ အသိ၊ မဂ္ဂ၀ိဇ္ဇာ = မဂ်
အသိ၊ ဖလ၀ိဇ္ဇာ = ဖိုလ်အသိလို့ အရိယ၀ိဇ္ဇာဉာဏ် ငါး
မျိုး၊ ဒီဉာဏ်ငါးမျိုးက ဗုဒ္ဓသာသနာ အတွင်းမှာပဲ ရနိုင်
တယ်။ မဂ္ဂင်ရှစ်ပါးကျင့်စဉ်နဲ့ပဲရနိုင်တယ်။ ဗုဒ္ဓသာသနာ
အပြင်မှာမရှိ။ ဒီလိုဆိုပြန်တော့ အရိယ၀ိဇ္ဇာငါးမျိုးနဲ့ပြည့်
စုံကြတဲ့ဘုရား၊ ရဟန္တာတွေကိုလည်း ၀ိဇ္ဇဓိုရ်လို့ခေါ်နိုင်
စရာပါပဲ။ ဘုန်းကြီးတို့ သိရတဲ့ ၀ိဇ္ဇာ၊ သို့မဟုတ် ၀ိဇ္ဇဓိုရ်
တွေ အကြောင်းက ဒီမျှပါ။

ရဟန်းမဟုတ်
ဝိဇ္ဇာဓိုရ်တစ်ယောက်ဟာ ညအချိန်ဘုရင့်နန်းတော်ကို
လာပြီး မိဖုရားနဲ့ ဖောက်ပြန်တာကို ဘုရင် သိသွားတဲ့
အတွက် အပြစ်ပေး ခံရမှာကို ကြောက်လို့ ၀ိဇ္ဇာဓိုရ်
ကောင်းကင်က ပြန်ပြေးတဲ့အခါ ဘုရင်က ၀ိဇ္ဇာဓိုရ်ကို
အသိဉာဏ်ရတဲ့ ရဟန်းလို့ထင်မှားပြီး သူ့နိုင်ငံအတွင်း
က ရဟန်းအားလုံးကိုနှင်ထုတ်လို့ ပစ္စေကဗုဒ္ဓါတစ်ဆူ
က ဖောက်ပြန်သူဟာ ရဟန်းကြောင်းရှင်းပြရသတဲ့။
(ဇာ-ဋ္ဌ ၃၊ ၂၈၈)

ဒါကတော့ ဂန္ဓာရီဝိဇ္ဇာကို တတ်ကျွမ်းသူဖြစ်နိုင်တယ်။
ဒီလိုဝိဇ္ဇာဓိုရ်တွေဟာ ရသေ့ရဟန်းတွေလိုဝတ်ဆင်ပုံ
ရပြီး တန်ခိုးစွမ်းရည်ရှိကြပေမဲ့ အချို့မှာကိုယ်ကျင့်တ
ရား ကောင်းပုံမရဘူး။

ဇော်ဂျီ
မြန်မာ အဘိဓာန်ကျမ်း အရ ဇော်ဂျီရဲ့ရင်းမြစ်က
သက္ကတ စကားလုံး ယောဂီ။ ပါဠိမှာလည်း ယောဂီ
ဝေါဟာရ ရှိပြီးသားပဲ။ ဗုဒ္ဓ၀ါဒ အဓိပ္ပါယ်ကတော့
ယောဂီဆိုတာ ကမ္မဋ္ဌာန်းရှုမှတ်သူ။ ရွှေဟင်္သာမင်းပျို့
မှာ ဘုန်းတောင်းအများ၊ ပုဏ္ဏားဇော်ဂီ၊ တပသီက၊
စသည်မလွတ် (ပိုဒ်-၉၃)လို့တွေ့ရတယ်။ ဇော်ဂီက
နေ ဇော်ဂျီ ဖြစ်လာပုံရတယ်။ ဒါပေမဲ့ ဇော်ဂျီဆိုရင်
တော့ မြေလျှိုးမိုးပျံနိုင်သူ၊ တန်ခိုးရှိသူလို့ယေဘူယျ
နားလည်ကြတယ်။ ဒါကြောင့်ဝိဇ္ဇာဓိုရ်နဲ့ ဇော်ဂျီဟာ
အဓိပ္ပါယ် တစ်စိတ် တစ်ပိုင်း တူပေမဲ့ ၀ိဇ္ဇာဓိုရ်ဆိုရင်
ပိုမိုကျယ်ပြန့်တယ်လို့ ဆိုနိုင်စရာပါ။

လူသားတွေ
ပြောပြထားတဲ့ အဓိပ္ပါယ်အရ အရိယာဝိဇ္ဇာဓိုရ်တွေ
ဟာ လူနတ်ဗြဟ္မာ ရှိနိုင်တယ်။ ဇော်ဂျီလည်း အရိ
ယာ ဇော်ဂျီရှိနိုင်တာပဲ။ အခြားဝိဇ္ဇာဓိုရ်နဲ့ဇော်ဂျီတွေ
ကတော့ လူသားတွေပဲ ဖြစ်ဖို့ များပါတယ်။ ဂန္ဓာရီ
ဝိဇ္ဇာလို အတတ်ပညာတွေ လောကမှာ ရှားရှားပါး
ပါးရှိတော့ရှိပုံရပါတယ်။ ဘုန်းကြီးလည်းကိုယ်တိုင်
ဘာအတွေ့အကြုံမှ မရှိဖူးလို့ ဒီပညာရပ်တွေနဲ့ပတ်
သတ်ပြီးတော့ မှတ်ချက်မပေးလိုဘူး။

ဗုဒ္ဓသာသနာ့အသံကို ပုံဖော်ပေးတဲ့ အမေရိကန်
လူမျိုးဟင်နရီစတီးလ် အောလ်ကော့ရဲ့ စိတ်ပိုင်း
ဘ၀ဟာ ဂန္ဓာရီ ၀ိဇ္ဇာကို တတ်ပုံရတဲ့ ရုရှား အမျိုး
သမီး ဗလာဗာစကီနဲ့ စခဲ့တယ်လို့အဆိုရှိတယ်။
(The White Buddhist,p.81)

အရှင်ကေလာသ(USA)
ဓမ္မအမေးအဖြေများ